भजनसङ्ग्रह ९८:१-९
-
यहोवा, उद्धारक र न्यायी न्यायकर्ता
-
यहोवाले उद्धारका कामहरू प्रकट गर्नुभएको छ (२, ३)
-
एउटा भजन।
९८ यहोवाको लागि एउटा नयाँ गीत गाओ+किनकि उहाँले अचम्मका कामहरू गर्नुभएको छ।+उहाँको दायाँ हातले, उहाँको पवित्र पाखुराले उद्धार गरेको छ।*+
२ यहोवाले उद्धारका कामहरू गरेर देखाउनुभएको छ;+राष्ट्रहरूसामु उहाँले आफ्नो न्याय प्रकट गर्नुभएको छ।+
३ इस्राएलको घरानालाई अटल प्रेम र वफादारी देखाउने आफ्नो प्रतिज्ञा उहाँले सम्झनुभएको छ।+सारा पृथ्वीले हाम्रा परमेश्वरले गर्नुभएका उद्धारका कामहरू* देखेको छ।+
४ हे सारा पृथ्वी, ठूलो स्वरले यहोवाको जयजयकार गर।रमाहट गर, खुसीले कराओ र स्तुति गाओ।*+
५ वीणा बजाएर यहोवाको प्रशंसाको गीत गाओ,वीणा बजाएर र सुमधुर भजन गाएर उहाँको स्तुति गर।*
६ बिगुल र सिङ फुक+अनि राजा यहोवासामु जयजयकार गर।
७ समुद्र र त्यसमा भएका सबै थोक गर्जून्,पृथ्वी* र त्यसमा बास गर्ने सबैले प्रशंसा गरून्।
८ नदीहरूले ताली बजाऊन्;पहाडहरू आनन्दले एकसाथ कराऊन्,+
९ यहोवासामु कराऊन् किनकि उहाँ सारा पृथ्वीको न्याय गर्न आउँदै हुनुहुन्छ।*उहाँले निष्पक्ष भई सारा पृथ्वीको* न्याय गर्नुहुनेछ,+पक्षपात नगरी मानिसहरूको इन्साफ गर्नुहुनेछ।+
फुटनोटहरू
^ वा “उहाँको निम्ति विजय प्राप्त गरेको छ।”
^ वा “हाम्रो परमेश्वरको जित।”
^ वा “धुन बजाओ।”
^ वा “धुन बजाओ।”
^ वा “उर्वर भूमि।”
^ वा “आउनुभएको छ।”
^ वा “उर्वर भूमिको।”
