Nokora iki nimba nariziziwe n’amashusho y’ubushegabo?
Ivyo wokora
Nutahure ububi bw’ayo mashusho. Amashusho y’ubushegabo ni uburyo bwo kugerageza gucafuza ikintu Imana yaremeye kuba igiteye iteka. Gutahura ibintu muri ubwo buryo bizogufasha ‘kwanka ikibi.’—Zaburi 97:10.
Numenye ingaruka zayo. Amashusho y’ubushegabo aratesha agaciro aberekanwa muri yo. N’ikindi kandi aronona abayaraba. Ntibitangaje kubona Bibiliya ivuga iti: “Umunyabwenge ni uwubonye ivyago akihisha.”—Imigani 22:3.
Nugire umwiyemezo. Wa mugabo w’umwizigirwa Yobu yavuze ati: “Nagiranye isezerano n’amaso yanje. None noshobora nte gushinga ijisho umwigeme w’isugi?” (Yobu 31:1) Ng’aya ‘amasezerano’ amwamwe wogira:
Sinzokoresha Internet ndi jenyene mu cumba.
Nzoca ubwo nyene nugara ubutumwa bwose canke umuhora wose urimwo ibintu vy’ubushegabo.
Nivyashika ngasubira kuraba amashusho y’ubushegabo, nzoca ndabibwira umugenzi ahumuye.
Amashusho y’ubushegabo aragira ingaruka zikomeye: uko uyaraba ni ko bikugora kuvavanura na yo
Nubishire mw’isengesho. Umwanditsi w’amazaburi yatakambiye Yehova Imana ati: “Nutume amaso yanje arengana ntabone ibitagira akamaro.” (Zaburi 119:37) Imana yipfuza ko wererwa, kandi uramutse uyisenze, irashobora kukuronsa inkomezi zo gukora ibigororotse!—Abafilipi 4:13.
Raba uwo ubiyagira. Kurondera umuntu wizigira ubiyagira, akenshi birafasha cane kuvavanura n’iyo ngeso.—Imigani 17:17.
Wibuke iki kintu: Igihe cose wirinze amashusho y’ubushegabo, uba utahukanye intsinzi ikomeye. Nubwire Yehova Imana ibijanye n’iyo ntsinzi, wongere umukengurukire kubona yaguhaye inkomezi. Wirinze amashusho y’ubushegabo, uba unezereje umutima wa Yehova!—Imigani 27:11.
Raba kandi
URWARUKA RURIBAZA
Kubera iki nokwirinda amasanamu y’ibiterasoni?
Amasanamu y’ibiterasoni afitaniye isano gute no kunywa itabi?
URWARUKA RURIBAZA
Ni ibiki nkwiye kumenya ku bijanye n’ukurungikiranira ibiterasoni kuri telefone?
Woba uriko uragirwako umukazo wo kurungikiranira ibiterasoni kuri telefone? Ni ingaruka izihe ziva ku kubigira? Kwoba ari ukumenyerana mu vy’urukundo ata co gutwaye?
UMUNARA W’INDERETSI
Amashusho y’ubushegabo yoba ata co atwaye canke ni ishano?
Kuraba amashusho y’ubushegabo bigira ingaruka izihe ku bantu no ku miryango?
