Salimo 41:1-13
Kwa wotsogolera nyimbo. Nyimbo ya Davide.
41 Wosangalala ndi munthu amene amachita zinthu moganizira munthu wonyozeka.+Pa tsiku la tsoka, Yehova adzamupulumutsa.
2 Yehova adzamuteteza nʼkusunga moyo wake.
Anthu ena adzaona kuti akusangalala,+Ndipo Mulungu sadzamupereka kwa adani ake.*+
3 Yehova adzathandiza munthu woganizira wonyozekayo pamene akudwala pabedi lake.+Mudzamusamalira bwino kwambiri pa nthawi imene akudwala.
4 Ine ndinati: “Inu Yehova, ndikomereni mtima.+
Ndichiritseni,+ chifukwa ndakuchimwirani.”+
5 Koma adani anga amanena zoipa zokhudza ine kuti:
“Kodi ameneyu afa liti kuti dzina lake liiwalike?”
6 Mmodzi wa iwo akabwera kudzandiona, sanena zinthu moona mtima.
Amasonkhanitsa nkhani zoipa.Akatero amachoka nʼkukafalitsa nkhani zoipazo.
7 Onse amene amadana nane akunongʼonezana zokhudza ine.Akupangana zoti andichitire chiwembu. Iwo akuti:
8 “Chinthu chochititsa mantha chamuchitikira.Tsopano popeza iye ali chigonere, sadzadzukanso.”+
9 Ngakhale munthu amene ndinkakhala naye mwamtendere, amene ndinkamukhulupirira,+Munthu amene ankadya chakudya changa, watukula chidendene chake nʼkundiukira.+
10 Koma inu Yehova, ndikomereni mtima nʼkundidzutsa,Kuti ndiwapatse chilango chifukwa cha zimene anachita.
11 Mdani wanga akapanda kundigonjetsa nʼkufuula mosangalala,
Ndidzadziwa kuti mukusangalala nane.+
12 Koma ine mumandithandiza chifukwa choti ndine wokhulupirika,+Ndipo mudzasangalala nane mpaka kalekale.*+
13 Atamandike Yehova Mulungu wa Isiraeli,Kuyambira panopo mpaka kalekale.*+
Ame! Ame!
Mawu a M'munsi
^ Kapena kuti, “kwa adani ake kuti achite naye zimene akufuna.”
^ Mʼchilankhulo choyambirira, “mudzandiika pamaso panu mpaka kalekale.”
^ Kapena kuti, “Kuyambira kalekale mpaka kalekale.”
