Zaburi 36:1-12
Kwa kiongozi. Ya Daudi, mutumishi wa Yehova.
36 Kosa linazungumuza na muovu ndani kabisa ya moyo wake;
Hakuna kumuogopa Mungu mbele ya macho yake.+
2 Kwa maana anajisifu-sifu sana mbele ya macho yake mwenyewe
Ili asiweze kutambua kosa lake na kulichukia.+
3 Maneno ya kinywa chake yanaumiza na ni ya udanganyifu;
Haonyeshe ufahamu wowote wa kutenda mambo ya muzuri.
4 Anafanya mipango yenye kuumiza hata katika kitanda chake.
Anafuata njia yenye haiko ya muzuri;
Hakatae mambo ya mubaya.
5 Ee Yehova, upendo wako mushikamanifu unafika mupaka mbinguni,+
Uaminifu wako mupaka kwenye mawingu.
6 Haki yako iko kama milima mikubwa;*+
Hukumu zako ni kama maji mengi yenye kuenda chini sana.+
Unalinda* mwanadamu na munyama, Ee Yehova.+
7 Upendo wako mushikamanifu ni wenye samani sana, Ee Mungu!+
Katika kivuli cha mabawa yako,
Wana wa binadamu wanakimbilia.+
8 Wanakunywa na kushiba vitu vyenye kunona vya* nyumba yako,+
Na unawanywesha kwenye muto wa vitu vyako vyenye kufurahisha.+
9 Kwako kuko chemchemi ya uzima;+
Kupitia mwangaza wako tunaweza kuona mwangaza.+
10 Endelea kuonyesha upendo wako mushikamanifu kwa wale wenye kukujua,+
Na haki yako, kwa wale wenye kuwa wanyoofu katika moyo.+
11 Usiruhusu muguu wa mwenye majivuno unikanyange
Wala mukono wa muovu unifukuze.
12 Wakosaji wameanguka kule;
Wamepigwa na kuangushwa chini na hawawezi kusimama.+
