नीतिवचनं १७:१-२८
१७ भांडणं असलेल्या घरात मेजवानी* करण्यापेक्षा,+शांती* असलेल्या घरी कोरड्या भाकरीचा तुकडा खाल्लेला बरा!+
२ सखोल समज असलेला नोकर निर्लज्जपणे वागणाऱ्‍या मुलावर अधिकार चालवेल;मालकाच्या मुलांसोबत त्यालाही संपत्तीचा वारसा मिळेल.
३ सोनंचांदी शुद्ध करण्यासाठी आगीत टाकतात,+पण हृदयांचं परीक्षण करणारा यहोवा आहे.+
४ दुष्ट माणूस दुखावणारे शब्द लक्ष देऊन ऐकतो,लबाड माणूस दुसऱ्‍यांची निंदा ऐकतो.+
५ गरिबाची थट्टा करणारा आपल्या निर्माणकर्त्याचा अपमान करतो,+आणि दुसऱ्‍याचं संकट पाहून हसणाऱ्‍याला शिक्षा झाल्याशिवाय राहणार नाही.+
६ नातवंडं* वृद्धांचा मुकुट असतात,आणि वडिलांमुळे* मुलांचा गौरव होतो.
७ शहाण्यासारखं* बोलणं मूर्खाला शोभत नाही,+मग खोटं बोलणं शासकाला* कसं शोभेल?+
८ भेटवस्तू देणाऱ्‍याला ती मौल्यवान रत्नासारखी वाटते;+तो जिथे जाईल, तिथे त्याला तिच्यामुळे यश मिळतं.+
९ जो अपराध क्षमा करतो,* तो प्रेम दाखवतो,+पण जो त्याबद्दल सतत बोलत राहतो, तो जिवलग मित्रांची मैत्री तोडतो.+
१० मूर्खाला शंभर फटके मारूनही जो परिणाम होत नाही,+तो समजशक्‍ती असलेल्या माणसाला एकदाच रागावल्याने होतो.+
११ दुष्ट माणूस फक्‍त बंड करण्याची संधी शोधत असतो,पण त्याला शिक्षा देण्यासाठी क्रूर दूताला पाठवलं जाईल.+
१२ मूर्खपणात गुरफटलेला एखादा मूर्ख भेटण्यापेक्षा,जिची पिल्लं पळवून नेलेली आहेत, अशी अस्वलीण समोर आलेली बरी.+
१३ जर एखाद्याने चांगल्याची परतफेड वाइटाने केली,तर त्याच्या घरावर संकटं येत राहतील.+
१४ वाद सुरू करणं हे धरणाचे दरवाजे उघडण्यासारखं* आहे.
भांडण पेटण्याआधीच तिथून निघून जा.+
१५ दुष्टाला निर्दोष ठरवणारा आणि नीतिमानाला दोषी ठरवणारा,+अशा दोघांचीही यहोवाला घृणा वाटते.
१६ मूर्खाकडे बुद्धी मिळवण्याची संधी असूनही,ती मिळवण्याची त्याला इच्छाच नसेल, तर काय उपयोग?+
१७ खरा मित्र नेहमी प्रेम करतो;+दुःखाच्या प्रसंगी तो भावासारखा होतो.+
१८ समज नसलेला माणूस हात मिळवतोआणि एखाद्याचं कर्ज फेडण्याची आपल्या शेजाऱ्‍यादेखत हमी देतो.*+
१९ ज्याला भांडण्याची हौस असते, त्याच्याकडून चुका होतीलच!+
जो आपलं फाटक उंच बांधतो, तो नाशाला आमंत्रण देतो.+
२० कपटी मनाच्या माणसाला यश मिळणार नाही,+आणि जो लबाडपणे बोलतो तो संकटात सापडेल.
२१ मूर्खाला जन्म देणारा बाप दुःखी होईल,बेअक्कल मुलाच्या पित्याला सुख नसतं.+
२२ आनंदी मन हे उत्तम औषध आहे,*+पण दुःखी मनामुळे शरीरात जोम राहत नाही.*+
२३ न्यायाचा मार्ग बदलण्यासाठीदुष्ट माणूस गुप्तपणे लाच घेतो.+
२४ समंजस माणूस बुद्धीला आपल्या डोळ्यांसमोर ठेवतो,पण मूर्खाची नजर सगळ्या पृथ्वीवर भिरभिरत असते.+
२५ मूर्ख मुलगा आपल्या बापाला शोक करायला लावतोआणि त्याला जन्म देणाऱ्‍या आईचं मन दुखवतो.+
२६ नीतिमानाला शिक्षा देणं* चांगलं नाही;आदरणीय लोकांना फटके मारणं योग्य नाही.
२७ ज्ञानी माणूस आपले शब्द आवरतो+आणि समंजस माणूस शांत राहतो.+
२८ शांत राहणाऱ्‍या मूर्खालाही बुद्धिमान समजलं जाईल,आणि तोंड बंद ठेवणाऱ्‍याला समंजस मानलं जाईल.
तळटीपा
^ किंवा “शांतता.”
^ शब्दशः “बलिदानं.”
^ किंवा “नातू.”
^ किंवा “पालकांमुळे; आईवडिलांमुळे.”
^ किंवा “चांगलं.”
^ किंवा “प्रतिष्ठित माणसाला.”
^ शब्दशः “झाकतो.”
^ शब्दशः “पाणी बाहेर सोडण्यासारखं.”
^ किंवा “जामीन राहतो.”
^ किंवा “आरोग्यासाठी चांगलं आहे.”
^ किंवा “हाडं सुकतात.”
^ किंवा “नीतिमानाकडून दंड घेणं.”
