IiNdumiso 46:1-11
Kumalathisi. Eyoonyana bakaKora.+ Mayidlalwe ngeAlamoti.* Ingoma.
46 UThixo uyindawo yokubalekela namandla ethu,+Uncedo olufumaneka ngokukhawuleza xa sisentlungwini.+
2 Ngoko soze soyike, nokuba umhlaba ungatshintsha,Nokuba iintaba zingatshona enzulwini yolwandle,+
3 Nokuba amanzi angagquma, alephuze amagwebu,+Nokuba iintaba zingagungqa ngenxa yokugquma kwawo. (Selah)
4 Kukho umlambo onemifula esivuyisayo isixeko sikaThixo,+Intente engcwele nezukileyo yOyena Uphakamileyo.
5 UThixo uphakathi kweso sixeko;+ asinakuze sitshatyalaliswe.
UThixo uza kusinceda ekuthini qheke kokusa.+
6 Iintlanga zaxokozela, izizwe zabhukuqwa;Lahlokoma ilizwi lakhe, wanyibilika umhlaba.+
7 UYehova wemikhosi unathi;+UThixo kaYakobi uyindawo ekhuselekileyo esibalekela kuyo.* (Selah)
8 Yizani nibone imisebenzi kaYehova,Indlela enze ngayo izinto ezimangalisayo emhlabeni.
9 Uphelisa iimfazwe emhlabeni wonke.+
Waphula isaphetha aze awuthi qwatha umkhonto,Atshise neenqwelo zokulwa.*
10 “Nikezelani, nazi ukuba ndinguThixo.
Ndiza kuphakanyiswa phakathi kweentlanga;+Ndiza kuphakanyiswa emhlabeni.”+
11 UYehova wemikhosi unathi;+UThixo kaYakobi uyindawo ekhuselekileyo esibalekela kuyo.+ (Selah)
Umbhalo osemazantsi
^ Funda Ingcaciso Yamagama.
^ Okanye “ephakamileyo nekhuselekileyo.”
^ Okanye kusenokwenzeka, “Atshise namakhaka.”