UMBUZO 10
Ithembisa Ntoni IBhayibhile Ngekamva?
“Umhlaba uza kuba ngowamalungisa, ibe aza kuhlala kuwo ngonaphakade.”
“Umhlaba uhlala ukho ngonaphakade.”
“Uza kukuginya ukufa ngonaphakade, yaye iNkosi enguMongami uYehova iza kuzosula iinyembezi ebusweni babo bonke abantu.”
“Ngelo xesha aza kuvulwa amehlo abantu abangaboniyo, zivulwe neendlebe zabantu abangevayo. Ngelo xesha umntu oqhwalelayo uza kutsiba njengempunzi, nolwimi lomntu ongakwaziyo ukuthetha luza kukhwaza ngovuyo. Kuba nentlango iza kumpompoza amanzi, kubekho imisinga yamanzi entlango.”
“Uza kuzosula zonke iinyembezi emehlweni abo, kungabi sabakho kufa, kungabi sabakho kuzila nakukhala nantlungu. Izinto zangaphambili azisekho.”
“Baza kwakha izindlu, bahlale kuzo, batyale amasimi eediliya, batye iziqhamo zawo. Abazukwakha kuze kuhlale abanye, bengazukutyala izinto eziza kutyiwa ngabanye. Kuba imihla yabantu bam iza kuba njengeyomthi. Abantu bam abakhethiweyo baxhamle ngokupheleleyo kwimisebenzi abayenze ngezandla zabo.”
