యువత అడిగే ప్రశ్నలు
నేనెందుకు కోసుకుంటాను?
కోసుకోవడం అంటే ఏంటి?
ఏదైనా పదునైన వస్తువుతో బలవంతంగా హాని చేసుకోవడాన్ని కోసుకోవడం అంటారు. తమకుతాము హాని-చేసుకోవడంలో ఇదొక పద్ధతి. కాల్చుకోవడం, గాయం చేసుకోవడం, వాళ్లంతట వాళ్లే కొట్టుకోవడం లాంటి ఇంకొన్ని పద్ధతులు కూడా ఉన్నాయి. ఈ ఆర్టికల్‌ కోసుకోవడం గురించి మాట్లాడుతున్నా, ఇందులో చెప్పిన విషయాలు మిగతా వాటికి కూడా వర్తిస్తాయి.
మీకు ఎంతవరకు తెలుసో చూసుకోండి: అవును/కాదు.
కేవలం అమ్మాయిలే కోసుకుంటారు.
కోసుకుంటే “మీ దేహమును చీరుకొనకూడదు” అని లేవీయకాండము 19:28 లో బైబిలు చెప్పిన మాటలు మీరినట్లు అవుతుంది.
సరైన జవాబులు:
కాదు. ఈ సమస్య అమ్మాయిల్లో ఎక్కువగా కనిపించినా, కొంతమంది అబ్బాయిలు కూడా కోసుకోవడం లేదా మరో విధంగా తమనుతాము గాయపర్చుకోవడం లాంటివి చేస్తుంటారు.
కాదు. లేవీయకాండము 19:28 ఒక ప్రాచీనకాల అన్యమత ఆచారం గురించి చెప్తుందే గానీ ఈ ఆర్టికల్లో చర్చిస్తున్నట్లు తమకుతాము హాని చేసుకోవడం గురించి కాదు. అయితే, మన ప్రేమగల సృష్టికర్త మనకి మనం హాని చేసుకోవాలని ఖచ్ఛితంగా కోరుకోడు.—1 కొరింథీయులు 6:12; 2 కొరింథీయులు 7:1; 1 యోహాను 4:8.
ప్రజలు ఎందుకలా చేస్తుంటారు?
మీకు ఎంతవరకు తెలుసో చూసుకోండి: ఇందులో ఏ వాక్యం సరైనదని మీరు అనుకుంటున్నారు?
ప్రజలు ఎందుకు కోసుకుంటారంటే . . .
మానసికంగా వాళ్లు అనుభవించే బాధతో పోరాడడానికి.
చనిపోవడానికి.
సరైన జవాబు: ఎ. నిజానికి అలా కోసుకునే చాలామంది చనిపోవాలని అనుకోరు. వాళ్లకు మానసికంగా ఉన్న బాధను తగ్గించుకోవడానికే అలా చేస్తారు.
ఇలా కోసుకునే అలవాటున్న కొంతమంది యౌవనులు దాని గురించి ఏం చెప్తున్నారో గమనించండి:
సీల్‌యా : “అలా కోసుకున్నప్పుడు నాకు హాయిగా అనిపించేది.”
టమారా : “మనసులోని బాధను తప్పించుకోవడానికి అదొక ప్రయత్నం. శరీరానికి కలిగే బాధ మనసుకు కలిగే బాధకంటే ఎంతో నయం.”
క్యారీ : “దిగులు పడడం నాకు అస్సలు ఇష్టం ఉండదు. అందుకే నా దృష్టిని బాధపెట్టే ఆలోచనల మీద నుండి, నా శరీరానికి కలిగే బాధవైపుకు మరల్చుకోవడానికి నేను కోసుకుంటాను.”
జరీన్‌: “నేను కోసుకున్న ప్రతీసారి నా చుట్టుపక్కల ఏం జరుగుతుందో నాకు తెలిసేదికాదు. ఇక నేను నా సమస్యల గురించి ఆలోచించాల్సిన అవసరం లేదు. అలా ఉంటే నాకు బాగుంటుంది.”
మీకూ ఇలాంటి సమస్య ఉంటే మీరు దాన్నెలా పరిష్కరించుకోవచ్చు?
ఈ బాధనుండి కోలుకునేందుకు యెహోవా దేవునికి ప్రార్థించడం ఒక మంచి పద్ధతి. బైబిలు ఇలా చెప్తుంది, “ఆయన మిమ్మునుగూర్చి చింతించుచున్నాడు గనుక మీ చింత యావత్తు ఆయనమీద వేయుడి.”—1 పేతురు 5:7.
సలహా: చిన్నచిన్న ప్రార్థనలతో ప్రారంభించండి. బహుశా యెహోవాని “నాకు సహాయం కావాలి” అని అడిగినా సరే, సమయం గడిచేకొద్దీ మెల్లమెల్లగా మనసువిప్పి మీ భావాలన్నిటినీ ‘సమస్తమైన ఆదరణను అనుగ్రహించు దేవుని’ ముందు మీరే కుమ్మరించగలుగుతారు.—2 కొరింథీయులు 1:3, 4.
ప్రార్థన అంటే కేవలం మనశ్శాంతి కోసం చేసే పని కాదు. అది “నీకు సహాయము చేయువాడను నేనే నీతియను నా దక్షిణహస్తముతో నిన్ను ఆదుకొందును” అని మాటిస్తున్న మీ పరలోకపు తండ్రితో నిజంగా మాట్లాడడం.—యెషయా 41:9, 10.
కోసుకునే అలవాటుతో బాధపడుతున్న చాలామంది వాళ్ల అమ్మ లేదా నాన్నతో, మరెవరైనా నమ్మకమైన పెద్దవాళ్లతో మాట్లాడి ఉపశమనం పొందారు. అలా చేసిన ముగ్గురు యౌవనులు చెప్పే మాటలు గమనించండి:
ఈ ప్రశ్నలకు జవాబు ఇవ్వండి
మీరు ఎవరినైనా సహాయం అడగాలి అనుకున్నప్పుడు, ఎవరి మీద ఆధారపడవచ్చు?
మీ సమస్య గురించి ప్రార్థనలో యెహోవా దేవునికి ఏమి చెప్పవచ్చు?
మీ ఒత్తిడిని, ఆందోవనను పోగొట్టుకోవడానికి (మీకు మీరు హాని చేసుకోని) ఏవైనా రెండు మార్గాలు చెప్పగలరా?
మీకు ఇవి కూడా నచ్చవచ్చు
వర్క్‌షీట్లు
భావోద్వేగాల్ని అదుపులో ఉంచుకోవడం ఎలా
భావోద్వేగాల్లో వచ్చే హెచ్చుతగ్గులతో ఎలా వ్యవహరించాలో తెలియజేసే వర్క్‌షీట్‌.
యువత అడిగే ప్రశ్నలు
నా భావోద్వేగాల్ని ఎలా అదుపు చేసుకోవాలి?
భావోద్వేగాలు వెంటవెంటనే మారడం మామూలే. కానీ చాలామంది యౌవనులు వాటి గురించి ఆందోళన పడుతున్నారు. మీ భావోద్వేగాల్ని అర్థం చేసుకుని వాటిని ఎలా అదుపులో ఉంచుకోవాలో తెలుసుకోండి.
యువత అడిగే ప్రశ్నలు
నేను పాజిటివ్‌గా ఎలా ఆలోచించగలను?
ఈ సలహాలు పాటిస్తే మీరు పాజిటివ్‌గా ఆలోచించగలుగుతారు.
యువత అడిగే ప్రశ్నలు
డిప్రెషన్‌ నుండి నేనెలా బయటపడాలి?
ఈ ఆర్టికల్లో ఉన్న విషయాలు మీరు బాగవ్వడానికి సహాయపడవచ్చు.
యువత అడిగే ప్రశ్నలు
కంగారుగా ఉంటే ఏమి చేయాలి?
కంగారు వల్ల చెడుకి బదులు మంచి జరగడానికి మీకు ఆరు విషయాలు సహాయం చేస్తాయి
