Nzembo 31:1-24
Epai ya mokambi ya nzembo.Mondule ya Davidi.
31 Ee Yehova, nakimi epaina yo.+
Nayoka nsɔni ata moke te.+
Bikisá ngai mpo na bosembo na yo.+
2 Tyá litoi na yo epai na ngai.*
Yaká noki mpo na kobikisa ngai.+
Kómá ngomba makasi ya libateli mpo na ngai,Esika makasi mpo na kobikisa ngai.+
3 Mpo ozali libanga na ngai mpe esika makasi ya libateli na ngai;+Mpo na nkombo na yo,+okokamba ngai mpe okotambwisa ngai.+
4 Okobimisa ngai na monyama oyo babombi mpo na kokanga ngai,+Mpo yo ozali ndako na ngai ya makasi.+
5 Natiki elimo na ngai na mabɔkɔ na yo.+
Osikoli ngai, Ee Yehova, Nzambe oyo alobaka solo.*+
6 Nayinaka mpenza baoyo basambelaka bikeko ya mpamba, oyo ezangi ntina,Kasi ngai natyelaka nde Yehova motema.
7 Nakosepela mpenza na bolingo na yo ya sembo;Mpo omoni mpasi na ngai;+Oyebi mozindo ya mpasi* na ngai.
8 Okabi ngai na lobɔkɔ ya monguna te,Kasi otɛlɛmisi ngai na esika moko ya libateli.*
9 Ee Yehova, moniselá ngai boboto mpo nazali na mpasi.
Mitungisi elɛmbisi miso na ngai,+ ata mpe nzoto na ngai mobimba.*+
10 Mawa ekómisi bomoi na ngai na nsuka+Mpe bambula na ngai kaka kolelalela.*+
Makasi na ngai ezali kosila mpo na libunga na ngai;Mikuwa na ngai ezali kolɛmba.+
11 Nakómi eloko ya kosɛka epai ya banguna na ngai nyonso,+Mingimingi epai ya baoyo bafandi zingazinga na ngai.
Mpe baoyo toyebani na bango bazali na nsɔmɔ na ngai;Bazali kokima soki bamoni ngai na esika ya bato nyonso.+
12 Balongoli ngai na mitema* na bango mpe babosani ngai, lokola moto oyo akufi;Nazali lokola elokó oyo ebukaná.
13 Nayoki nsango mingi ya mabe;Nsɔmɔ ezingi ngai.+
Bazali koyangana esika mokoMpe kosala likita mpo na koboma ngai.+
14 Kasi natyeli yo motema,Ee Yehova.+
Nalobi ete: “Yo ozali Nzambe na ngai.”+
15 Mikolo* na ngai ezali na lobɔkɔ na yo.
Bikisá ngai na lobɔkɔ ya banguna na ngai mpe na baoyo bazali konyokola ngai.+
16 Moniselá mosaleli na yo boboto.+
Bikisá ngai na bolingo na yo ya sembo.
17 Ee Yehova, nayoka nsɔni te ntango nazali kobelela yo.+
Bato mabe báyoka nsɔni;+Báfanda nyɛɛ na kati ya Nkunda.*+
18 Mbɛbu ya lokuta ezanga likambo ya koloba,+Mbɛbu oyo elobaka na moto ya sembo na lofundo nyonso, na lolendo mpe na kotyola.
19 Bolamu na yo ezali mingi mpenza!+
Obombeli yango baoyo babangaka yo,+Mpe omonisi yango liboso ya bato nyonso, mpo na bolamu ya baoyo bazali kokima epai na yo.+
20 Okobomba bango na esika ya nkuku liboso na yo+Mosika na mayele mabe ya bato;Okobomba bango na esika na yo ya libateliMosika na baoyo bazali na makanisi ya kosala mabe.*+
21 Yehova asanzolama,Mpo amoniseli ngai bolingo na ye ya sembo na ndenge moko ya kokamwa+ na engumba oyo ezingami na bango.+
22 Kasi ngai, nayokaki nsɔmɔ mpe nabandaki koloba:
“Nakokufa liboso na yo.”+
Kasi oyokaki libondeli* na ngai ntango nabelelaki yo mpo na kosɛnga lisalisi.+
23 Bólinga Yehova, bino nyonso baoyo bozali sembo epai na ye!+
Yehova abatelaka bato ya sembo,+Kasi apesaka etumbu makasi na moto nyonso oyo azali na lolendo.+
24 Bózala na mpiko, mpe motema na bino ezala makasi,+Bino nyonso baoyo bozali kozela Yehova.+
Maloba na nse
^ To, “Kitá mpe yoká ngai.”
^ To, “Nzambe ya sembo.”
^ To, “bampasi ya molimo.”
^ To, “esika monene.”
^ To, “molimo ná libumu na ngai.”
^ To, “kokimela.”
^ To, “makanisi.”
^ Lil., “Bantango.”
^ To, “Sheole,” elingi koloba, nkunda ya bato nyonso. Talá Ndimbola ya maloba.
^ Lil., “Mosika na koswana ya lolemo.”
^ To, “lilɔmbɔ.”
