Nzembo 10:1-18
ל [Lamed]
10 Ee Yehova, mpo na nini ozali kotɛlɛma mosika?
Mpo na nini ozali komibomba na ntango ya mpasi?+
2 Na lofundo nyonso, moto mabe azali kolanda moto oyo azangi libateli,+Kasi moto mabe akokangama na mayele na ye ya mabe.+
3 Mpo moto mabe amikumisi mpo na mposa na ye ya moimi*+Mpe azali kopambola moto ya lokoso;*נ [Nun]Azangi limemya epai ya Yehova.
4 Moto mabe na lolendo na ye alukalukaka te;Makanisi na ye nyonsoezali kaka ete: “Nzambe azali te.”+
5 Nyonso oyo asalaka elongaka,+Kasi azali kokanga ntina te ya mibeko na yo;+Asɛkaka* banguna na ye nyonso.
6 Alobi na motema na ye ete: “Nakokwea ata moke te;*Mpo nakomona mpasi ata moke te libota nalibota.”+
פ [Pe]
7 Monɔkɔ na ye etondi na bilakeli mabe, lokuta mpe makambo oyo ememaka mpasi;+Mpasi mpe makambo oyo enyokolaka ezali na nse ya lolemo na ye.+
8 Azali kobatama pembeni ya bamboka;Uta na esika na ye ya kobombana abomi moto oyo asali likambo te.+
ע [Ayin]
Miso na ye ezali kotala mpo na kokanga moto ya mawa.+
9 Azali kozela na esika na ye ya kobombana lokola nkɔsi na esika na ye ya kobombana.+
Azali kozela mpo akanga moto oyo azangi libateli.
Akangi moto oyo azangi libateli ntango azali kobenda monyama na ye.+
10 Moto oyo asali likambo te atutami mpe abwakami na nse;Bato ya mawa bakwei na manzaka na ye ya makasi.
11 Alobi na motema na ye ete: “Nzambe abosani.+
Abalusi elongi na ye.
Azali komona ata eloko moko te.”+
ק [Kof]
12 Tɛlɛmá, Ee Yehova.+Ee Nzambe, tombolá lobɔkɔ na yo.+
Kobosana te bato oyo bazangi libateli.+
13 Mpo na nini moto mabe azangi limemya epai ya Nzambe?
Alobi na motema na ye:“Okosɛnga ngai te nazongisa monɔkɔ.”
ר [Resh]
14 Kasi omonaka ntango moto azali na mpasi mpe atungisami.
Otalaka mpe ozwaka makambo na mabɔkɔ.+
Moto ya mawa atalelaka yo;+Ozali mosungi ya mwana oyo tata akufá.+
ש [Shin]
15 Buká lobɔkɔ ya moto mabe mpe ya moto ya makambo mabe.+Mpo ntango okoluka makambo na ye ya mabe,Okomona yango lisusu te.
16 Yehova azali Mokonzi libela na libela.+
Bikólo elimwe na mabele.+
ת [Taw]
17 Kasi okoyoka kosɛnga ya bato ya komikitisa,Ee Yehova.+
Okokembisa mitema na bango+ mpe okotyela bango mpenza likebi.+
18 Okokata na bosembo likambo ya mwana oyo tata akufá mpe baoyo batutami,+Mpo moto, mowei mpamba, oyo azali moto ya mabele, abangisa bango lisusu te.+
Maloba na nse
^ To, “mposa ya molimo na ye.”
^ To mbala mosusu, “moto ya lokoso azali komipambola.”
^ To, “Atyolaka.”
^ To, “Nakotengatenga ata moke te.”
