Nzembo 23:1-6
Mondule ya Davidi.
23 Yehova azali Mobateli*na ngai.+
Nakozanga eloko te.+
2 Alalisaka ngai na bisika ya koleisa bibwɛlɛ oyo etondi na matiti;Atambwisaka ngai na bisika ya kopema oyo ezali na mai mingi.*+
3 Apesaka ngai* makasi.+
Atambwisaka ngai na banzela ya bosembo*mpo na nkombo na ye.+
4 Ata soki nazali kotambola na lobwaku ya molili makasi,+Nabangaka eloko ya mabe ata moko te,+Mpo ozali elongo na ngai;+Nzete na yo mpe lingenda na yo ekitisaka ngai motema.*
5 Obongiseli ngai mesa liboso ya banguna na ngai.+
Otye mafuta na motó na ngai;*+Kɔpɔ na ngai etondi malamu.+
6 Ya solo, bolamu mpe bolingo ya sembo ekolanda ngai mikolo nyonso ya bomoi na ngai,+Mpe nakofanda na ndako ya Yehova mikolo nyonso ya bomoi na ngai.+
Maloba na nse
^ Lil., “Mobateli ya mpate.”
^ To mbala mosusu, “mai oyo efandi kimya.”
^ To, “boyengebene.” Talá Ndimbola ya maloba.
^ To, “Apesaka molimo na ngai.”
^ To, “ebɔndisaka ngai.”
^ To, “Obɔndisi motó na ngai na mafuta.”
