Zaburi 103:1-22
Ni zaburi ya Dawidi.
103 Ngira nshemeze Yehova.Ngira nshemeze izina ryiwe ryeranda n’umutima wanje wose.
2 Ngira nshemeze Yehova.Ese ntopfa nibagiye ivyo yankoreye vyose+!
3 Aguharira amakosa yawe yose+,akagukiza indwara zawe zose+.
4 Akura ubuzima bwawe mu cobo*+,akakwambika urugori rw’ubuntu* n’imbabazi+.
5 Aguhunda ivyiza+ ubuzima bwawe bwose,ku buryo inkomezi zawe ziguma ziyubura nk’iz’inkona+.
6 Yehova akora ibigororotse+ n’ibitunganyeku bw’abo bose bacinyizwa+.
7 Yamenyesheje inzira ziwe Musa+,amenyesha ibikorwa vyiwe bene Isirayeli+.
8 Yehova ni Imana y’imbabazi n’impuhwe*+,iteba gushavura kandi yuzuye urukundo*+.
9 Ntaguma atorana amahinyu+,kandi ntabika inzika ibihe vyose+.
10 Ntadukorera ibihuye n’ibicumuro vyacu+,kandi ntatwishura ibikwiranye n’amakosa yacu+.
11 Nk’uko ijuru riri kure cane y’isi,ni ko n’urukundo* akunda abamutinya ari rwinshi+.
12 Nk’uko ubuseruko buri kure cane y’uburengero,ni ko ashira kure cane amakosa yacu+.
13 Nk’uko umuvyeyi agirira imbabazi abana biwe,ni ko Yehova agirira imbabazi abamutinya+.
14 Kuko azi neza ingene turemwe+,aribuka ko turi umukungugu+.
15 Imisi y’umuntu imeze nk’iy’ivyatsi bitoto+.Ashurika nk’ishurwe ryo mw’ishamba+.
16 Iyo umuyaga uriciyeko rica rikamangana,rikamera nk’aho ritigeze ribaho*.
17 Ariko urukundo* rwa Yehova rwamaho ibihe vyose*kuri abo bose bamutinya+,kandi ubugororotsi bwiwe bwamaho ku babakomokako+,
18 ku bubahiriza isezerano ryiwe+no ku bitwararika kugamburuka ivyagezwe vyiwe.
19 Yehova yarashimangiye intebe yiwe y’ubwami mw’ijuru+,kandi ubwami bwiwe buganza ibintu vyose+.
20 Shemeza Yehova, yemwe bamarayika biwe mwese+ mukomeye cane,mwebwe mugamburuka ijwi ryiwe, mugashitsa ijambo ryiwe+.
21 Shemeza Yehova, yemwe ngabo ziwe mwese+,mwebwe abasuku biwe mukora ukugomba kwiwe+.
22 Shemeza Yehova, yemwe biremwa vyiwe mwese,mumushemeze ahantu hose aganza.
Reka nshemeze Yehova n’umutima wanje wose!
Utujambo tw'epfo
^ Canke «mu mva.»
^ Canke «urukundo rudahemuka (rudahera).»
^ Canke «ubuntu.»
^ Canke «urukundo rudahemuka (rudahera).»
^ Canke «urukundo rudahemuka (rudahera).»
^ Mu giheburayo havuga ngo «ahantu haryo ntihasubira kurimenya.»
^ Canke «kuva ibihe bidahera gushika ibihe bidahera.»
^ Canke «urukundo rudahemuka (rudahera).»