Ki sa m ka fè si paran m ap divòse?
Sa w ka fè
Di sa ki enkyete w. Fè paran w konnen ki jan sitiyasyon an fè w tris oswa ki jan li lage w nan konfizyon. Petèt yo ka esplike w sa k ap pase a, e konsa w ap mwens enkyè.
Si paran w pa ka ba w èd ou bezwen an, ou ka pale ak yon zanmi ki gen matirite. — Pwovèb 17:17.
Sa k pi enpòtan an, ou ka pale ak Papa w ki nan syèl la, li menm “ki tande lapriyè” a (Sòm 65:2). Vide kè w ba li, “paske li gen sousi pou [ou]”. — 1 Pyè 5:7.
Sa pou w pa fè
Menm jan lè w gen yon ponyèt ki kase, ou soufri e li pran tan pou l geri, se konsa tou lè paran w divòse, ou soufri men tikras pa tikras w ap rive geri.
Pa kenbe yo nan kè. Men sa Daniel, yon jèn ki te gen setan lè paran l te divòse, di: “Paran m te egoyis. Yo pa t vrèman panse avè n, nitou yo pa t panse ak fason sa yo fè a t ap gen efè sou nou.”
Si Daniel ret fache ak paran l e l kontinye kenbe yo sou kè, ki move efè ou panse sa ka genyen sou li? — Ide: Li Pwovèb 29:22.
Ki byenfè Daniel ap jwenn si l eseye padone paran l pou mal yo te fè l? — Ide: Li Efezyen 4:31, 32.
Evite aji fason ki ka lakòz ou soufri. Men sa Denny di: “Apre paran m te fin divòse, mwen pa t kontan ditou e m te dekouraje. M te kòmanse gen pwoblèm lekòl la e m te double yon klas. Apre sa, [...] m te timoun ki pi dezòd nan klas la e m te konn goumen anpil.”
Dapre ou menm, ki sa Denny t ap eseye fè lè l t ap dezòd oswa lè l te konn goumen ak lòt elèv?
Ki jan prensip ki nan Galat 6:7 la ka ede yon moun tankou Denny pou l evite aji fason ki ka lakòz li soufri?
Soufrans nan domèn afektif pran tan pou yo geri. Men, plis w ap reprann ou se plis w ap santi w tounen nan ou menm ankò.
Lòt sijè ki enteresan
KESYON MOUN POZE SOUVAN
Ki jan Temwen Jewova yo konsidere divòs?
Èske Temwen Jewova yo konn ede moun ki gen pwoblèm nan maryaj yo? Èske se ansyen nan kongregasyon yo ki dwe apwouve divòs yon Temwen?
KESYON JÈN YO KONN POZE
Ki jan m ka fè fas ak depresyon?
Taktik sa yo ap ede w fè kèk bagay pou w ka geri.
KESYON JÈN YO KONN POZE
Ki jan m ka kontwole santiman m?
Anpil jèn fè fas ak gwo chanjman nan fason yo santi yo, e sa ba yo pwoblèm. Bon nouvèl la sèke ou ka konprann sa w santi e w ka aprann kontwole santiman w.
