Yisaya 35:1-10
35 Esobe mpe mokili oyo ezangá mai ekosepela,+Mpe mokili patatalu oyo ekauká ekozala na esengo mpe ekobimisa bafololo lokola safra.+
2 Ya solo ekobimisa bafololo;+Ekosepela mpe ekoganga na esengo.
Bakopesa yango nkembo ya Liban,+Nkembo ya Karamele+ mpe ya Sharone.+
Bakomona nkembo ya Yehova, lokumu ya Nzambe na biso.
3 Bólendisa mabɔkɔ oyo elɛmbi,Mpe bókembisa mabɔlɔngɔ oyo ezali kolɛnga.+
4 Bóyebisa baoyo bazali motema likoló boye:
“Bózala makasi. Bóbanga te.
Talá! Nzambe na bino akoya kozongisa mabe,Nzambe akoya kopesa etumbu.+
Akoya mpe akobikisa bino.”+
5 Na ntango yango miso ya bato oyo bakufá miso ekofungwama,+Mpe matoi ya bato oyo bakufá matoi ekofungwama.+
6 Na ntango yango motɛngumi akopumbwa lokola serfe,+Mpe lolemo ya moto oyo alobaka te ekoganga na esengo.+
Mpo mai ekobima na esobe,Mpe mikɛli na mokili patatalu oyo ekauká.
7 Mabele oyo ekauká ekokóma etima oyo etondi na matiti,Mpe mabele oyo ezangá mai ekokóma maziba ya mai.+
Na esika oyo bambwa ya zamba* ezalaki kopema,+Ekozala na matiti ya mobesu, matiti ya ebale ná papirisi.
8 Mpe balabala moko ya monene ekozala kuna,+Ɛɛ nzela oyo ekobengama Nzela ya Bosantu.
Moto ya mbindo akoleka kuna te.+
Yango ezali kaka mpo na bato oyo bapesami nzela ya koleka* kuna;Bazoba bakoyengayenga kuna te.
9 Nkɔsi moko te ekozala kuna,Mpe nyama moko te ya zamba oyo elyaka nyama ekoya kuna.
Moko te ekomonana kuna;+Kaka baoyo basikolami nde bakotambola kuna.+
10 Baoyo Yehova asikoli bakozonga+ mpe bakoya na Siona na koganga ya esengo.+
Esengo oyo ezangi nsuka ekozala na mitó na bango.+
Bakosepela mpe bakozala na esengo,Mpe mawa ná kolelalela* ekokima.+
