ગીતશાસ્ત્ર ૩૬:૧-૧૨
સંગીત સંચાલક માટે સૂચન. યહોવાના સેવક દાઉદનું ગીત.
૩૬ દુષ્ટના અંતરમાં રહેલું પાપ તેને લલચાવે છે.
તેને ભગવાનનો જરાય ડર નથી.+
૨ તે પોતાની જ વાહ વાહ કરતા ધરાતો નથી,એટલે પોતાની ભૂલ તેની નજરે ચઢતી નથી અને તે એને ધિક્કારતો નથી.+
૩ તેની વાણી ઝેર જેવી કડવી અને છેતરામણી છે.
તેની બુદ્ધિ બહેર મારી ગઈ છે અને તે કંઈ પણ ભલું કરતો નથી.
૪ પથારીમાં પડ્યો પડ્યો તે કાવતરાં ઘડે છે.
તે ખોટા રવાડે ચડી ગયો છે,ખરાબ કામોને તે ધિક્કારતો નથી.
૫ હે યહોવા, તમારો અતૂટ પ્રેમ* આસમાને પહોંચે છે,+તમારી વફાદારી ગગન ચૂમે છે.
૬ તમારી સચ્ચાઈ અડગ અને ઊંચા પર્વતો* જેવી છે.+
તમારા ન્યાયચુકાદા વિશાળ અને ઊંડા સાગર જેવા છે.+
હે યહોવા, તમે મનુષ્યો અને પ્રાણીઓની સંભાળ રાખો છો.*+
૭ હે ભગવાન, તમારો અતૂટ પ્રેમ કેટલો અનમોલ છે!+
તમારી પાંખોની છાયામાં મનુષ્યો આશરો લે છે.+
૮ તમારા ઘરની જાહોજલાલીમાંથી તેઓ ધરાઈને ખાય છે.+
તમારા સુખની નદીમાંથી તમે તેઓની તરસ છિપાવો છો.+
૯ તમે જીવનનો ઝરો છો.+
તમારી ઝળહળતી રોશનીમાંથી અમને પ્રકાશ મળે છે.+
૧૦ તમને ઓળખતા લોકોને અતૂટ પ્રેમ બતાવતા રહો.+
સાચા દિલના લોકોને સચ્ચાઈ બતાવતા રહો.+
૧૧ એવું થવા ન દેતા કે અભિમાનીના પગ મને કચડી નાખેઅથવા દુષ્ટના હાથ મને હડસેલી મૂકે.
૧૨ જુઓ, ખોટાં કામો કરનારા કેવા નીચે પડ્યા!
તેઓ એવા પછડાયા કે પાછા ઊઠી ન શકે.+
