Salmos 98:1-9
-
Jéeobaeʼ Salvador yéetel Juez
-
Jéeobaeʼ ku yeʼesik bix u salvartik máak (2, 3)
-
Junpʼéel kʼaay.
98 Kʼayeʼex junpʼéel túumben kʼaay tiʼ Jéeoba,+tumen tsʼoʼok u beetik nukuch baʼaloʼob.+
U x-noʼoj kʼabeʼ santo, u kʼabeʼ tsʼoʼok u taasik salvación.+
2 Jéeobaeʼ tsʼoʼok u yeʼesik bix u salvartik máak.+
Tsʼoʼok u yeʼesik tiʼ le kaajoʼob bix u beetik justiciaoʼ.+
3 Tsʼoʼok u kʼaʼajaltiʼ u yaʼalmaj yaan u yeʼesik nojoch yaabilaj yéetel chúukaʼan óolal tiʼ u kaajil Israel.+
Tiʼ tuláakal le luʼumaʼ tsʼoʼok u yilaʼal bix u salvartaʼal máak tumen Dios.+
4 U kajnáalileʼex luʼum, awatnakeʼex yéetel kiʼimak óolal utiaʼal a alabarkeʼex Jéeoba.
Kiʼimakchajak a wóoleʼex, awatnakeʼex yéetel kiʼimak óolal, kʼayeʼex alabanzaʼob.+
5 Kʼaayneneʼex utiaʼal a alabarkeʼex Jéeoba mientras táan a paxkeʼex le arpaoʼ,kʼaayneneʼex yéetel paxeʼex le arpaoʼ.
6 Paxeʼex le trompetaʼoboʼ bey xan uláakʼ u nuʼukulil paax,+awatnakeʼex yéetel kiʼimak óolal tu táan Jéeoba, le Reyoʼ.
7 Alabartaʼak tumen le kʼáaʼnáaboʼ bey xan tumen tuláakal le baʼaxoʼob yaan ichiloʼ.
Alabartaʼak tumen le luʼumoʼ bey xan tumen tuláakal baʼax yaniʼ.
8 Papaxkʼabnak le ríoʼoboʼ.
Kʼaaynak yéetel kiʼimak óolal le montañaʼob tu táan Jéeobaoʼ,+
9 tumen táan u taal utiaʼal u juzgart le luʼumaʼ.
Yaan u beetik justicia tiʼ u kajnáaliloʼob yóokʼol kaab,+yaan u beetik justicia tiʼ tuláakal le kaajoʼoboʼ.+