YÁAX KʼÁATCHIʼ
¿Máax Jéeoba?
«Ka u yojéelt le máakoʼoboʼ a kʼaabaʼeʼ Jéeoba, chéen teech le Maas Nojoch Dios yaan tu yóokʼol tuláakal le luʼumaʼ».
«Ojéelteʼexeʼ, Jéeobaeʼ Dios. Letiʼ beetmiloʼon, u tiaʼaloʼon».
«Teneʼ Jéeobaen, letiʼe in kʼaabaʼoʼ. Tiʼ mix máak ken in chaʼa u tsʼaʼabal le adoración unaj u tsʼaʼabaltenoʼ yéetel tiʼ mix junpʼéel póolbil imagen ken in chaʼa u tsʼaʼabal le alabanza unaj u tsʼaʼabaltenoʼ».
«Tuláakal máax kun chʼaʼchiʼitik u kʼaabaʼ Jéeobaeʼ yaan u salvartaʼal».
«U jaajileʼ tuláakal najeʼ yaan máax beetmil, chéen baʼaleʼ le máax beet tuláakal le baʼaloʼoboʼ Dios».
«Líiʼs a wicheʼex utiaʼal a paktikeʼex le kaʼanoʼ. ¿Máax beetmil le baʼaloʼoboʼ? Letiʼe Máax nuʼuktikoʼob jeʼex u nuʼuktaʼal junpʼéel ejércitooʼ, letiʼeʼ u yojel bukaʼajoʼob. Letiʼeʼ ku tʼankoʼob tu kʼaabaʼob. Letiʼeʼ jach táaj yaan u poder yéetel jach yaan u muukʼ, le oʼolal mix juntúul tiʼ letiʼob ku bineltikiʼ».
Maʼ xaaneʼ jeʼel u yutstal xan ta wicheʼ
BAʼALOʼOB UNAJ A KANIK
¿Yaan wa u kʼaabaʼ Dios?
Tiʼ Dioseʼ ku yaʼalaʼal Kiʼichkelem Yuum, Jajal Dios wa Yuumtsil. Pero le videoaʼ ku yeʼesik bix u kʼaabaʼ Dios; 7,000 u téenel ku chíikpajal teʼ Bibliaoʼ.
