U CINCO KʼÁATCHIʼ
¿Tiʼ baʼax ku tʼaan le Bibliaoʼ?
«Yaan in beetik a pʼektikaba teech yéetel le koʼoleloʼ, yéetel yaan xan in beetik u pʼektikuba a chʼiʼibal yéetel u chʼiʼibal letiʼ. Techeʼ yaan a chiʼik u tuunkuy u chʼiʼibal le koʼoleloʼ, yéetel u chʼiʼibal le koʼoleloʼ yaan u púuʼchaʼatik a pool».
«Tu yoʼolal a chʼiʼibaleʼ tuláakal le luʼumoʼob yaan yóokʼol kaaboʼ yaan u bendecirtaʼaloʼob, tumen techeʼ ta wuʼuyaj in tʼaan».
«Taalak a Reino, beetaʼak baʼax a kʼáat, jeʼex u beetaʼal teʼ kaʼanoʼ bey xan ka beetaʼak way luʼumeʼ».
«Le Dios túun ku tsʼáaik jeetsʼeliloʼ maʼ kun xáantaleʼ yaan u púuʼchaʼatik Satanás utiaʼal ka u pʼat yáanal a wookeʼex».
«Le Paaloʼ [...] kéen u kʼub tiʼ Dios tuláakal le baʼaloʼoboʼ yaan xan u tsʼáaikuba yáanal u páajtalil Dios, le máax kʼub tuláakal le baʼaloʼob tiʼoʼ, utiaʼal beyoʼ chéen Dios ka gobernarnak».
«Bey túunoʼ le promesaʼoboʼ beetaʼab tiʼ Abrahán yéetel tiʼ u chʼiʼibal [...], leloʼ Cristo. Tsʼoʼoleʼ wa u tiaʼaleʼex Cristoeʼ u jaajileʼ tiʼ u chʼiʼibal Abrahán a taaleʼex».
«U reinoil yóokʼol kaabeʼ tsʼoʼok u kʼuchul u beetuba u Reino k-Dios yéetel u Reino u Cristo. Dioseʼ yaan u reinar utiaʼal kʼiinoʼob minaʼan u xuul».
«Bey túunoʼ puʼul way yóokʼol kaab le nojoch kaanoʼ, le úuchben kaanoʼ, le ku yaʼalaʼal Kʼaasilbaʼal wa Satanás tiʼoʼ, le máax táan u tusik tuláakal yóokʼol kaaboʼ. Puʼul way luʼum paʼteʼ yéetel u ángeloʼobeʼ».
«Tu machaj le nojoch kaanoʼ, le úuchben kaanoʼ, le ku yaʼalaʼal Kʼaasilbaʼal yéetel Satanás tiʼoʼ, ka tu kʼaxaj tu yáamil 1,000 años».
