U SIETE KʼÁATCHIʼ
¿Baʼax u yaʼalmaj le Biblia kun úuchul teʼ kʼiinoʼobaʼ?
«Junpʼéel kaajeʼ yaan u baʼateʼel tu contra uláakʼ kaaj [...]. Tuláakal le baʼaloʼobaʼ chéen u káajbal le yaayaj baʼaloʼob kun muʼyajtbiloʼ».
«Yaʼab máakoʼob xaneʼ yaan u yaʼalikubaʼob profetaʼob yéetel yaan u tuskoʼob yaʼab máakoʼob. Yoʼolal le yaʼab baʼaloʼob kʼaastak kun beetbiloʼ, óoliʼ tuláakal máak kun pʼáatal minaʼan u yaabilaj».
«Kéen a wuʼuyeʼex táan u baʼateʼel le kaajoʼob wayeʼ bey xan teʼ náachiloʼ maʼ a sajaktaleʼex, tumen le baʼaloʼobaʼ deporsi yaan u yúuchloʼob, chéen baʼaleʼ todavía maʼ u xuul yóokʼol kaabiʼ».
«Yaan u sen tíitkuba le luʼumoʼ, tiʼ jejeláas tuʼuxoʼobeʼ yaan u yantal kʼaakʼas kʼojaʼaniloʼob yéetel yaan u pʼáatal minaʼan baʼal jaantbil. Yaan xan u yúuchul baʼaloʼob ken u beet u sen jaʼakʼal u yóol máak, yéetel yaan u yilaʼal nukuch señaloʼob ku taaloʼob teʼ kaʼanoʼ».
«Tu tsʼook kʼiinoʼobeʼ yaan u yilaʼal yaayaj kʼiinoʼob yéetel istikyaj ken u máansil u kuxtal máak. Tumen le máakoʼoboʼ yaan u kaxtikoʼob chéen u yutsiloʼob, yaan u yaabiltikoʼob taakʼin, yaan u creerkubaʼob, yaan u kaʼantal u yichoʼob, yaan u suuktal u poochʼiloʼob, maʼ ken u yuʼuboʼob u tʼaan u taataʼob, maʼ ken u tsʼáaʼob u diosboʼotikil mix baʼal, yaan u xúumpʼatkoʼob u amigoʼob, yaan u pʼáatal minaʼan u yaabilajoʼob, junpuliʼ maʼ ken u yóotoʼob u tsʼáaubaʼob de acuerdoil, yaan u yaʼalikoʼob baʼaloʼob maʼ jaajtak tu contra u maasil, maʼ ken u kan u controlartubaʼob, jach yaan u tsʼíiktaloʼob, maʼ ken u yaabiltoʼob baʼax uts, yaan u suutoʼob traicioneroil, yaan u tercotaloʼob, yaan u taaskubaʼob jach nojbaʼalil yéetel tu lugar u yaabiltikoʼob Dioseʼ yaan u yaabiltikoʼob chéen le baʼaloʼob taasik kiʼimak óolal tiʼoboʼ. Tsʼoʼoleʼ kex ka u yaʼaloʼob jach u tsʼaamaj u yóoloʼob u adorartoʼob Dioseʼ yéetel u kuxtaloʼobeʼ ku yeʼeskoʼob maʼ beyiʼ».
