Salmos 37:1-40
-
Máax ku confiar tiʼ Jéeobaeʼ yaan u bin utsil tiʼ
Le kʼaayaʼ David tsʼíibte.
א [Alef]
37 Maʼ a kʼuuxil yoʼolal baʼax ku beetik le kʼasaʼan máakoʼoboʼ,mix a tsʼíiboltik bix kuxlik le máaxoʼob beetik baʼax kʼaasoʼ.+
2 Letiʼobeʼ beyoʼob suʼuk séeb u kíimileʼ,+beyoʼob yaʼax suʼuk séeb u tijleʼ.
ב [Bet]
3 Kʼub a wóol tiʼ Jéeoba, beet baʼax maʼalob.+
Kajlen way luʼumeʼ, eʼes chúukaʼan a wóol.+
4 Sen kiʼimakchajak a wóol ikil a meyajtik Jéeoba,letiʼ túuneʼ yaan u tsʼáaiktech baʼaxoʼob ku tsʼíiboltik a puksiʼikʼal.
ג [Guimel]
5 Chaʼa u nuʼuktikech Jéeoba.+
Kʼub a wóol tiʼ letiʼ, letiʼ túuneʼ yaan u yáantkech.+
6 Letiʼeʼ yaan u beetik u juul a justicia jeʼex u juul le sáasiloʼ,le baʼax maʼalob ka beetkoʼ yaan u juul jeʼex le Kʼiin kéen yanak chúumuk kaʼanoʼ.
ד [Dalet]
7 Chúukpajak a wóol a páaʼt Jéeoba,+chúukpajak a wóol a páaʼt baʼax ken u beete.
Maʼ a kʼuuxil kéen a wil táan u béeytalle baʼaxoʼob ku chʼaʼtuklik le kʼasaʼan máakoʼ.+
ה [Je]
8 Maʼ a tsʼíikil mix a pʼuʼujul.+
Maʼ a kʼuuxil, tumen leloʼ jeʼel u biskech a beet baʼax kʼaaseʼ.
9 Tumen yaan u xuʼulsaʼal tiʼ le kʼasaʼan máakoʼoboʼ,+pero le máaxoʼob ku kʼubik u yóoloʼob tiʼ Jéeobaoʼ yaan u pʼáatloʼob way luʼumeʼ.+
ו [Waw]
10 Ichil junpʼíit kʼiineʼ maʼ kun antal kʼasaʼan máakoʼob.+
Kéen paakatnakech tuʼux suuk u yantaloʼob kaʼachoʼmaʼ ken a wiloʼobiʼ.+
11 Pero le utsul máakoʼoboʼ yaan u pʼáatloʼob way luʼumeʼ,+jach yaan u kiʼimaktal u yóoloʼob tumen mix baʼal kun beetik u chiʼichnaktaloʼob.+
ז [Zayin]
12 Le kʼasaʼan máakoʼ ku tuklik bix jeʼel u beetik kʼaas tiʼ le máax ku beetik baʼax maʼaloboʼ,+yéetel ku karachʼtik u koj tu contra.
13 Pero Jéeobaeʼ ku cheʼejtik le kʼasaʼan máakoʼ,tumen u yojel maʼ kun xáantal ken xuʼulsaʼaktiʼ.+
ח [Jet]
14 Le kʼasaʼan máakoʼoboʼ ku jíilpaytik u espadaʼob yéetel ku preparartik u flechaʼobutiaʼal u kíimskoʼob le óotsiloʼoboʼ bey xan le máaxoʼob minaʼan máax áantkoʼoboʼ,ku meyaj xan tiʼob utiaʼal u xuʼulskoʼob tiʼ le máaxoʼob ku binoʼob tiʼ maʼalob bejoʼ.
15 Pero u puksiʼikʼaloʼob kun póotlomtbil tumen u espadaʼob,+yéetel yaan u kaʼakachaʼal u flechaʼob.
ט [Tet]
16 Maas maʼalob le junpʼíit baʼal yaan tiʼ le máax ku beetik baʼax maʼaloboʼke le yaʼabkach baʼaloʼob yaan tiʼ le kʼasaʼan máakoʼoboʼ.+
17 Tumen yaan u kaʼakachaʼal u kʼab le kʼasaʼan máakoʼoboʼ,pero le máaxoʼob ku beetkoʼob baʼax maʼaloboʼ yaan u yáantaʼaloʼob tumen Jéeoba.
י [Yod]
18 Jéeobaeʼ u yojel baʼax ku aktáantik le utsul máakoʼoboʼ,le herencia ken u tsʼáatiʼoboʼ utiaʼal mantatsʼ.+
19 Maʼ kun pʼatbiloʼob kʼaasil tu kʼiinil táan u muʼyajoʼob.
Tu kʼiinil wiʼijileʼ yaan u yantal baʼal u jaantoʼob.
כ [Kaf]
20 Pero le kʼasaʼan máakoʼoboʼ yaan u kíimloʼob.+
U enemigoʼob Jéeobaeʼ yaan u tijloʼob jeʼex u tijil le suʼuk jatsʼuts u yilaʼaloʼ.
Yaan u séeb saʼatloʼob jeʼex le buutsʼoʼ.
ל [Lamed]
21 Le kʼasaʼan máakoʼ kéen u kʼáat baʼal u majáanteʼ maʼ tu sutik.
Le máax ku beetik baʼax maʼaloboʼ ku yeʼesik u yutsil, ku yáantik u maasil.+
22 Le máaxoʼob ku bendecirtaʼaloʼob tumen Diosoʼ yaan u pʼáatloʼob way luʼumeʼ,pero le máaxoʼob ku maldecirtaʼaloʼob tumen Diosoʼ yaan u xuʼulsaʼaltiʼob.+
מ [Mem]
23 Wa Jéeoba maʼalob u yilik le bej ku bisik máakoʼ+letiʼeʼ ku nuʼuktik* utiaʼal ka seguernak u xíimbaliʼ.+
24 Kex ka lúubkeʼ maʼ ken u jéenpʼuchtuba,+tumen Jéeoba machmil u kʼab.+
נ [Nun]
25 Desde tin táankelmil tak beora tsʼoʼok in chʼíijlaʼmaʼ in wil u xúumpʼattaʼal+ le máax ku beetik baʼax maʼaloboʼ,mix u máan u paalal u kʼáat* baʼal u jaantoʼob.+
26 Juntúul máak beyoʼ jeʼel baʼaxak ka kʼaʼabéetchajak tiʼ máakeʼ ku tsʼáaik u majáante,+le oʼolal yaan u bendecirtaʼal u paalal tumen Dios.
ס [Samek]
27 Náachkuntaba tiʼ baʼax kʼaas,beet baʼax uts,+ beyoʼ yaan a kuxtal utiaʼal mantatsʼ.
28 Jéeobaeʼ u yaabiltmaj baʼax toj,maʼ ken u xúumpʼat le máaxoʼob u kʼubmaj u yóoloʼob tiʼoʼ.+
ע [Ayin]
Mantatsʼ ken u kanáantoʼob.+
Pero u paalal le kʼasaʼan máakoʼoboʼ yaan u xuʼulsaʼaltiʼob.+
29 Le máaxoʼob ku beetkoʼob baʼax maʼaloboʼ yaan u pʼáatloʼob way luʼumeʼ,+way kun kajtaloʼob utiaʼal mantatsʼeʼ.+
פ [Pe]
30 U chiʼ le máax ku beetik baʼax maʼaloboʼ ku yeʼesik naʼatil kéen tʼaanak.
U yaakʼeʼ ku yaʼalik baʼax justo.+
31 U ley Dioseʼ tiaʼan tu puksiʼikʼaleʼ.+
Le kéen xíimbalnakeʼ maʼ kun jáakal u yookoʼob.+
צ [Tsade]
32 Le kʼasaʼan máakoʼku chʼúuktik le máax ku beetik baʼax maʼalob utiaʼal u kíimsoʼ.
33 Pero Jéeobaeʼ maʼ ken u xúumpʼat tu kʼab le kʼasaʼan máakoʼ,+yéetel maʼ ken u condenart kéen juzgartaʼak.+
ק [Kof]
34 Kʼub a wóol tiʼ Jéeoba, xíimbalnen teʼ bej ku yaʼalikoʼ,letiʼ túuneʼ yaan u tsʼáaiktech u páajtalil a pʼáatal way luʼumeʼ.
Yaan a wilik bix kun xuʼulsbil+ tiʼ le kʼasaʼan máakoʼoboʼ.+
ר [Reix]
35 Tin wileʼ le kʼasaʼan máak maʼatech u chʼaʼik óotsililoʼbey junkúul cheʼ yaan tiʼ maʼalob luʼum ku bin u jayik u gajosileʼ.+
36 Pero chéen ka jáan kíimi, pʼáat minaʼan.+
Seguernaj in kaxtik, pero maʼ tin kaxtiʼ.+
ש [Xin]
37 Ilawil baʼax ku beetik le utsul máakoʼ*bey xan le máax toj u kuxtaloʼ,+tumen jach yaan u bin utsil tiʼob.+
38 Pero tuláakal le máaxoʼob maʼatech u beetkoʼob baʼax maʼaloboʼ yaan u xuʼulsaʼaltiʼob.
Le kʼasaʼan máakoʼoboʼ yaan u xuʼulsaʼaltiʼob.+
ת [Taw]
39 Jéeoba salvartik le máaxoʼob ku beetkoʼob baʼax maʼaloboʼ.+
Letiʼeʼ bey junpʼéel lugar tuʼux u binoʼob tu kʼiinil táan u muʼyajoʼobeʼ.+
40 Jéeoba kun áantkoʼob yéetel kun salvarkoʼob.+
Yaan u tokikoʼob tu kʼab le kʼasaʼan máakoʼoboʼ,yaan u salvarkoʼob tumen ku natsʼkubaʼob tu yiknal.+
