Salmos 36:1-12
Utiaʼal máax ku nuʼuktaj. Lelaʼ beetaʼab tumen David, juntúul máax meyajt Jéeoba.
36 U puksiʼikʼal juntúul máak kʼasaʼaneʼ nuʼuktaʼan tumen baʼax kʼaas,letiʼeʼ junpuliʼ maʼatech u respetartik Dios.+
2 Tumen jach nojbaʼal u taaskubaeʼ maʼ tu tsʼáaik cuentawa yaan baʼax kʼaas ichil u kuxtal unaj u pʼatik.+
3 Kéen tʼaanakeʼ chéen utiaʼal u ofendertik yéetel u tusik máak,minaʼan u naʼat utiaʼal u beetik baʼax maʼalob.
4 Tak ken chilakeʼ láayliʼ táan u tuklik bix jeʼel u beetik kʼaaseʼ.
Ku chʼaʼtuklik u bin tiʼ junpʼéel bej maʼ maʼalobiʼ.
Maʼ tu náachtal tiʼ baʼax kʼaas.
5 Jéeoba Dios, a nojoch yaabilajeʼ ku kʼuchul tak kaʼan,+a chúukaʼan óolaleʼ tak teʼ múuyaloʼoboʼ.
6 A justiciaeʼ bey nukuch montañaʼobeʼ.*+
A leyoʼobeʼ beyoʼob taamkach jaʼobeʼ.+
Jéeoba Dios, teech salvartik máak bey xan baʼalcheʼ.+
7 ¡In Dios, jach táaj jatsʼuts bix a weʼesik a yaabilaj!+
Le máakoʼoboʼ ku jupkubaʼob yáanal a xiikʼoʼob utiaʼal maʼ u yúuchul mix baʼal tiʼob.+
8 Letiʼobeʼ ku naʼajkúuntkubaʼob yéetel le bukaʼaj janal yaan ta wotochoʼ,+yéetel ka tsʼáaik u yukʼoʼob u sayabil le baʼaloʼob maʼalobtak ku taal tiʼ techoʼ.+
9 Tiʼ teech yaan u sayabil le kuxtaloʼ.+
Tu yoʼolal a sáasileʼ ku páajtal k-ilik sáasil.+
10 Maʼ u xuʼulul a weʼesik nojoch yaabilaj tiʼ le máaxoʼob u kʼaj óolechoʼoboʼ,+maʼ u xuʼulul xan a beetik justicia tiʼ le máaxoʼob uts u puksiʼikʼaloʼoboʼ.+
11 Maʼ a chaʼik u pepeʼchaʼatiken le máax jach ku creerkubaoʼ,maʼ xan a chaʼik u tojolchʼintken le kʼasaʼan máakoʼ.
12 Ilawil bix u tsʼoʼokol le máax beetik baʼax maʼ maʼaloboʼ,ku xuʼulsaʼaltiʼ yéetel maʼ tu páajtal u kaʼa líikʼil.+
Notas
^ Ich hebreoeʼ ku yaʼalaʼal kaʼach «bey u montañaʼob Dioseʼ».
