Salmos 46:1-11
Utiaʼal máax ku nuʼuktaj. Le kʼaayaʼ u paalal Coré+ tsʼíibte. Unaj u paʼaxal jeʼex Alamoteʼ.
46 Dioseʼ ku kanáantkoʼon yéetel ku tsʼáaiktoʼon muukʼ,+mantatsʼ ku yáantkoʼon tu kʼiinil yaayaj kʼiinoʼob.+
2 Le oʼolal maʼ ken k-sajaktal, kex ka u tíituba le luʼumoʼ,kex ka xiʼik le montañaʼob tu taamil le kʼáaʼnáaboʼ,+
3 kex ka u sen woʼoltuba u jaʼil yéetel ka tuulnak u yóom,+kex ka péeknak le montañaʼob ikil u woʼoltikuba le jaʼoʼ. (Séla)
4 Yaan junpʼéel río ku xaʼaypajal* u jaʼiloʼob, leloʼ ku beetik u kiʼimaktal u yóol u kaajal Dios.+
Leloʼobaʼ ku beetik u kiʼimaktal u yóol le lugar santooʼ, u kiʼichkelem tabernáculo le Maas Nojoch Diosoʼ.
5 Dioseʼ tiaʼan teʼ kaajoʼ,+ le oʼolal maʼ tu páajtal u xuʼulsaʼal.
Dios kun taal áantkoʼob tu taal u sáastal.+
6 Le kaajoʼoboʼ táan kaʼach u woʼoltikubaʼob, xuʼulsaʼab tiʼ le reinoʼoboʼ,pero le ka tʼaanaj Dioseʼ tu tíituba le luʼumoʼ.+
7 Jéeoba, le máax gobernartik le ángeloʼoboʼ tiaʼan t-éeteleʼ.+
U Dios Jacobeʼ jach maʼalob bix u kanáantkoʼon. (Séla)
8 Koʼoteneʼex a wileʼex le baʼaxoʼob ku beetik Jéeobaoʼ,letiʼeʼ táan u beetik nukuch baʼaloʼob way luʼumeʼ.
9 Ku beetik u xuʼulul u yantal baʼateʼel tiʼ tuláakal yóokʼol kaab.+
Ku kaʼakachik le arcooʼ bey xan le lanzaoʼ,yéetel ku tóokik u carroiloʼob baʼateʼel.*
10 Letiʼeʼ ku yaʼalik: «¡Xuʼuluk a baʼateleʼex! Ojéelteʼexeʼ teneʼ Diosen.
Yaan in alabartaʼal tumen le kaajoʼoboʼ,+yaan in alabartaʼal tumen u kajnáaliloʼob le luʼumoʼ».+
11 Jéeoba, le máax gobernartik le ángeloʼoboʼ tiaʼan t-éeteleʼ.+
U Dios Jacobeʼ jach maʼalob bix u kanáantkoʼon.+ (Séla)