«Belén Efrata, [...] tiʼ teech kun jóokʼol le máax ken u gobernart Israel jeʼex in kʼáatoʼ».

Miqueas 5:2

«Jesúseʼ síij tu kaajil Belén tu luʼumil Judea, tu kʼiiniloʼob rey Herodes. Ka máan kʼiineʼ jujuntúul astrólogoʼob Lakʼin u taaloʼobeʼ kʼuchoʼob tu kaajil Jerusalén».

Mateo 2:1

«Ku tʼoxkoʼob in nookʼoʼob ichiloʼob, yéetel ku buuloʼob tu yoʼolal».

Salmo 22:18

«Le soldadoʼob túunoʼ ka tsʼoʼok u bajkoʼob Jesús teʼ cheʼoʼ tu chʼaʼajoʼob u nookʼeʼ ka tu jóoʼsoʼob kanjaats tiʼ [...]. Ka tsʼoʼokeʼ tu chʼaʼajoʼob le uláakʼ junpʼéel u nookʼoʼ, chéen baʼaleʼ lelaʼ minaʼan kaʼach u chuuyil tumen túulis beetaʼanil desde tu kaʼanlil tak tu kabalil. Ka joʼopʼ u yaʼalikoʼob: ‹Maʼ k-jatikeʼex, baʼaxeʼ koʼoneʼex buul utiaʼal k-ilik tiʼ máax kun pʼáatal›».

Juan 19:23, 24

«Letiʼ kanáantik tuláakal u baakeloʼob, le oʼolal mix junpʼéel u baakel kaʼachak».

Salmo 34:20

«Ka náatsʼoʼob tu yiknal Jesúseʼ maʼ tu kachoʼob u yookiʼ tumen tu yiloʼob tsʼoʼok u kíimil».

Juan 19:33

«Letiʼeʼ táatsʼmáansaʼab tu yoʼolal k-kʼebanoʼob».

Isaías 53:5

«Juntúul tiʼ le soldadoʼoboʼ tu lomaj u chʼalaʼatel Jesús yéetel junpʼéel lanza, ka túun jóokʼ jaʼ yéetel kʼiʼikʼiʼ».

Juan 19:34

«Letiʼob túuneʼ tu boʼotoʼobten in meyaj, tu tsʼáajoʼobten 30 u pʼéelal baʼaloʼob de plata».

Zacarías 11:12, 13

«Juntúul tiʼ le 12 discípuloʼoboʼ, le ku kʼaabaʼtik Judas Iscarioteoʼ, bin tu yiknal u nuuktakil le sacerdoteʼoboʼ ka tu yaʼalajtiʼob: ‹¿Baʼax ken a tsʼáaʼexten utiaʼal ka in kʼub Jesús ta kʼabeʼex?›. Letiʼob túuneʼ tu yaʼaloʼob jeʼel u tsʼáaikoʼobtiʼ 30 u pʼéelal u taakʼinil plataeʼ».

Mateo 26:14, 15; 27:5