Salmos 10:1-18
ל [Lamed]
10 Jéeoba Dios, ¿baʼaxten jach náach yanilech tiʼ máak?
¿Baʼaxten ka taʼakikaba* tu kʼiinil táan u muʼyaj máak?+
2 Le kʼasaʼan máak nojbaʼal u taaskubaoʼ taak u beetik loob tiʼ le máakoʼob minaʼan máax defenderkoʼoboʼ,+pero yaan u suut tu yóokʼol le baʼax kʼaas u tukultmaj u beetkoʼ.+
3 Le kʼasaʼan máakoʼ hasta ku máan u tsikbalt jeʼel u páajtal u beetik jeʼel baʼaxak ku tsʼíiboltikeʼ,+yéetel ku alabartik le máax maʼ tu conformar yéetel baʼaxoʼob yaantiʼoʼ,*נ [Nun]maʼatech u respetartik Jéeoba.
4 Le kʼasaʼan máakoʼ tumen nojbaʼal u taaskubaeʼ maʼ tu investigar.
Chéen letiʼe baʼax ku tuklikaʼ: «Minaʼan Dios».+
5 Tuláakal baʼax ku beetkeʼ ku jóokʼol maʼalobil,+le oʼolal le juicioʼob ka beetkoʼ maʼ tu páajtal u naʼatik.+
Letiʼeʼ ku burlarkuba tiʼ tuláakal le máaxoʼob pʼekmiloʼ.
6 Letiʼeʼ ku yaʼalik ichil u puksiʼikʼal: «Mix bikʼin kin péeksbil tuʼux yanen,jeʼel bukaʼaj tiempo ka máankeʼmix bikʼin kun úuchulten loob».+
פ [Pe]
7 U chiʼeʼ maʼatech u xuʼulul u maldecir, u tuus yéetel u amenazartik máak.+
U yaakʼeʼ chéen ku beetik u yantal problemas yéetel ku beetik u yúuchul loob.+
8 Ku chʼúuk naatsʼ tiʼ le kaajoʼoboʼ,ku jóokʼol tuʼux u taʼakmuba utiaʼal u kíimsik juntúul máak mix baʼal kʼaas u beetmaj.+
ע [Ayin]Chéen táan u páaʼtik u tíipʼil* wa máax utiaʼal u beetik loob tiʼ.+
9 Jeʼex u beetik juntúul león táan u chʼúukeʼ,+le kʼasaʼan maakoʼ táan u chʼúuk xan teʼ tuʼux u taʼakmubaoʼ.
Táan u páaʼtik juntúul máak minaʼan máax defendertik, ku chukik yéetel le trampa u tsʼaamoʼ.+
10 Ku lúuʼsik yéetel ku xeʼexetʼik le máaxoʼob ku chukikoʼ,tu kʼab letiʼ ku tsʼoʼokol le óotsil máakoʼoboʼ.
11 Ku yaʼalik ichil u puksiʼikʼal: «Dioseʼ tsʼoʼok u tuʼubsik baʼax in beetmaj.+
Maʼatech u yilik baʼax kin beetik.
Maʼatech u beetik u cuentail».+
ק [Kof]
12 Kiʼichkelem Yuum Jéeoba, líiʼkech.+ In Dios, líiʼkech, eʼes a poder.+
Maʼ a tuʼubsik le máaxoʼob minaʼan máax defenderkoʼoboʼ.+
13 ¿Baʼaxten le kʼasaʼan máakoʼ maʼatech u respetartik Dios?
Ku yaʼalik ichil u puksiʼikʼal: «Techeʼ maʼ ken a waʼal wa tiʼ teen yaan u culpail».
ר [Reix]
14 Pero techeʼ ka wilik le máaxoʼob ku beetkoʼob u yantal problemasoʼ bey xan le máaxoʼob ku beetaʼal u muʼyajoʼoboʼ.
Ka wilik baʼax ku yúuchul yéetel ka wáantkoʼob.+
Tiʼ teech ku kʼáatik áantaj le máax tsʼoʼok u beetaʼal loob tiʼoʼ.+
Teech áantik le paalaloʼob minaʼan u papáʼoboʼ.+
ש [Xin]
15 Kach u kʼab le kʼasaʼan máak beetik baʼax maʼ maʼaloboʼ.+
Beyoʼ maʼ ken a kaʼa ilu beetik baʼax kʼaas.
16 Jéeobaeʼ mix bikʼin kun xuʼulul u reinar.+
Yaan u xuʼulsik tiʼ le gobiernoʼob yaan way luʼumeʼ.+
ת [Taw]
17 Chéen baʼaleʼ Jéeoba Dios, techeʼ yaan a wuʼuyik u oración le utsul máakoʼoboʼ.+
Yaan a wáantkoʼob utiaʼal u chúukpajal u yóoloʼob,+ yaan a beetik u cuentailoʼob.+
18 Yaan a beetik justicia tiʼ le paalaloʼob minaʼan u papáʼoboʼ bey xan tiʼ le máaxoʼob ku beetaʼal u muʼyajoʼoboʼ,+utiaʼal maʼ u seguer u sajakkúuntaʼaloʼob tumen le j-kʼeban máakoʼob yanoʼob way luʼumeʼ.+
Notas
^ Wa «balikaba».
^ Uláakʼ bix u traducirtaʼaleʼ «le máax maʼ tu conformar yéetel le baʼaxoʼob yaantiʼoʼ ku alabarkuba tu juunal».
^ Wa «u taal».
