U DIEZ KʼÁATCHIʼ
¿Baʼax ku yaʼalik le Biblia kun úuchul ichil junpʼíit kʼiinoʼ?
«Le máaxoʼob ku beetkoʼob baʼax maʼaloboʼ yaan u pʼáatloʼob way luʼumeʼ, way kun kajtaloʼob utiaʼal mantatsʼeʼ».
«Le luʼumaʼ yaan u pʼáatal utiaʼal mantatsʼ».
«Letiʼeʼ yaan u xuʼulsik le kíimil utiaʼal mantatsʼoʼ, Kiʼichkelem Yuum Jéeobaeʼ yaan u choʼik u jaʼil u yich tuláakal máak».
«Teʼ kʼiin jeʼeloʼ yaan u sáasiltal u yich le máaxoʼob chʼóopoʼoboʼ yéetel yaan u jeʼepajal u xikin le máaxoʼob kóoktakoʼoboʼ. Teʼ kʼiin jeʼeloʼ le máax móochoʼ yaan u páajtal u síitʼ jeʼex le kéejoʼ, le mudooʼ yaan u yawat yéetel kiʼimak óolal. Yaan u yantal u sayabil jaʼ teʼ desiertooʼ, yéetel teʼ táax luʼum tuʼux tikinoʼ yaan u yáalkab jaʼiʼ».
«Letiʼeʼ yaan u choʼik tuláakal u jaʼil u yichoʼob, maʼ tun yantal kíimil, mix okʼol, mix kʼiʼinamil yéetel mix máak kun muʼyaj. Le baʼaloʼob suuk u yúuchul kaʼachoʼ tsʼoʼok u máanoʼob».
«Letiʼobeʼ yaan u beetik u yotochoʼob yéetel letiʼob kun kajtaloʼobiʼ, letiʼobeʼ yaan u pakʼikoʼob uva yéetel letiʼob kun jaantik u yich. Maʼ yaanal máak kun kajtal teʼ naj ken u beetoʼoboʼ mix yaanal máak kun jaantik u yich le baʼax ken u pakʼoʼoboʼ. Tumen u kʼiiniloʼob u kuxtal in kaajaleʼ yaan u pʼáatal jeʼex u kʼiiniloʼob u kuxtal junkúul cheʼeʼ, le máaxoʼob in yéeymoʼ jach yaan u kiʼimaktal u yóoloʼob yéetel u yich u meyajoʼob».
