«Maʼ u jaʼakʼal a wóoleʼex yoʼolal leloʼ, tumen yaan u kʼuchul u kʼiinileʼ tuláakal le máaxoʼob yanoʼob ichil le muknaloʼoboʼ yaan u yuʼubikoʼob u tʼaan yéetel yaan u jóokʼloʼob».

Juan 5:28, 29

«Teneʼ táan xan in páaʼtik u kaʼa kuxkíintaʼal le kimenoʼob jeʼex u yaʼalmil Diosoʼ, u kaʼa kuxkíintaʼal le utsoʼoboʼ bey xan le kʼasaʼanoʼoboʼ».

Hechos 24:15

«Le máaxoʼob kimenoʼob kaʼachoʼ, le nuuktakoʼoboʼ bey xan le mejentakoʼoboʼ, tin wilaj waʼalakbaloʼob tu táan le tronooʼ, ka chóolaʼab le rolloʼoboʼ. Chéen baʼaleʼ chóolaʼab uláakʼ rollo, u rolloil le kuxtaloʼ. Le kimenoʼob túunoʼ juzgartaʼaboʼob tu yoʼolal le baʼax tu beetoʼoboʼ, jeʼex tsʼíibtaʼanil teʼ rolloʼoboʼ. Le kʼáaʼnáaboʼ tu kʼubaj le kimenoʼob yaan ichiloʼ, le kíimil yéetel le Muknaloʼ tu kʼuboʼob xan le kimenoʼob yaan ichiloʼoboʼ. Ka juzgartaʼab cada juntúul máak tu yoʼolal baʼax tu beetaj».

Apocalipsis 20:12, 13