INtshumayeli 1:1-18
1 Amazwi omhlanganisi,+ unyana kaDavide, ukumkani waseYerusalem.+
2 “Elona lize!” utsho umhlanganisi,“Elona lize! Yonke into ililize!”+
3 Kumnceda ngantoni umntu ukusebenza nzimaEbila esoma phantsi kwelanga?+
4 Kumka esinye isizukulwana, ibe kuseza esinye isizukulwana,Kodwa umhlaba uhlala ukho ngonaphakade.+
5 Ilanga liyaphuma,* liphinde litshone;Emva koko likhawuleze libuyele* endaweni yalo, liphinde liphume.+
6 Umoya uya emzantsi, ujikeleze uye emntla;Uyaqhubeka usenza isangqa; umoya ujikeleza ujikelezile.
7 Yonke imifula* iya elwandle, kodwa ulwandle alugcwali.+Loo mifula ibuyela kwindawo evela kuyo iphinde iqale phantsi.+
8 Zonke izinto ziyadinisa;Akukho mntu ukwaziyo nokuthetha ngazo.
Ilihlo alaneli kukubona;Nendlebe ayigcwali kukuva.
9 Into eyakha yakhona, iza kuphinda ibekho,Into eyakha yenziwa iza kuphinda yenziwe;Akukho nto intsha phantsi kwelanga.+
10 Ngaba kukho nantoni na anokuthi umntu ngayo, “Khawujonge le nto, intsha”?
Kudala ikhona;Yayisele ikho kwangaphambi kwexesha lethu.
11 Akukho mntu ubakhumbulayo abantu bakudala;Ibe akukho mntu uza kubakhumbula abo bezayo;Bengazukukhunjulwa kwanangabo beza emva kwabo.+
12 Mna, mhlanganisi, ndibe ngukumkani kaSirayeli eYerusalem.+
13 Ndazimisela ukusebenzisa ubulumko ukuze ndifunde ndize ndazi+ yonke into eyenziweyo phantsi kwamazulu,+ umsebenzi okruqulayo uThixo awunike oonyana babantu ukuze bahlale bexakekile.
14 Ndayibona yonke imisebenzi eyenziwayo phantsi kwelanga,Yaye jonga! yonke into yayililize nokuleqana nomoya.+
15 Into egoso ayinakolulwa,Nento engekhoyo ayinakubalwa.
16 Ndathetha nentliziyo yam, ndathi: “Jonga! Ndiye ndaba nobulumko kakhulu, ngaphezu kwakhe nabani na owayengaphambi kwam eYerusalem,+ ndafumana ubulumko nolwazi oluninzi.”+
17 Ndazimisela ekwazini ubulumko, ekwazini impambano* nasekwazini ubudenge,+ ibe naleyo into kukuleqana nomoya.
18 Kuba umntu onobulumko obuninzi uzibizela ukukruquka okuninzi,Ukuze lowo wandisa ulwazi andise nentlungu.+
Umbhalo osemazantsi
^ Okanye “liyakhazimla.”
^ Okanye “libuyela likhefuzela.”
^ Okanye “imifula yasebusika.”
^ Okanye “ubudenge obugqithiseleyo.”
