IMizekeliso 25:1-28
25 Nale yimizekeliso kaSolomon+ eyakhutshelwa* ngamadoda kaHezekiya+ ukumkani wakwaYuda:
2 Ukugcina ihlebo kuluzuko kuThixo,+Nozuko lookumkani kukuwugocagoca umbandela.
3 Njengokuba singasoze sikuqonde ukuphakama kwamazulu nobunzulu bomhlaba,Soze siziqonde neentliziyo zookumkani.
4 Khupha intlenge kwisilivere,Ibe iza kuphuma isulungeke ngokupheleleyo.+
5 Susa abenzi-bubi phambi kokumkani,Ibe itrone yakhe iza kutsho ingagungqi ebulungiseni.+
6 Sukuzenza umntu omkhulu phambi kokumkani,+Uze ungahlali naphakathi kwezikhulu,+
7 Kuba kungcono ibe nguye othi kuwe, “Nyuka, yiza apha,”
Kunokuba akuhlaze phambi kwezikhulu.+
8 Sukungxama ngokuya kumangala,Kuba uza kuthini xa ummelwane wakho ekuhlaza?+
9 Thethathethana nommelwane wakho,+Kodwa ungazidizi izinto obuzihletyelwe,*+
10 Ukuze angakuhlazi lowo umameleyoUngazukukwazi nokuphinda uwaginye naloo mazwi.*
11 Linjengama-apile egolide kwisitya sesilivereIlizwi elithethwe ngexesha elifanelekileyo.+
12 Unjengecici legolide nento yokuhomba yegolide yodidiUmohlwayi osisilumko kwindlebe evayo.+
13 Ufana nqwa nokubanda kwekhephu ngomhla wokuvunaUmthunywa othembekileyo kwabo bamthumileyo,Kuba uyayihlaziya inkosi yakhe.+
14 Ufana namafu nomoya ongazisi mvulaUmntu oqhayisa ngesipho angazange aphise ngaso.*+
15 Ngomonde inkumanda iyacengeka,Nolwimi oluthetha kamnandi* lunokwaphula ithambo.+
16 Ukuba ufumene ubusi, yitya nje obukulingeneyo,Kuba ukuba ubutya kakhulu, ungabugabha.+
17 Malungaxhaphaki unyawo lwakho kwammelwane,Ukuze angadikwa nguwe aze akucaphukele.
18 Unjengegqudu lokulwa nekrele notolo olubukhaliUmntu ongqina ubuxoki ngommelwane wakhe.+
19 Kunjengezinyo elaphukileyo nonyawo oluqhwalelayoUkuthembela ngomntu ongathembekanga* xa usengxakini.
20 Unjengomntu okhulula impahla kubandaNesoda* exutywe nevinigaUmntu oculela intliziyo eyaphukileyo.+
21 Ukuba utshaba lwakho lulambile,* luphe isonka;Ukuba lunxaniwe, luphe amanzi,+
22 Uya kuba ufumba amalahle phezu kwentloko yalo,*+Ibe uYehova uza kukuvuza.
23 Umoya ovela emntla uzisa izantyalantyala zemvula,Nolwimi oluhlebayo luzisa ubuso obunomsindo.+
24 Kungcono ukuhlala ekoneni yophahlaKunokuhlala endlini enye nomfazi onochuku.*+
25 Injengamanzi abandayo emphefumlweni* odiniweyoIngxelo entle evela kwilizwe elikude.+
26 Unjengomthombo ongcolileyo nequla elonakeleyoUmntu olungileyo onikezela kumntu* ongalunganga.
27 Akulunganga ukutya ubusi obuninzi,+Kungalunganga nokuzifunela uzuko.+
28 Unjengesixeko esityhoboziweyo, esingenaludonga,Umntu ongakwaziyo ukuwubamba umsindo.+
Umbhalo osemazantsi
^ Okanye “eyakhutshelwa yaza yaqokelelwa.”
^ Okanye “ungadizi amahlebo abanye abantu.”
^ Okanye “uzijike ezo zinyeliso.”
^ Ngokoqobo, “ngesipho sobuxoki.”
^ Okanye “oluzolileyo.”
^ Okanye kusenokwenzeka, “oliqhophololo.”
^ Okanye “Nealkali.”
^ Ngokoqobo, “umntu okucaphukelayo ulambile.”
^ Oko kukuthi, ukuze ulwenze luthambe.
^ Okanye “ohlala ekhalaza.”
^ Funda Ingcaciso Yamagama.
^ Okanye “oyekelela kumntu.” Ngokoqobo, “ogxadazela phambi komntu.”