ဟေရှာယ ၄၈:၁-၂၂
၄၈ အို ယာကုပ်အမျိုး၊ နားထောင်ကြ။
မင်းတို့ဟာ အစ္စရေးဆိုတဲ့နာမည်ကို ခံယူထားသူတွေ၊+ယုဒရဲ့ စမ်းရေတွင်းကနေ* ဆင်းသက်လာသူတွေ၊ယေဟောဝါရဲ့နာမည်ကို တိုင်တည်ကျိန်ဆိုသူတွေ၊+အစ္စရေးတို့ရဲ့ ဘုရားသခင်ကို ဆုတောင်းပေမဲ့ အမှန်တရားနဲ့အညီ၊ ဖြောင့်မတ်ခြင်းနဲ့အညီ မလုပ်ဆောင်တဲ့သူတွေပဲ။+
၂ မင်းတို့က သန့်ရှင်းတဲ့မြို့တော်မှာ နေထိုင်သူတွေလို့ ကိုယ့်ကိုယ်ကိုယ် သမုတ်ကြတယ်။+
ဗိုလ်ခြေတို့ရဲ့အရှင် ယေဟောဝါလို့ နာမည်ရှိတဲ့ အစ္စရေးတို့ရဲ့ ဘုရားသခင်ဆီကနေ ထောက်မမှုရှာကြတယ်။+
၃ “အတိတ်က ဖြစ်ရပ်တွေအကြောင်း ဟိုးအရင်ကတည်းက ငါပြောပြခဲ့တယ်။
အဲဒါတွေဟာ ငါ့နှုတ်ထွက်စကားတွေပဲ။
သူတို့ကို ငါအသိပေးခဲ့တယ်။+
ငါ ရုတ်တရက် လုပ်ဆောင်တဲ့အခါ အဲဒါတွေ ဖြစ်ပျက်လာတယ်။+
၄ မင်းတို့ ဘယ်လောက်ခေါင်းမာမှန်း ငါသိတယ်။
မင်းတို့ရဲ့ လည်ပင်းဟာ သံချောင်းပဲ၊ မင်းတို့ရဲ့ နဖူးဟာ ကြေးနီပဲ။+
၅ ဟိုးအရင်ကတည်းက ငါပြောခဲ့တယ်။
အဲဒါတွေ မဖြစ်ခင်ကတည်းက မင်းတို့ကို ကြားသိစေခဲ့တယ်။
ဒါကြောင့် ‘ဒီလိုဖြစ်အောင် ငါ့ရုပ်တုက လုပ်လိုက်တာ။
ဒါတွေကို ငါ့ရုပ်တုဆင်းတုက အမိန့်ပေးတာ’ လို့ မင်းတို့ ပြောလို့မရဘူး။
၆ ဒါတွေအားလုံး မင်းတို့ မြင်ရကြားရပြီ။
ဒါကို မင်းတို့ မကြေညာဘဲ နေမှာလား။+
အကြောင်းအရာအသစ်တွေ၊ မင်းတို့မသိအောင် လျှို့ဝှက်ထားတာတွေကို အခုကစပြီး ငါကြေညာနေတယ်။+
၇ အဲဒါတွေကို အခုမှ ဖန်ဆင်းလိုက်တာ။ ဟိုးအရင်ကတည်းက ဖန်ဆင်းထားတာ မဟုတ်ဘူး။
အခုချိန်အထိ မင်းတို့ မကြားဖူးသေးတဲ့ အရာတွေပဲ။
‘ဒါတွေကို သိပြီးသား’ ဆိုပြီး မင်းတို့ ပြောလို့မရဘူး။
၈ မင်းတို့ မကြားဖူးဘူး။+ မသိခဲ့ဘူး။
အရင်တုန်းက မင်းတို့ရဲ့နားကို မဖွင့်ထားဘူး။
မင်းတို့ဟာ သစ္စာမဲ့သူတွေဖြစ်မှန်း ငါသိတယ်။+
မွေးကတည်းက အပြစ်ကျူးလွန်သူတွေလို့ နာမည်တွင်မှန်းလည်း ငါသိတယ်။+
၉ ဒါပေမဲ့ ငါ့နာမည်ကိုထောက်ပြီး ဒေါသကို ငါထိန်းမယ်။+
ငါရထိုက်တဲ့ ချီးမွမ်းမှုကိုထောက်ပြီး ငါ့ကိုယ်ငါ ချုပ်တည်းမယ်။
မင်းတို့ကို ပယ်ရှင်းမှာ မဟုတ်ဘူး။+
၁၀ ကြည့်ပါ။ မင်းတို့ကို ငါသန့်စင်စေပြီ။ ငွေကို သန့်စင်သလိုတော့ မဟုတ်ဘူး။+
ဒုက္ခဆိုတဲ့ အရည်ကျိုမီးဖိုကြီးထဲမှာ မင်းတို့ကို ငါစမ်းသပ်ပြီ။*+
၁၁ ငါ့နာမည်အတွက်၊ ငါ့နာမည်အတွက် ငါလုပ်ဆောင်မယ်။+
ငါရှုတ်ချခံရမယ့်အဖြစ်ကို ဘယ်လိုလုပ် ခွင့်ပြုနိုင်မှာလဲ။+
ငါ့ဘုန်းတန်ခိုးကို ဘယ်သူ့ကိုမှ မပေးဘူး။
၁၂ ယာကုပ်၊ ငါခေါ်ထားတဲ့အစ္စရေး၊ ငါပြောတာကို နားထောင်ပါ။
ငါဟာ မပြောင်းလဲတဲ့အရှင်ပါ။+ဦးဆုံးလည်း ငါပဲ၊ နောက်ဆုံးလည်း ငါပဲ။+
၁၃ ကမ္ဘာမြေကို ငါကိုယ်တိုင် အုတ်မြစ်ချခဲ့တယ်။+
မိုးကောင်းကင်ကို ညာလက်နဲ့ ဖြန့်ခဲ့တယ်။+
ငါခေါ်တဲ့အခါ သူတို့ အတူထရပ်ကြတယ်။
၁၄ မင်းတို့အားလုံး အတူစုရုံးပြီး နားထောင်ကြပါ။
ဘယ်ဘုရားက ဒါတွေကို ကြေညာခဲ့လို့လဲ။
ယေဟောဝါက သူ့ကို ချစ်တယ်။+
ဗာဗုလုန်နဲ့ပတ်သက်ပြီး အလိုတော်အတိုင်း သူ လုပ်ဆောင်မယ်။+
သူ့လက်ရုံးက ခါလဒဲလူတွေကို တိုက်လိမ့်မယ်။+
၁၅ ဒါဟာ ငါကိုယ်တိုင်ပြောတဲ့ စကားပဲ။ သူ့ကို ငါခေါ်မယ်။+
သူ့ကို ခေါ်လာမယ်။ သူ့လမ်းဟာ အောင်မြင်မယ်။+
၁၆ ငါ့အနားလာပြီး နားထောင်ကြ။
အစကတည်းက ဆိတ်ကွယ်ရာမှာ ငါပြောခဲ့တာ မဟုတ်ဘူး။+
ကြိုဟောတဲ့အတိုင်း ဖြစ်လာချိန်မှာ ငါရှိနေခဲ့တယ်။”
အခု၊ အချုပ်အခြာအာဏာပိုင်ရှင် ယေဟောဝါက ငါ့ကိုစေလွှတ်တယ်။ စွမ်းအားတော်ကိုလည်း စေလွှတ်တယ်။
၁၇ မင်းတို့ကို ပြန်ဝယ်တဲ့အရှင်၊ အစ္စရေးတို့ရဲ့ သန့်ရှင်းတဲ့အရှင် ယေဟောဝါပြောတာက–+
“ငါယေဟောဝါဟာ မင်းတို့ရဲ့ ဘုရားသခင်ပဲ။
မင်းတို့ကောင်းကျိုးအတွက် သွန်သင်ပေးတဲ့အရှင်၊+မင်းတို့လျှောက်သင့်တဲ့ လမ်းအတိုင်း လမ်းညွှန်ပေးတဲ့ အရှင်ပဲ။+
၁၈ ငါ့ပညတ်တွေကို အာရုံစိုက်မယ်ဆိုရင်+ မင်းတို့ရဲ့ ငြိမ်သက်ခြင်းဟာ မြစ်လို၊+မင်းတို့ရဲ့ ဖြောင့်မတ်ခြင်းဟာ ပင်လယ်လှိုင်းတွေလို ဖြစ်လာမယ်။+
၁၉ မင်းတို့ရဲ့မျိုးနွယ်ဟာ သဲတွေလို၊သားစဉ်မြေးဆက်ဟာ သဲပွင့်တွေလို များပြားလာမယ်။+
သူတို့ရဲ့နာမည်ဟာ ငါရှေ့ကနေ ပယ်ဖျက်ခံရမှာ၊ ပျောက်ပျက်သွားမှာ မဟုတ်ဘူး။”
၂၀ ဗာဗုလုန်ကနေ ထွက်ကြ။+
ခါလဒဲလူတွေဆီကနေ ပြေးကြ။
အဲဒီအကြောင်းကို ရွှင်လန်းစွာ ကြွေးကြော်ပြီး ကြေညာကြပါ။+
ကမ္ဘာမြေအစွန်အဖျားအထိ ကြားသိစေကြပါ။+
“ယေဟောဝါက သူ့ကျွန်ယာကုပ်ကို ပြန်ဝယ်ယူလိုက်ပြီ။+
၂၁ လွင်တီးခေါင်တွေကို ဖြတ်ပြီး သူတို့ကို ဦးဆောင်ခေါ်လာတဲ့အခါ ရေမငတ်ခဲ့ကြဘူး။+
သူတို့အတွက် ကျောက်ဆောင်ထဲကနေ ရေစီးဆင်းစေတယ်။
ကျောက်ဆောင်ကိုခွဲပြီး ရေတွေ စီးထွက်လာစေတယ်”+ လို့ ပြောကြပါ။
၂၂ “လူဆိုးတွေဆီမှာ ငြိမ်သက်ခြင်း မရှိဘူး”+ လို့ ယေဟောဝါ ပြောတယ်။
