Isaías 61:1-11
61 U poder Kiʼichkelem Yuum Jéeobaeʼ tiaʼan tin wóokʼoleʼ,+Jéeobaeʼ tu yéeyen utiaʼal in waʼalik tiʼ le utsul máakoʼob le baʼaloʼob maʼalobtak ku taal u kʼiinoʼ.+
Letiʼeʼ tu túuxten utiaʼal in vendartik le puksiʼikʼaloʼob uchaʼan loob tiʼoboʼ,bey xan utiaʼal in tʼaan tiʼ u jáalkʼabtaʼal le esclavoʼoboʼyéetel utiaʼal in tʼaan tiʼ u pʼiʼilil u yich le máaxoʼob kʼalaʼanoʼoboʼ,+
2 bey xan utiaʼal in tʼaan tiʼ u añoil u yeʼesik u yutsil Jéeobayéetel tiʼ u kʼiinil u vengarkuba k-Dios,+bey xan utiaʼal in líiʼsik u yóol tuláakal le máaxoʼob yaachajaʼan u yóoloʼoboʼ,+
3 utiaʼal in tsʼáaik jujunpʼéel baʼaloʼob tiʼ le máaxoʼob yaachajaʼan u yóoloʼob tu yoʼolal Siónoʼ,utiaʼal in tsʼáaiktiʼob junpʼéel adorno utiaʼal u pooloʼob tu lugar le taʼan ku tsʼáaikoʼoboʼ,utiaʼal in tsʼáaiktiʼob u aceiteil kiʼimak óolal tu lugar yaj óolal,utiaʼal in tsʼáaiktiʼob u nookʼil alabanza tu lugar okʼom óolal.
Letiʼobeʼ yaan u yaʼalaʼaltiʼob u nukuch cheʼiloʼob justicia,Jéeoba pakʼmiloʼob utiaʼal u alabartaʼal.+
4 Letiʼobeʼ yaan u jel beetkoʼob le pakʼoʼob úuch júutukoʼoboʼ.
Letiʼobeʼ yaan u jel líiʼskoʼob le lugaroʼob úuch pʼáatak mix máak yanoʼ.+
Letiʼobeʼ yaan u jel beetkoʼob le kaajoʼob kʼaskúuntaʼanoʼob kaʼachoʼ,+le lugaroʼob úuch pʼáatak mix máak kajaʼanoʼ.+
5 «Le máaxoʼob maʼ a kʼaj óoleʼexoʼ yaan u taal u kanáantoʼob a walakʼ baʼalcheʼex,yéetel j-táanxel luʼumiloʼob+ kun meyajtik a luʼumeʼex bey xan a pakʼal uvaʼex.+
6 Chéen baʼaleʼ tiʼ teʼexeʼ yaan u yaʼalaʼal u sacerdoteʼex Jéeoba.+
Letiʼobeʼ yaan u yaʼalikoʼob de ke teʼexeʼ ka meyajtikeʼex Dios.
Teʼexeʼ yaan a jaantikeʼex le baʼaloʼob ku taal tiʼ uláakʼ kaajoʼoboʼ,+yéetel yaan u kiʼimaktal a wóoleʼex tu yoʼolal u ayikʼaliloʼob.
7 In kaajaleʼ yaan u kʼamik doble herencia tu lugar u pʼáatal ich suʼtsilil.
Tu lugar u mixbaʼalkúuntaʼaleʼ yaan u yantal baʼax oʼolal u yawat yéetel kiʼimak óolal.
Jach beyoʼ yaan u kʼamkoʼob doble herencia tu luʼumoʼob.+
Mantatsʼ kun antal kiʼimak óolal tiʼob.+
8 Teen Jéeobaeʼ in yaabiltmaj u beetaʼal baʼax toj.+
Teneʼ in pʼeek u yúuchul ookol bey xan u beetaʼal injusticia.+
Teneʼ jach tu jaajil yaan in tsʼáaik baʼax ku náajaltik in kaajal,yaan in beetik junpʼéel pacto tu yéeteloʼob, junpʼéel pacto minaʼan xuʼulultiʼ.+
9 U paalaloʼobeʼ yaan u kʼaj óoltaʼaloʼob tiʼ tuláakal yóokʼol kaab,+u paalaloʼobeʼ yaan u kʼaj óoltaʼaloʼob tiʼ tuláakal le kaajoʼoboʼ.
Yaan u kʼaj óoltaʼaloʼob tumen tuláakal máax kun ilkoʼob,yaan u kʼaj óoltaʼal de ke letiʼob le máaxoʼob bendecirtaʼanoʼob tumen Jéeobaoʼ».+
10 Teneʼ jach yaan u kiʼimaktal in wóol tu yoʼolal Jéeoba.
Tuláakal in puksiʼikʼaleʼ yaan u kiʼimaktal u yóol tu yoʼolal in Dios.+
Tumen tsʼoʼok u vestirken yéetel u nookʼil salvación.+
Tsʼoʼok u toʼiken yéetel u nookʼil justicia,kin pʼáatal jeʼex juntúul noviotsil bakʼaʼan nookʼ tu pool jeʼex le bakʼaʼan tu pool le sacerdoteʼoboʼ,+yéetel kin pʼáatal bey juntúul noviatsil u tsʼaamaj u adornoʼobeʼ.
11 Jeʼex le luʼum ku beetik u jóokʼol le baʼax ku paʼakʼaloʼyéetel jeʼex junpʼéel jardín ku beetik u jóokʼol le baʼax ku paʼakʼal ichiloʼ,Kiʼichkelem Yuum Jéeoba xaneʼyaan u beetik u yantal justicia+ yéetel yaan u beetik u alabartaʼal+ tumen tuláakal le kaajoʼoboʼ.