Isaías 35:1-10
35 Le desierto yéetel le luʼum jach tikinoʼ yaan u jach kiʼimaktal u yóoloʼob,+le táax luʼum tuʼux mix baʼal yanoʼ yaan xan u kiʼimaktal u yóol yéetel yaan u loolankil jeʼex u loolankil le azafránoʼ.+
2 Jach yaan u loolankil,+yéetel yaan u yawat tumen kiʼimak u yóol.
Yaan u beetaʼal u pʼáatal jach kiʼichkelem jeʼex le Líbanooʼ+yéetel yaan u beetaʼal u jatsʼutstal jeʼex le Carmelo+ yéetel Sarónoʼ.+
Tuláakal máak kun ilik bukaʼaj u poder Jéeoba, yaan u yilkoʼob bukaʼaj u kiʼichkelmil k-Dios.
3 Áanteʼex le máaxoʼob minaʼan u muukʼoʼoboʼbey xan le máaxoʼob táan u kikilankil u yookoʼoboʼ.+
4 Aʼaleʼex tiʼ le máaxoʼob saajkoʼoboʼ:
«Maʼ u lúubul a wóoleʼex, maʼ a chʼaʼikeʼex saajkil.
¡Ilawileʼex! A Dioseʼexeʼ yaan u vengarkuba tiʼ a enemigoʼex,yaan u castigartik le máaxoʼob pʼekmileʼexoʼ.+
Letiʼeʼ yaan u taal u salvarteʼex».+
5 Teʼ kʼiin jeʼeloʼ yaan u sáasiltal u yich le máaxoʼob chʼóopoʼoboʼ+yéetel yaan u jeʼepajal u xikin le máaxoʼob kóoktakoʼoboʼ.+
6 Teʼ kʼiin jeʼeloʼ le máax móochoʼ yaan u páajtal u síitʼ jeʼex le kéejoʼ,+le mudooʼ* yaan u yawat yéetel kiʼimak óolal.+
Yaan u yantal u sayabil jaʼ teʼ desiertooʼ,yéetel teʼ táax luʼum tuʼux tikinoʼ yaan u yáalkab jaʼiʼ.
7 Teʼ tuʼux tikinkúuntaʼan le luʼum tumen le Kʼiinoʼ yaan u yantal jaʼiʼ yéetel yaan u chuʼupul yéetel u matailoʼob caña,yaan u yantal u sayabiloʼob jaʼ teʼ luʼum jach tikinoʼ.+
Teʼ lugaroʼob tuʼux kajakbal le chacaloʼob kaʼachoʼ+yaan u jóokʼol yaʼax suʼukiʼ, u matailoʼob caña bey xan papiro.
8 Teʼeloʼ yaan u yantal junpʼéel noj bejiʼ,+le bejoʼ yaan u kʼaabaʼtik Bej Santo.
Teʼ bejaʼ maʼ kun máan le máax ku beetik baʼaloʼob kʼaastakoʼ,+tumen beetaʼan utiaʼal u máan le máax ku beetik baʼax maʼaloboʼ,le máax minaʼan u naʼatoʼ maʼ kun chaʼabil u máan teʼ bejaʼ.
9 Teʼ bejoʼ maʼ kun antal mix juntúul leóniʼ,mix juntúul tsʼíitsʼik baʼalcheʼ kun máaniʼ,mix juntúul tiʼ letiʼob kun ilbiliʼ,+chéen le máaxoʼob kaʼa máanoʼoboʼ, le bisaʼanoʼob kaʼach táanxel luʼumiloʼ.+
10 Le máaxoʼob perdonartaʼaboʼob tumen Jéeobaoʼ yaan u suutoʼob,+ le táan u suutoʼob tu kaajil Siónoʼ yaan u yawatoʼob tumen kiʼimak u yóoloʼob.+
Mantatsʼ kun kiʼimaktal u yóoloʼob.+
Yaan u sen kiʼimaktal u yóoloʼob.
Letiʼobeʼ maʼ kun kaʼa yaatal u yóoloʼob mix kun kaʼa muʼyajoʼob.+
Notas
^ Wa «le tootoʼ».
