Isaías 11:1-16
11 Jeséeʼ+ bey jeʼex junpʼéel chuun cheʼ ku jóokʼol u kʼuʼukʼeʼ,+yéetel tu mootsoʼobeʼ yaan u jóokʼol junpʼéel chan mata+ kun ichankil.
2 Yaan u yantal u poder Jéeoba tu yóokʼol.*+
Le oʼolal letiʼeʼ yaan u yantal u naʼat,+ yaʼab baʼax ken u kane,yaan u tsʼáaik maʼalob nuʼuktaj, jach yaan u yantal u muukʼ,+yaʼab baʼax ken u yojéelte yéetel jach yaan u respetartik Jéeoba.
3 Letiʼeʼ yéetel kiʼimak óolal ken u respetart Jéeoba.+
Maʼ ken u juzgart máak chéen tu yoʼolal baʼax ku jáan ilik,mix ken u castigart máak chéen tu yoʼolal baʼax ku yuʼubik u yaʼalaʼal.+
4 Letiʼeʼ yaan u beetik justicia tiʼ le óotsiloʼoboʼ,yéetel tumen ku beetik baʼax tojeʼ yaan u yeʼesik le baʼax maʼ maʼalob ku beetaʼaloʼ, lelaʼ yaan u beetik utiaʼal u yutsil le utsul máakoʼob yaan way luʼumeʼ.
Letiʼeʼ yaan u jatsʼik le luʼum yéetel le baʼaxoʼob ku yaʼalikoʼ tumen beyoʼob junpʼéel cheʼeʼ,+yéetel yaan u kíimsik le kʼasaʼan máakoʼob le kéen u táaj usto’obo’.+
5 Le justiciao’ yaan u pʼáatal bey junpʼéel faja u kʼaxmaj tu nakʼeʼ,le chúukaʼan óolaloʼ yaan u pʼáatal bey u kʼaxnakʼeʼ.+
6 Le lobooʼ mix baʼal ken u beet tiʼ le chan tamanoʼ,+le chan chivooʼ yaan u chital naatsʼ teʼ tuʼux chilikbal le leopardooʼ,le chan wakax, le león* yéetel le baʼalcheʼ jatsʼuts polkiloʼ u múuchʼ kun antaloʼob.*+
Chéen juntúul chan xiʼipal kun nuʼuktikoʼob.
7 Le x-nuk vaca yéetel le x-osaoʼ yaan u múul janaloʼob,u mejniloʼobeʼ yaan u múul chitaloʼob.
Le leónoʼ yaan u jaantik suʼuk jeʼex u beetik le wakaxoʼ.+
8 Le chan paal láayliʼ ku tsʼaʼabal u chuʼuchoʼ yaan u báaxal tu jool juntúul tsʼíitsʼik kaan,*le chan paal tsʼoʼok u luʼsaʼal u chuʼuchoʼ yaan u tsʼáaik u kʼab tu jool juntúul chiʼibal kaan.
9 Letiʼobeʼ maʼ ken u beetoʼob mix junpʼéel kʼaas+yéetel mix junpʼéel loob tiʼ tuláakal in montaña, le lugar santooʼ,+tumen le luʼumaʼ yaan u chuʼupul yéetel le naʼat ku taal tiʼ Jéeobaoʼ,lelaʼ bey jeʼex u jaʼil le kʼáaʼnáaboʼ.+
10 Teʼ kʼiin jeʼeloʼ le chan mata kun jóokʼol tiʼ u moots Jeséoʼ*+ yaan u waʼatal, yaan u pʼáatal bey junpʼéel señal utiaʼal le kaajoʼoboʼ.+
Le kaajoʼoboʼ yaan u binoʼob tu yiknal utiaʼal u tsʼaʼabaltiʼob nuʼuktaj.*+
Le tuʼux kajakbaloʼ yaan u pʼáatal jach kiʼichkelem.
11 Teʼ kʼiin jeʼeloʼ Jéeobaeʼ yaan u kaʼa tichʼik u kʼab utiaʼal u yáantik u kaajal, yaan u muchʼkíintik le pʼaatloʼob Asiria,+ Egipto,+ Patrós,+ Cus,+ Elam,+ Sinar,* Amat bey xan le yanoʼob teʼ islaʼob yanoʼob teʼ kʼáaʼnáaboʼ.+
12 Letiʼeʼ yaan u waʼakúuntik junpʼéel señal utiaʼal le kaajoʼoboʼ, yaan u muchʼkíintik le u kajnáaliloʼob Israel kʼiʼitpajaʼanoʼoboʼ+ bey xan le u kajnáaliloʼob Judá kʼiʼitpajaʼanoʼob tiʼ tuláakal* yóokʼol kaaboʼ.+
13 Efraíneʼ yaan u xuʼulul u kʼuuxil,+le máaxoʼob ken u beet u kʼasaʼaniloʼob tiʼ Judáoʼ yaan u xuʼulsaʼaloʼob,Efraíneʼ maʼ kun kʼuuxil tu contra Judá,Judá xaneʼ maʼ ken u beet u kʼasaʼanil tiʼ Efraín.+
14 Letiʼobeʼ chich kun éemloʼob tu tojil chikʼin teʼ ebekníixoʼob* tuʼux yaan le filisteoʼoboʼ.
Yaan u muchʼkubaʼob utiaʼal u chʼaʼikoʼob le baʼaxoʼob yaan tiʼ le kaajoʼob yaan Lakʼinoʼ.+
Yaan u líiʼsik u kʼaboʼob tu contra Edom+ yéetel Moab,+yéetel yaan u yantal le ammonitaʼob yáanal u páajtaliloʼoboʼ.
15 Jéeobaeʼ yaan u bujik* u kʼáaʼnáabil Egipto,+yéetel yaan u péepeksik u kʼab tu yóokʼol le Ríooʼ.*+
Yéetel le choko iikʼ ku jóokʼol tu chiʼoʼ yaan u tikinkúuntik le siete u pʼéelal tuʼux ku xaʼaypajal* u jaʼil le ríooʼ,le kéen tsʼoʼokkeʼ le máakoʼoboʼ yaan u páajtal u kʼáatmáanoʼobiʼ.
16 Yaan u yantal junpʼéel bej+ kun káajal desde Asiria utiaʼal u jóokʼol u yalab u kaajal,+jeʼex le bej tuʼux máan Israel le kʼiin ka jóokʼ tu luʼumil Egiptooʼ.
Notas
^ Teʼelaʼ táan u tʼaan tiʼ le «kʼuʼukʼ» yéetel tiʼ le «chan mata» ku yaʼalik le versículo 1.
^ Uláakʼ bix u traducirtaʼaleʼ «le chan wakax yéetel le leónoʼ yaan u múul janaloʼob».
^ Wa «le táankelem león tsʼoʼok u chowaktal u tsoʼotsel u pool».
^ Wa «cobra».
^ Wa «Yaan u bin kaxtbil tumen le kaajoʼoboʼ».
^ Ich hebreoeʼ ku yaʼalaʼal kaʼach «Teʼ kʼiin jeʼeloʼ u moots Jeséeʼ».
^ Uláakʼ bix kʼaj óolaʼanileʼ Babilonia.
^ Wa «tu kantiʼitsil».
^ Wa «teʼ bajadaʼob».
^ Uláakʼ bix u traducirtaʼaleʼ «tikinkúuntik».
^ Uláakʼ bix kʼaj óolaʼanileʼ Éufrates.
^ Wa «teʼ tuʼux ku jatskuba».