Isaías 45:1-25
45 Jéeobaeʼ u yéeymaj Ciro,+u machmaj u x-noʼoj kʼab+utiaʼal u mixbaʼalkúuntik kaajoʼob tu táan,+utiaʼal u luʼsik u páajtalil* le reyoʼoboʼ,utiaʼal u jeʼekʼabtik le joonajoʼob de kaʼapʼéel hoja tu táanoʼ,bey túunoʼ yaan u pʼáatloʼob jeʼekʼabil, letiʼeʼ ku yaʼalik tiʼ Ciro:
2 «Teneʼ yaan in bin táanil tiʼ teech,+yaan in táaxkuntik le puʼukoʼoboʼ,yaan in xiixkúuntik le joonajoʼob de cobreoʼyéetel yaan in chʼaʼchʼakik le trancaʼob de fierrooʼ.+
3 Teneʼ yaan in tsʼáaiktech le tesoroʼob yanoʼob ich éeʼjochʼeʼeniloʼ,bey xan le tesoroʼob taʼakaʼanoʼob tiʼ lugaroʼob utiaʼal u kanáantaʼaloʼoboʼ,+utiaʼal a wojéeltik de ke teneʼ Jéeobaen,teen u Dios u kaajil Israel, teen tʼankech ta kʼaabaʼ.+
4 Tu yoʼolal Jacob le máax meyajtiken yéetel tu yoʼolal Israel le máax in yéeymoʼ,teneʼ táan in tʼankech ta kʼaabaʼ.
Kex maʼ a kʼaj óoleneʼ, teneʼ táan in tsʼáaiktech junpʼéel kʼaabaʼ maʼ kun tuʼubsbil.
5 Teneʼ Jéeobaen, minaʼan uláakʼ.
Minaʼan uláakʼ Dios aparte tiʼ teen.+
Kex maʼ a kʼaj óoleneʼ, teneʼ yaan in tsʼáaiktech muukʼ,*
6 beyoʼ desde tuʼux ku tíipʼil kʼiin tak tuʼux ku chíinileʼle máakoʼoboʼ yaan u yojéeltikoʼobminaʼan uláakʼ Dios aparte tiʼ teen.+
Teneʼ Jéeobaen, minaʼan uláakʼ.+
7 Teen beetik u yantal sáasil+ bey xan éeʼjochʼeʼenil.+
Teen beetik u yantal jeetsʼelil+ bey xan yaayaj kʼiinoʼob.+
Teen Jéeoba, teen beetik tuláakal le baʼaloʼobaʼ.
8 Kaʼaneʼex, beeteʼex u kʼáaxal jaʼ desde teʼ kaʼanoʼ.+
Láalaʼak justicia tumen le múuyaloʼoboʼ.
U jeʼekʼabtuba le luʼumoʼ ka u beet u yantal salvaciónyéetel ka u beet u yantal justicia.+
Teen Jéeoba, teen beetik u yúuchul leloʼ».
9 ¡Óotsil le máax ku baʼateltʼaan yéetel le Máax Beetmiloʼ,tumen letiʼeʼ chéen bey jun chan xéetʼ jarro* de kʼatpaʼapajaʼan yaan ichil u maasil jayakbal teʼ luʼumoʼ!
Le kʼatoʼ unaj wa u yaʼalik tiʼ le Máax meyajtikoʼ: «¿Baʼax ka beetik?».+
Le baʼax beetaʼanoʼ unaj wa u yaʼalik tiʼ le Máax beetmiloʼ: «Techeʼ minaʼan a kʼaboʼob».*
10 Óotsil le máax ku yaʼalik tiʼ juntúul taatatsil: «¿Baʼax u biilal ta taasen yóokʼol kaab?»,bey xan le máax ku yaʼalik tiʼ juntúul maamatsil: «¿Baʼax u biilal ta síijsen?».
11 Lelaʼ letiʼe baʼax ku yaʼalik Jéeoba, le Máax Santo yaan Israeloʼ,+ le Máax beetmiloʼ:
«¿Yaan wa a waʼalikeʼexten maʼ maʼalob le baʼaxoʼob tsʼoʼok in tuklik in beetik maas táaniloʼ?
¿Yaan wa a waʼalikeʼexten baʼax unaj in beetik yéetel in paalal+ bey xan yéetel le baʼaxoʼob kin beetik yéetel in kʼaboʼoboʼ?
12 Teen beetmil le luʼumoʼ+ bey xan le máaxoʼob yaan tu yóokʼoloʼ.+
Teen jaymil le kaʼan yéetel in kʼaboʼoboʼ.+
Teen aʼalik baʼax ken u beet tuláakal le baʼaxoʼob yaan teʼ kaʼanoʼ».+
13 Jéeoba, le máax gobernartik le ángeloʼoboʼ, ku yaʼalik: «Tumen kin beetik baʼax tojeʼ tsʼoʼok in líiʼsik juntúul máak,+yéetel yaan in tojkíintik tuláakal u beeloʼob.
Letiʼ kun jel líiʼsik in kaajal yéetel yaan u jáalkʼabtik+ le máaxoʼob bisaʼanoʼob táanxel luʼumiloʼ,+yaan u beetik sin ke u cobrartik mix baʼal yéetel sin ke u tsʼaʼabal taakʼin tiʼ».+
14 Lelaʼ letiʼe baʼax ku yaʼalik Jéeobaaʼ:
«Le baʼax ku náajaltaʼal* Egiptooʼ, le u mercancía* Etiopíaoʼ, yéetel le sabeoʼob, máakoʼob kaʼanal u baakeloʼoboʼyaan u taaloʼob ta wiknal yéetel yaan a tiaʼalintikoʼob.
Yaan u taaloʼob ta paach kʼaxaʼanoʼob yéetel cadenaʼob.
Letiʼobeʼ yaan u taaloʼob yéetel yaan u chintaloʼob ta táan.+
Yaan u chintaloʼob ta táan utiaʼal u yaʼalikoʼobtech: ‹Jach tu jaajil tiaʼan Dios ta wéeteleʼ,+minaʼan uláakʼ, minaʼan uláakʼ Dios›».
15 Jach tu jaajileʼ techeʼ juntúul Diosech maʼ mantatsʼ ka weʼesik baʼax ka beetkiʼ,teech u Dios u kaajil Israel, teech salvartik.+
16 Tuláakloʼobeʼ yaan u paʼajal u suʼtaloʼob yéetel yaan u mixbaʼalkúuntaʼaloʼob.
Tuláakal le máaxoʼob ku beetkoʼob imagenoʼoboʼ hasta suʼlakoʼob le kéen xiʼikoʼob.+
17 Chéen baʼaleʼ Israeleʼ yaan u salvartaʼal tumen Jéeoba, mantatsʼ yaan u salvartaʼal.+
Maʼ mantatsʼ kun pajbil u suʼtaliʼ mix mantatsʼ kun mixbaʼalkúuntbiliʼ.+
18 Jéeobaeʼ, letiʼ beetmil le kaʼanoʼ,+ letiʼ u jaajil Dios,letiʼ tsʼáa forma tiʼ le luʼumoʼ, letiʼ beetmil utiaʼal u tsʼáaik teʼ tuʼux unaj u yantaloʼ,+letiʼeʼ maʼ chéen tu beetiʼ,* tu beetaj utiaʼal u kajtal máakoʼobiʼ,+letiʼeʼ ku yaʼalik:
«Teneʼ Jéeobaen, minaʼan uláakʼ aparte tiʼ teen.
19 Teneʼ mix tuʼux in taʼakminba ka tʼaanajen,+ maʼ in taʼakminba tuʼux éeʼjochʼeʼeniʼ.
Teneʼ maʼ tin waʼalaj tiʼ u paalal Jacobiʼ:
‹Ilawil a kaxtikeneʼex, chéen baʼaleʼ chéen kunel jeʼel baʼaxak ka a beeteʼexeʼ›.
Teen Jéeobaeʼ, maʼalob baʼax kin waʼalik, toj baʼax kin waʼalik.+
20 Muchʼabaʼex utiaʼal a taaleʼex.
Natsʼabaʼex tuláakleʼex, teʼex tsʼoʼok a púutsʼleʼex tiʼ le kaajoʼoboʼ.+
Le máaxoʼob u yéet máan u imagenoʼob
yéetel ku oraroʼob tiʼ juntúul dios maʼ tu páajtal u salvarkoʼoboʼ u jaajileʼ maʼ u yojloʼob mix baʼaliʼ.+
21 Tʼaanakeʼex yéetel eʼeseʼex baʼaxten jaaj baʼax ka waʼalikeʼex.
Muchʼabaʼex utiaʼal a múul tsikbaltikeʼex.
¿Máax aʼal desde úuchjeakil leloʼ?
¿Máax tsʼáa ojéeltbil desde teʼ kʼiinoʼob tsʼoʼok u máanoʼ?
¿Maʼ wa teen Jéeoba aʼalmiliʼ?
Minaʼan uláakʼ Dios, chéen teen.
Teneʼ juntúul Diosen kin beetik baʼax toj, yéetel kin salvartik máak,+ minaʼan uláakʼ aparte tiʼ teen.+
22 Taalak tin wiknal tuláakal le máaxoʼob yanoʼob tu xuul yóokʼol kaab utiaʼal u salvarkubaʼoboʼ.+
Tumen teneʼ Diosen, minaʼan uláakʼ.+
23 Teneʼ yaan junpʼéel baʼax tsʼoʼok in jurartik tin kʼaabaʼ,le baʼax tsʼoʼok u jóokʼol tin chiʼoʼmaʼ kun pʼáatal maʼ u béeytal:+
tin táaneʼ yaan u chintal tuláakal máak,tuláakal máakeʼ yaan u jurartik u meyajtiken mantatsʼ,+
24 yéetel yaan u yaʼalik: ‹Jéeobaeʼ jach tu jaajil ku beetik baʼax toj yéetel jach yaan páajtalil tiʼ.
Tuláakal le máaxoʼob pʼujaʼanoʼob tu contraoʼ suʼlakoʼob kéen taalakoʼob tu táan.
25 Tuláakal u paalal Israeleʼ yaan u yilkoʼob maʼalob úuchik u meyajtikoʼob Jéeoba,+yaan u kiʼimaktal u yóoloʼob tu yoʼolal le baʼaxoʼob tu beetaj tu yoʼolaloʼoboʼ›».
Notas
^ Ich hebreoeʼ ku yaʼalaʼal kaʼach «utiaʼal u wachʼik u kʼaxnakʼ».
^ Ich hebreoeʼ ku yaʼalaʼal kaʼach «teneʼ yaan in jepʼik a kʼaxnakʼ».
^ Wa «pʼúul».
^ Uláakʼ bix u traducirtaʼaleʼ «¿Unaj wa u yaʼalik le kʼat: ‹Le baʼax a beetmoʼ minaʼan u xiknoʼob›?».
^ Uláakʼ bix u traducirtaʼaleʼ «U j-meyajoʼob».
^ Uláakʼ bix u traducirtaʼaleʼ «u j-koonoloʼob».
^ Uláakʼ bix u traducirtaʼaleʼ «maʼ chéen tu beetaj utiaʼal u pʼáatal jóojochiliʼ».
