Isaías 2:1-22
2 Lelaʼ letiʼe baʼax tu yilaj Isaías u paal Amoz tu yoʼolal Judá yéetel Jerusalénoʼ:+
2 Tu tsʼook kʼiinoʼobeʼle montaña tuʼux yaan u yotoch Jéeobaoʼyaan u yetsʼkúuntaʼal maʼalob tu yóokʼol le montañaʼoboʼ,+yéetel yaan u chʼúuyaʼal utiaʼal ka yanak tu yóokʼol le puʼukoʼoboʼ,*teʼeloʼ tiʼ kun bin tuláakal le kaajoʼoboʼ.+
3 Yaʼab kaajoʼob kun binoʼobiʼ yéetel yaan u yaʼalikoʼob:
«Koʼoteneʼex utiaʼal ka naʼakakoʼon tu montaña Jéeoba,tu yotoch u Dios Jacob.+
Letiʼeʼ yaan u kaʼansiktoʼon u beeloʼob,toʼon túuneʼ yaan k-xíimbal teʼ bejoʼob ken u yeʼestoʼonoʼ».+
Tumen le leyoʼ* yaan u jóokʼol desde Sión,u tʼaan Jéeobaeʼ yaan u jóokʼol desde Jerusalén.+
4 Letiʼeʼ yaan u beetik u juezil ichil le kaajoʼoboʼ,yéetel yaan u tojkíintik* le baʼaxoʼob ku yúuchul ichil yaʼab kaajoʼoboʼ.
U espadaʼobeʼ yaan u sutkoʼob u nuʼukulil u péeksaʼal luʼum,u lanzaʼobeʼ yaan u sutkoʼob u nuʼukulil podar.+
Maʼ ken u líiʼs u espada mix junpʼéel kaaj tu contra uláakʼ kaaj,mix kun seguer u kankoʼob baʼateʼel.+
5 U paalal Jacob, koʼoteneʼex,koʼoneʼex xíimbal teʼ tuʼux ku juul u sáasil Jéeobaoʼ.+
6 In Dios, techeʼ tsʼoʼok a xúumpʼattik a kaajal, u yotoch Jacob,+tumen le kaajoʼ chuup yanil yéetel le baʼaloʼob ku taal Lakʼinoʼ.*
Letiʼobeʼ tsʼoʼok u suuktal u beetkoʼob magia+ jeʼex le filisteoʼoboʼ.
Tsʼoʼoleʼ yaʼab u paalal j-táanxel luʼumiloʼob yaan ichiloʼob.
7 U luʼumoʼobeʼ chuup yéetel plata bey xan yéetel oro,minaʼan u xuul u ayikʼaliloʼob.
U luʼumoʼobeʼ chuup yéetel tsíiminoʼob,yéetel minaʼan u xuul u yaʼabil u carroiloʼob u baʼateloʼob.+
8 U luʼumoʼobeʼ chuup yéetel diosoʼob mix baʼal u biilaloʼob.+
Ku chintaloʼob tu táan le baʼaloʼob letiʼob beetmil yéetel u kʼaboʼoboʼ,tu táan le baʼaxoʼob letiʼob beetmil yéetel u dedoʼoboʼ.
9 Bey túunoʼ máakeʼ ku chintal, tu juunal ku mixbaʼalkúuntkuba.
Techeʼ maʼ tu páajtal a perdonarkoʼob.
10 Ookkeʼex tuláakleʼex tu yáam tuunichyéetel taʼakabaʼex tu tsʼuʼ luʼum tu yoʼolal u sen pʼujaʼanil Jéeobayéetel tu yoʼolal u nojoch poder.+
11 Le máaxoʼob kaʼanal u yichoʼoboʼ yaan u mixbaʼalkúuntaʼaloʼob,le máaxoʼob ku creerkubaʼoboʼ yaan u beetaʼal u chintaloʼob.*
Chéen Jéeoba kun nojbaʼalkúuntbil teʼ kʼiin jeʼeloʼ.
12 Tumen le kʼiin jeʼeloʼ utiaʼal Jéeoba, le máax gobernartik le ángeloʼoboʼ.+
Le kʼiin jeʼeloʼ táan u taal tu yóokʼol tuláakal le máaxoʼob kaʼanal u yichoʼob yéetel ku creerkubaʼoboʼ,táan u taal tu yóokʼol tuláakal, kex ayikʼal wa kex óotsil,+
13 táan u taal tu yóokʼol tuláakal u nukuch cedroiloʼob Líbano kaʼanal yaniloʼoboʼyéetel tu yóokʼol tuláakal le nukuch cheʼob* yaan Basánoʼ,
14 táan u taal tu yóokʼol tuláakal le kaʼanal montañaʼoboʼyéetel tu yóokʼol tuláakal le kaʼanal puʼukoʼoboʼ,
15 táan u taal tu yóokʼol tuláakal le kaʼanal torreʼoboʼ, yéetel tu yóokʼol tuláakal le kaʼanal pakʼoʼoboʼ,
16 táan u taal tu yóokʼol tuláakal u barcoiloʼob Tarsis,+yéetel tu yóokʼol tuláakal le kiʼichkelem barcoʼoboʼ.
17 Le máaxoʼob kaʼanal u yichoʼoboʼ yaan u mixbaʼalkúuntaʼaloʼob,le máaxoʼob ku creerkubaʼoboʼ yaan u beetaʼal u chintaloʼob.*Chéen Jéeoba kun nojbaʼalkúuntbil teʼ kʼiin jeʼeloʼ.
18 Le diosoʼob mix baʼal u biilaloʼoboʼ yaan u láaj xuʼulsaʼaltiʼob.+
19 Le máakoʼoboʼ yaan u yookloʼob tu yáam le tuunichoʼoboʼyéetel teʼ jooloʼob yaan teʼ luʼumoʼ.+
Yaan u beetkoʼob tu yoʼolal u sen pʼujaʼanil Jéeobayéetel tu yoʼolal u nojoch poder+teʼ kʼiin ken líikʼik u beet u kikilankil le luʼumoʼ.
20 Teʼ kʼiin jeʼeloʼ le máakoʼoboʼ yaan u chʼaʼik u diosoʼob de plata yéetel de oro mix baʼal u biilaloʼoboʼ,le diosoʼob letiʼob beetmil utiaʼal u chintaloʼob tu táanoʼoboʼ,kéen tsʼoʼokkeʼ yaan u pulkoʼob tiʼ le chʼoʼoboʼ* yéetel tiʼ le sootsʼoʼoboʼ,+
21 tsʼoʼoleʼ ku yookloʼob ichil le jooloʼob yaan teʼ tuunichoʼoboʼyéetel tu yáam le nukuch tuunichoʼoboʼ.
Yaan u beetkoʼob tu yoʼolal u sen pʼujaʼanil Jéeobayéetel tu yoʼolal u nojoch poderteʼ kʼiin ken líikʼik u beet u kikilankil le luʼumoʼ.
22 Utiaʼal a wutsileʼexeʼ xuʼuluk a kʼubik a wóoleʼex chéen tiʼ wíinik,tumen letiʼeʼ kʼaʼabéet u chʼaʼik u yiikʼ utiaʼal u kuxtal.
¿Baʼax utsil jeʼel u taasik tiʼ máak u kʼubik u yóol tiʼeʼ?
Notas
^ Wa «cerroʼoboʼ».
^ Wa «nuʼuktajoʼ».
^ Wa «yutskíintik».
^ Wa «Este».
^ Wa «u humillartaʼaloʼob».
^ U kʼaabaʼ le cheʼobaʼ «encino».
^ Wa «u humillartaʼaloʼob».
^ Tuláakʼ tuʼuxeʼ ku yaʼalaʼal «pʼiich».
