Isaya 48:1-22
48 Yiva apha, wena ndlu kaYakobi,Wena uzibiza ngegama likaSirayeli+Nawe usuka kumanzi akwaYuda,*Wena ufunga ngegama likaYehova,+Uthandaza kuThixo kaSirayeli,Nangona ezi zinto ungazenzi ngokunyaniseka nangobulungisa.+
2 Kuba bathi basuka kwisixeko esingcwele,+Kwaye bafuna ukuxhaswa nguThixo kaSirayeli,+Ogama linguYehova wemikhosi.
3 “Izinto ezenzeka kudala* ndakuxelela zingekenzeki.
Zaphuma kowam umlomo,Ibe ndazithetha ebantwini.+
Ndazenza ngesiquphe, zaza zenzeka.+
4 Kuba ndandiyazi indlela onenkani ngayo;Intamo yakho yimisipha yentsimbi, nebunzi lakho yikopolo,+
5 Ndakuxelela kwakudala.
Waziva ngam ngaphambi kokuba zenzeke,Ukuze ungathi, ‘Ezi zinto zenziwe sisithixo sam;Ngumfanekiso wam oqingqiweyo nomfanekiso wam wesinyithi oyalele ukuba zenzeke.’
6 Uzivile waza wazibonela zonke ezi zinto.
Awuzukuzixela ke?+
Ukususela ngoku, ndikuxelela izinto ezintsha,+Iimfihlelo ezibalulekileyo ubukade ungazazi.
7 Azizange zidalwe kudala, kungona zidalwa ngoku,Zizinto oza kuqala ukuziva namhlanje,Ukuze ungakwazi ukuthi, ‘Jonga! Sendizazi nje.’
8 Hayi kaloku, awuzange uzive,+ ungazange uzazi,Iindlebe zakho zazikade zivalekile.
Kuba ndiyazi kakuhle indlela onamaqhinga ngayo,+Futhi kwathiwa ungumoni usazalwa.+
9 Kodwa ndiza kuwubamba umsindo wam ngenxa nje yegama lam;+Ibe ndiza kuzinqanda, ngenxa yozuko lwam,Andizukukucima igama.+
10 Jonga! Ndikusulungekisile, kodwa kungekhona ngohlobo lwesilivere.+
Ndikuvavanye* ezikweni lokunyibilikisa nelentlungu.+
11 Izinto endizenzayo ndizenza ngenxa yam, ngenxa yam kanye,+Kuba ndingalivumela njani igama lam lingcoliswe?+
Akukho namnye endimnika uzuko lwam.
12 Khawundimamele Yakobi, nawe Sirayeli endimbizileyo.
NdisenguLowa.+ Ndingowokuqala; ndikwanguye nowokugqibela.+
13 Sisandla sam esabeka isiseko somhlaba,+Ibe sisandla sam sasekunene esaneka amazulu.+
Zonke xa ndizibiza, zisabela kunye.
14 Qokelelanani nonke, nize nimamele.
Ngubani kubo okhe wazixela ezi zinto?
UYehova umthandile.+
Uza kwenza into ayithandayo eBhabhiloni,+Nengalo yakhe iza kuza phezu kwamaKhaledi.+
15 Mna, mna kanye ndimbizile.+
Uziswe ndim, ibe indlela yakhe iza kuphumelela.+
16 Sondelani kum, nize nimamele apha.
Andizange ndithethe emfihlekweni kwasekuqaleni.+
Ndandikho ukususela kwixesha eyenzeka ngalo.”
Yaye ngoku iNkosi enguMongami uYehova indithumile, kunye nomoya wayo.
17 Uthi uYehova, uMhlawuleli wakho, Lowo Ungcwele kaSirayeli:+
“Mna, Yehova, ndinguThixo wakho,Lowo ukufundisa izinto ezikuncedayo,*+Lowo ukukhokelela endleleni ofanele uhambe ngayo.+
18 Ukuba nje ubungayimamela imiyalelo yam!+
Uxolo lwakho beluya kuba njengomlambo,+Nobulungisa bakho bube njengamaza olwandle.+
19 Inzala* yakho ibiza kuba ninzi njengesanti,Ube nezizukulwana ezininzi.+
Igama lazo belingazukucinywa okanye litshatyalaliswe phambi kwam.”
20 Phumani eBhabhiloni!+
Balekani nimke kumaKhaledi.
Yithetheni loo nto, khwazani nivuya! Yikhwazeni!+
Yaziseni nakwezona ndawo zikude emhlabeni.+
Yithini: “UYehova umhlawulele umkhonzi wakhe uYakobi.+
21 Abazange banxanwe xa wayebanqumlisa kwiindawo ezomileyo.+
Wabakhuphela amanzi eliweni;Waqhekeza iliwa ukuze kumpompoze amanzi.”+
22 “Akukho luxolo kubenzi-bubi,” utsho uYehova.+
Umbhalo osemazantsi
^ Okanye kusenokwenzeka, “Nawe uyinzala kaYuda.”
^ Ngokoqobo, “zokuqala.”
^ Okanye “Ndikuhlole.” Okanye kusenokwenzeka, “Ndikukhethe.”
^ Okanye “Lowo ukufundisa ukuze kulungelwe kwawena.”
^ Ngokoqobo, “Imbewu.”
