SAJI NI OBLAHII KƐ OBLAYEI BIƆ
Kɛ́ Abaptisi Mi Lɛ, No Sɛɛ Lɛ Mɛni Esa Akɛ Mafee?—Fã 1: Yaa Nɔ Ofee Nibii Ni Ofeɔ Kɛjáa Yehowa Lɛ
Esa akɛ okwɛ onibii ni jara wala, tamɔ oshĩa loo olɔle nɔ jogbaŋŋ. Nakai nɔŋŋ eji yɛ okɛ Nyɔŋmɔ teŋ naanyobɔɔ lɛ gbɛfaŋ. Mɛni obaafee koni okɛ Nyɔŋmɔ teŋ naanyobɔɔ lɛ mli awa yɛ obaptisimɔ lɛ sɛɛ?
Nɔ ni wɔbaasusu he yɛ sane nɛɛ mli
Yaa nɔ okase Nyɔŋmɔ Wiemɔ lɛ
Ŋmalɛ titri: ‘Yaa nɔ owo yibii yɛ nitsumɔ kpakpa fɛɛ nitsumɔ kpakpa mli, ni Nyɔŋmɔ he nilee krɔŋŋ ni oyɔɔ lɛ afa.’—Kolosebii 1:10.
Nɔ ni etsɔɔ: Kɛ́ abaptisi bo sɛɛ lɛ, esa akɛ oya nɔ okane Biblia lɛ ni ojwɛŋ nɔ ni okaneɔ lɛ nɔ.—Lala 25:4; 119:97.
Nɔ ni esa akɛ okpa gbɛ: Bei komɛi lɛ, onuŋ he akɛ okase Biblia lɛ. Ekolɛ, obaasusu akɛ bo lɛ, oleee bɔ ni akaseɔ nii.
Nɔ ni obaanyɛ ofee: Kasemɔ Biblia mli saji ni onyaa he lɛ ahe nii babaoo. Bo diɛŋtsɛ too ogbɛjianɔ kɛhã nikasemɔ—too gbɛjianɔ lɛ bɔ ni ehãŋ nikasemɔ lɛ atsɔ jatsu kɛhã bo. Kɛ́ ookase nii lɛ, oti ni esa akɛ okɛma ohiɛ ji, ni ehã suɔmɔ ni oyɔɔ kɛhã Yehowa kɛ e-Wiemɔ lɛ mli awa. Kɛ́ okase nii yɛ nɛkɛ gbɛ nɔ lɛ, obaaná he sɛɛ, ni omii baashɛ ohe hu.—Lala 16:11.
Ŋaawoo: Kɛ́ ootao oná nɔ ni okaseɔ lɛ he sɛɛ waa lɛ, taomɔ he ko ni yɔɔ dioo ni nibii gbalaŋ ojwɛŋmɔ ni okase nii lɛ yɛ jɛmɛ.
Naa nibii krokomɛi hu ni baawa bo
Yaa nɔ osɔle ohã Yehowa
Ŋmalɛ titri: “Nyɛkayea nyɛtsui yɛ nɔ ko nɔ ko he, shi moŋ yɛ nɔ fɛɛ nɔ mli lɛ, nyɛtsɔa sɔlemɔ, kɛ fai ni akɛ hiɛdɔɔ kpaa, kɛ shidaa nɔ nyɛhãa Nyɔŋmɔ alea nyɛnibimɔi lɛ.”—Filipibii 4:6.
Nɔ ni etsɔɔ: Nyɔŋmɔ kɛ wɔ gbaa sane ni wɔ hu wɔkɛ lɛ gbaa sane: Kɛ́ wɔkane e-Wiemɔ lɛ belɛ, wɔmiibo lɛ toi, ni kɛ́ wɔsɔle lɛ belɛ, wɔ kɛ lɛ miiwie. Kadimɔ akɛ, kɛ́ oosɔle lɛ, obaanyɛ okpa Yehowa fai ni ehã bo ohiamɔ nii, agbɛnɛ hu obaanyɛ oda lɛ shi yɛ nibii ni efeɔ ehãa bo lɛ ahewɔ.
Nɔ ni esa akɛ okpa gbɛ: Bei komɛi lɛ, obaanu he akɛ kɛ́ oosɔle lɛ, otiɔ sane kome too lɛ nɔŋŋ mli shii abɔ. Ebaanyɛ eba po akɛ, onáŋ nɔmimaa akɛ Yehowa boɔ osɔlemɔi lɛ atoi loo obaanu he akɛ, esumɔɔɔ ni eboɔ osɔlemɔi lɛ atoi.—Lala 10:1.
Nɔ ni obaanyɛ ofee: Yɛ gbi lɛ mli fɛɛ lɛ, susumɔ nibii ni obaanyɛ osɔle yɛ he lɛ ahe. Kɛ́ ona nibii ni obaanyɛ osɔle yɛ he shi oshihilɛ eŋmɛɛɛ gbɛ ni okɛ bei saŋŋ asɔle amrɔ nɔŋŋ lɛ, hã nibii nɛɛ ahi ojwɛŋmɔ mli koni sɛɛ mli yɛ gbi lɛ mli lɛ, osɔle yɛ he. Yɛ nibii ni gbaa onaa ni obaanyɛ osɔle yɛ he sɛɛ lɛ, susumɔ mɛi krokomɛi ahe ni osɔle ohã amɛ hu.—Filipibii 2:4.
Ŋaawoo: Kɛ́ ona akɛ otiɔ nɔ kome too lɛ nɔŋŋ mli shii abɔ be ni oosɔle lɛ, sɔlemɔ ohã Yehowa yɛ he. Eesumɔ ni ogba lɛ onaagbai lɛ fɛɛ, ni naagbai ni oyɔɔ ni kɔɔ sɔlemɔ he lɛ hu fata he.—1 Yohane 5:14.
Naa nibii krokomɛi hu ni baawa bo
Kanemɔ:
Daunlodimɔ:
Yaa nɔ ogba mɛi nibii ni oheɔ oyeɔ lɛ ahe sane
Ŋmalɛ titri: “Ohiɛ ahi ohe nɔ kɛ onitsɔɔmɔ lɛ nɔ be fɛɛ be. . . . Kɛ́ ofee nakai lɛ, obaahere bo diɛŋtsɛ kɛ mɛi ni boɔ bo toi lɛ fɛɛ yiwala.”—1 Timoteo 4:16.
Nɔ ni etsɔɔ: Kɛ́ ogba mɛi krokomɛi nibii ni oheɔ oyeɔ lɛ, ewajeɔ ohemɔkɛyeli lɛ hu. Kɛ́ ofee nakai lɛ, obaahere mɛi ni boɔ bo toi lɛ ayiwala, ni bo diɛŋtsɛ hu obaaná wala.
Nɔ ni esa akɛ okpa gbɛ: Bei komɛi lɛ, onuŋ he akɛ ogba mɛi krokomɛi nibii ni oheɔ oyeɔ. Ni bei komɛi hu lɛ, obaashe gbeyei po akɛ obaagba mɛi ohemɔkɛyeli lɛ he sane, titri lɛ kɛ́ otee skul.
Nɔ ni obaanyɛ ofee: Tswaa ofai shi akɛ ohãŋ henumɔi ni esaaa, tamɔ gbeyeishemɔ aná oyiŋkpɛi onɔ hewalɛ. Bɔfo Paulo ŋma akɛ: “Kɛ́ mikɛ mligbigbilimɔ [jaje sane kpakpa lɛ] po lɛ, eji nitsumɔ ni atu awo midɛŋ akɛ shĩa nɔkwɛlɔ.”—1 Korintobii 9:16, 17.
Ŋaawoo: Kɛ́ obi ofɔlɔi ni amɛŋmɛ bo gbɛ lɛ, taomɔ mɔ ko ni baanyɛ aye abua bo ni okɛ lɛ abɔ—esa akɛ mɔ nɛɛ afee nyɛmi Odasefonyo ni feɔ nɔkwɛmɔnɔ kpakpa yɛ shiɛmɔ nitsumɔ lɛ mli.—Abɛi 27:17.
Naa nibii krokomɛi hu ni baawa bo
Kanemɔ:
Yaa Kristofoi akpeei daa
Ŋmalɛ titri: “Nyɛhãa wɔteŋ mɔ fɛɛ mɔ asusua enyɛmi he bɔ ni afee ni wɔteŋ mɔ fɛɛ mɔ akanya enyɛmi koni wɔjie suɔmɔ kpo ni wɔtsu nitsumɔi kpakpai, ni wɔkakpa kpe ni wɔkpeɔ kutuu lɛ.”—Hebribii 10:24, 25.
Nɔ ni etsɔɔ: Yiŋtoo titri hewɔ ni wɔyaa Kristofoi akpeei ji, koni wɔyajá Yehowa. Shi yɛ enɛ sɛɛ lɛ, sɛɛnamɔi enyɔ krokomɛi hu yɛ. Klɛŋklɛŋ lɛ, nyɛmimɛi ni wɔkɛkpeɔ yɛ jɛmɛ lɛ woɔ wɔ hewalɛ. Nɔ ni ji enyɔ lɛ, kɛ́ wɔtee kpeei lɛ ni wɔkɛ wɔhe wo mli lɛ, wɔ hu wɔwoɔ amɛ hewalɛ.—Romabii 1:11, 12.
Nɔ ni esa akɛ okpa gbɛ: Bei komɛi lɛ, be ni kpeei lɛ yaa nɔ lɛ, ekolɛ, ojwɛŋmɔ baakpa shi, ni enɛ baahã nibii kpakpai ni atsɔɔ lɛ aŋmɛɛ bo. Loo ekolɛ, obaafolɔ Kristofoi akpeei amli, loo obaahã nibii krokomɛi tamɔ skul nifeemɔi atsĩ onaa ni okaya Kristofoi akpeei.
Nɔ ni obaanyɛ ofee: Kaaku ohiɛ oshwie oskul nifeemɔi anɔ, shi nakai beiaŋ nɔŋŋ lɛ, kpɛɛ oyiŋ akɛ obaaya Kristofoi akpeei daa, ni kɛma ohiɛ akɛ kɛ́ otee lɛ, obaakase nii jogbaŋŋ. Okɛ ohe awo kpee lɛ mli; wo onine nɔ koni ohã saji ahetoo. Kɛ́ akpa kpee lɛ, bɔɔ mɔdɛŋ ni kɛ́ hooo kwraa lɛ, okɛɛ mɔ kome nɔ ni onya he waa yɛ enifeemɔ lɛ loo hetoo ni ehã lɛ he.
Ŋaawoo: Tsɔ hiɛ okase nii dani oya Kristofoi akpeei. Daunlodimɔ JW Library® app lɛ, ni oya fã ni ji “Meetings” lɛ koni ona nibii ni abaasusu he yɛ asafoŋ kpeei lɛ eko fɛɛ eko shishi.
Naa nibii krokomɛi hu ni baawa bo
Kanemɔ:
Ekolɛ Obaasumɔ Enɛ Hu
SAJI NI OBLAHII KƐ OBLAYEI BIƆ
Kɛ́ Abaptisi Mi Lɛ, No Sɛɛ Lɛ Mɛni Esa Akɛ Mafee?—Fã 2: Yaa Nɔ Ohiɛ Onɔkwayeli Lɛ Mli
Kanemɔ sane nɛɛ koni ona bɔ ni obaafee ohi shi yɛ ohe nɔ ni ojɔɔ ohã Yehowa lɛ naa.
SAJI NI OBLAHII KƐ OBLAYEI BIƆ
Mɛɛ Gbɛ Nɔ Biblia Lɛ Baanyɛ Aye Abua Mi?—Fã 2: Okɛ Miishɛɛ Akane Biblia Lɛ
Ŋaawoi enumɔ ni baawa bo ni onu Ŋmalɛi lɛ ashishi jogbaŋŋ.
NƆ NI OTIPƐŊFOI LƐ KƐƆ
Oblahii Kɛ Oblayei Etsɔɔ Amɛsusumɔ Yɛ Biblia Kanemɔ He
Jeee be fɛɛ be Biblia kanemɔ yɔɔ mlɛo, shi sɛɛnamɔ yɛ he waa akɛ wɔbaakane Biblia. Oblahii kɛ oblayei ejwɛ etsɔɔ bɔ ni amɛná Biblia kanemɔ he sɛɛ amɛhã.
NƆ NI OTIPƐŊFOI LƐ KƐƆ
Namɔ Ji Mi?
Hetoo ni obaana lɛ baanyɛ awa bo ni onyɛ okpee shihilɛi ni mli wawai anaa.
NƆ NI OTIPƐŊFOI LƐ KƐƆ
Cameron Ná Shihilɛ ni Nɔ Bɛ Kwraa
Ani ootao oná shihilɛ ni hãa mɔ tsui nyɔɔ emli? Oblayoo ko ni atsɛɔ lɛ Cameron lɛ gba bɔ ni fee ni ená shihilɛ ni hã etsui nyɔ emli kwraa yɛ he ko ni eyakpaaa gbɛ. Bo lɛ toi okwɛ.
