‘Jajemɔ Sane Kpakpa Lɛ!’
2024 Yehowa Odasefoi Akpokpaa Wulu Nɔ Kpee
Mɔ fɛɛ mɔ baanyɛ aba • Aheee kɔlɛshiŋ
Kpee Lɛ Mli Otii
Sohaa: Obaana odaseyelii ni tsɔɔ akɛ sane kpakpa ni kɔɔ Yesu wala shihilɛ he ni yɔɔ Sanekpakpai lɛ amli lɛ ja. Agbɛnɛ hu, obaana bɔ ni obaanyɛ oná Biblia mli saji nɛɛ ahe sɛɛ ŋmɛnɛ.
Hɔɔ: Mɛni agba yɛ Yesu fɔmɔ kɛ egbekɛbiiashi he, ni ani gbalɛi nɛɛ ba mli lɛɛlɛŋ?
Hɔgbaa: Biblia mli maŋshiɛmɔ ni abaahã ni yitso ji, “Nɔ Hewɔ Ni Wɔsheee Sane Fɔŋ Gbeyei” lɛ, baahã ona nɔ hewɔ ni ŋmɛnɛ lɛ mɛi akpekpei abɔ nuɔ he akɛ amɛyɛ shweshweeshwe, ni amɛyɛ nɔmimaa akɛ nibii baahi yɛ bɔ ni je lɛŋ shihilɛ yaa nɔ efiteɔ lɛ fɛɛ sɛɛ.
Drama
Yesu Sɔɔmɔ Lɛ He Sane: Fã 1
Je Lɛ Anɔkwa La Lɛ
Naakpɛɛ gbɛ nɔ ni atsɔ afɔ Yesu lɛ ji nibii babaoo ni sa kadimɔ ni ba be ni Yesu ji gbekɛ kwraa lɛ ateŋ klɛŋklɛŋ nɔ. Maŋtsɛ yitsoŋwalɔ ko ka akɛ ebaagbe lɛ, ni no hã efɔlɔi kɛ lɛ tee Ejipt. Sɛɛ mli lɛ, ehã tsɔɔlɔi komɛi ni yɔɔ ebeiaŋ ni abuɔ waa lɛ anaa kpɛ amɛhe. Wɔbaakwɛ saji nɛɛ kɛ saji krokomɛi hu yɛ vidio ni hiɛ fãi enyɔ nɛɛ mli Sohaa kɛ Hɔɔ.
Kwɛmɔ afi nɛɛ kpokpaa wulu nɔ kpee lɛ he vidioi ni nyiɛ sɛɛ nɛɛ
Mɛni Yaa Nɔ Yɛ Wɔkpeei Wuji Ashishi?
Vidio nɛɛ baahã ona nibii ni kɛ́ otee Yehowa Odasefoi akpeei wuji lɛ eko lɛ obaayana.
2024 Yehowa Odasefoi Akpokpaa Wulu Nɔ Kpee: ‘Jajemɔ Sane Kpakpa Lɛ!’
Kwɛmɔ afi nɛɛ kpokpaa wulu nɔ kpee lɛ shishi nifeemɔi lɛ ekomɛi.
Drama Lɛ Fãi Komɛi: Yesu Sɔɔmɔ Lɛ He Sane
Mɛi babaoo le naakpɛɛ gbɛ nɔ ni atsɔ afɔ Yesu lɛ he sane. Shi mɛni ba dani afɔ lɛ, ni be ni afɔ lɛ lɛ sɛɛ hu lɛ, mɛni ba?