Kɛ́ Mifɔlɔi Miitse Gbãla Hu?
Nɔ ni obaanyɛ ofee
Hã amɛle bɔ ni onuɔ he ohãa. Hã ofɔlɔi lɛ ale bɔ ni sane lɛ dɔɔ bo ehãa loo bɔ ni ehaoɔ bo waa lɛ. Ekolɛ, amɛbaanyɛ amɛgbala nɔ ni yaa nɔ lɛ mli atsɔɔ bo, ni no baaba oyeyeeyefeemɔ lɛ shi.
Kɛ́ ofɔlɔi lɛ eyanyɛɛɛ amɛye amɛbua bo lɛ, obaanyɛ okɛ onaanyo ko ni hiɛ kã shi agba he sane.—Abɛi 17:17.
Nɔ ni fe fɛɛ lɛ, obaanyɛ okɛ ‘sɔlemɔ Toibolɔ,’ ni ji o-Tsɛ ni yɔɔ ŋwɛi lɛ agba he sane. (Lala 65:3) Kɛɛmɔ lɛ onaagbai lɛ fɛɛ, ‘ejaakɛ osane kã etsui nɔ.’—1 Petro 5:7.
Nɔ ni esaaa akɛ ofeɔ
Kɛ́ ooye ofɔlɔi agbãlatsemɔ he dɔlɛ lɛ nɔ lɛ, ebafeɔ tamɔ nine ko ni eku, ewaa mɔ he waa, shi fiofio lɛ ohe baawa bo kwraa
Kaabɛ amɛ owo omli. Daniel, ni efɔlɔi gbala mli be ni eye afii kpawo lɛ kɛɛ akɛ, “Mifɔlɔi foɔ amɛ pɛ amɛnɔ mli. Amɛsusuuu wɔhe, ni amɛjwɛŋŋ bɔ nɔ ni yiŋ ni amɛkpɛɔ lɛ baasa wɔhe ahã lɛ he.”
Kɛ́ Daniel eŋmɛɛɛ sane nɛɛ he koni ejie mlifu kɛ dɔlɛ nɛɛ yɛ emli lɛ, mɛni baaba?—Ŋaa: Kanemɔ Abɛi 29:22.
Mɛni hewɔ esa akɛ Daniel kɛ efɔlɔi lɛ ahe ake amɛ yɛ piŋmɔ ni amɛhã etsɔ mli lɛ hewɔ?—Ŋaa: Kanemɔ Efesobii 4:31, 32.
Kwa sui ni baafite bo. Denny wie akɛ, “Be ni mifɔlɔi tse gbãla lɛ, mimiishɛɛ fɛɛ tã, ni mihao waa diɛŋtsɛ. Mibɔi naagba namɔ yɛ skul, ní mibɔɔɔ mɔdɛŋ kwraa yɛ skul afi sɔŋŋ. No sɛɛ lɛ, ... mibatsɔ mɔ ni woɔ klasbii lɛ anaa ŋmɔlɔ, ni mikɛ mɛi nɔɔ waa.”
Kɛ́ okwɛ lɛ, mɛni Denny baaná yɛ mɛi anaa ŋmɔlɔ ni ewoɔ kɛ nɔmɔi ni enɔɔ lɛ amli?
Mɛɛ gbɛ nɔ shishitoo mla ni yɔɔ Galatabii 6:7 lɛ baanyɛ aye abua mɛi tamɔ Denny koni amɛkwa sui ni fiteɔ mɔ nɛɛ?
Kɛ́ aye ohenumɔ awui lɛ, eheɔ bei dani dɔlɛ lɛ gboɔ. Kɛ̃lɛ, kɛ́ oshihilɛ lɛ bafee tamɔ eehi nɔŋŋ lɛ, obaanu he akɛ ohe ebɔi bo jɔɔ agbɛnɛ.
Ekolɛ Obaasumɔ Enɛ Hu
SAJI NI MƐI FƆƆ BIMƆ
Mɛni Ji Yehowa Odasefoi Asusumɔ Yɛ Gbalatsemɔ He?
Ani Odasefoi yeɔ amɛbuaa gbalashihilɛ mli hefatalɔi ni kɛ naagbai miikpe? Ani esa akɛ asafoŋ onukpai akpɛlɛ nɔ dani Odasefonyo ko atse ehefatalɔ gbãla?
NƆ NI OTIPƐŊFOI LƐ KƐƆ
Namɔ Ji Mi?
Hetoo ni obaana lɛ baanyɛ awa bo ni onyɛ okpee shihilɛi ni mli wawai anaa.
