Мӕ ныййарджытӕ хицӕн кӕнынц, ӕмӕ цы кӕнон?
Дӕ бон цы у аразын
Цы дӕ тыхсын кӕны, уый радзур. Дӕ ныййарджытӕн радзур, уый дын тынг зын кӕй у ӕмӕ, дарддӕр цы кӕнай, уый кӕй нӕ зоныс. Чи зоны дын уыдон бамбарын кӕной, хъуыддаг цӕй мидӕг ис, уый. Ӕмӕ йӕ куы бамбарай, уӕд дын фенцондӕр уыдзӕн.
Кӕд дын дӕ ныййарджыты бон баххуыс кӕнын нӕу, уӕд, цы дӕ тыхсын кӕны, уый радзур, кӕуыл ӕууӕндыс ӕмӕ дын раст уынаффӕ чи ратдзӕн, ахӕм ӕмбалӕн (Ӕмбисӕндтӕ 17:17).
Сӕйраджыдӕр та дӕ зӕрдыл дар, дӕ бон аныхас кӕнын кӕй у дӕ уӕларвон Фыдимӕ – «куывдтытӕ чи хъусы, уыцы Хуыцауимӕ» (Псалом 65:2). Дӕ зӕрдӕйы цы ис, уый йын ӕргом радзур, «уымӕн ӕмӕ уый тыхсы дӕуыл» (1 Петры 5:7).
Цы дӕ нӕ хъӕуы аразын
Ныййарджытӕ куы ахицӕн вӕййынц, уый абарӕн ис, адӕймагӕн цыма йӕ къух асаст, уыимӕ. Рисгӕ тынг фӕкӕны, фӕлӕ, рӕстӕг куы рацӕуы, уӕд адзӕбӕх вӕййы
Дӕ зӕрдӕйы маст ма хӕсс. Дэниелӕн йӕ ныййарджытӕ ахицӕн сты, авд азы йыл куы цыди, уӕд, ӕмӕ зӕгъы: «Мӕ ныййарджыты ӕрмӕстдӕр сӕхи мӕт уыди. Мах куыд уыдзыстӕм ӕмӕ кӕй ахицӕн сты, уый ныл куыд бандавдзӕн, ууыл ӕппындӕр нӕ хъуыды кодтой».
Дэниел йӕ ныййарджытӕм дарддӕр дӕр ахӕм зӕрдӕ куы дардтаид, уӕд ӕй уый цӕмӕ ӕркодтаид? (Дзуапп ис Ӕмбисӕндты 29:22).
Дэниел, йӕ ныййарджытӕ йын цы рыст бавзарын кодтой, уый йӕ зӕрдӕйы куы нӕ хастаид, фӕлӕ сын куы ныххатыр кодтаид, уӕд уый хорз цӕмӕн уыдаид? (Дзуапп ис Ефесӕгтӕм 4:31, 32).
Фыдӕнӕн ӕвзӕрӕй мацы араз. «Мӕ ныййарджытӕ куы ахицӕн сты, уӕд мӕхимӕ ныхъхъуыстон ӕмӕ мӕм цӕрын дӕр нал цыди,– зӕгъы ӕндӕр ӕрыгон лӕппу Дэнни. – Скъолайы ӕвзӕр ахуыр кӕнын райдыдтон ӕмӕ дыккаг аз дӕр баззадтӕн. Уый фӕстӕ... мӕхицӕй хынджылӕггаг сарӕзтон ӕмӕ иу лӕппутимӕ арӕх фӕхыл дӕн».
Куыд дӕм кӕсы, Дэнни йӕхи афтӕ кӕй дардта, уымӕй йӕ цы равдисын фӕндыди?
Дэннийы уавӕры чи ис, ахӕм ӕрыгӕттӕн куыд баххуыс кӕндзӕн, Галатӕгтӕм 6:7 цы фыст ис, уый?
Цӕмӕй зӕрдӕйы рыст фӕкъаддӕр уа, уый тыххӕй рӕстӕг хъуамӕ рацӕуа. Фӕлӕ дӕ хъуыддӕгтӕ сӕ гаччы куы сбадой, уӕд гыццылгай дӕхи ӕрцӕудзынӕ.
Чи зоны ма дӕ зӕрдӕмӕ фӕцӕуа
АРӔХДӔР КӔЙ ФӔДӔТТЫНЦ, УЫЦЫ ФАРСТАТӔ
Йегъовӕйы Ӕвдисӕнтӕ хицӕн кӕнынмӕ цы цӕстӕй кӕсынц?
Лӕг ӕмӕ ус кӕрӕдзи куы нал фембарынц, уӕд сын Йегъовӕйы Ӕвдисӕнтӕ истӕмӕй феххуыс кӕнынц? Йегъовӕйы Ӕвдисӕн йӕ цардӕмбалӕй хицӕн кӕнынмӕ куы хъава, уӕд ын уымӕн бар хъуамӕ ӕмбырды хистӕр нӕлгоймӕгтӕ раттой?
ДЕ ’МГӔРТТӔ ЦЫ ДЗУРЫНЦ?
Ацы фӕндаг мӕхӕдӕг равзӕрстон?
Дзуапп куы базонай, уӕд дын уый баххуыс кӕндзӕн, цӕмӕй дӕ зындзинӕдты сӕрты хизай.
ФӔСИВӔДЫ ФАРСТАТӔ
Депрессийӕ фервӕзынӕн мын цы баххуыс кӕндзӕн?
Ацы статьяйы цы уынаффӕтӕ ис, уыдон дын баххуыс кӕндзысты депрессийӕ фервӕзынӕн.
