AYÉ’É 4
Za a ne Yésus Krist?
1. Ényiñe Yésus é nga taté vé?
Yésus a nga taté nyiñe yôp ane éngele, ôsusua na a zu bialé si aval ane môt. (Jean 8:23) A nga too ététéa ôsu Zambe a nga té, a a nga volô nye éyoñ a nga té biôme bise. Nnye étame Zambe émien a nga té, ajô te Kalate Zambe a loene nye na “atyi’i Mon” dé. (Jean 1:14) Yésus a nga too nkalane mejô Zambe, jôme te nje ba loene nye na “Ajô.”—Lañe Minkana 8:22, 23, 30; Becolossien 1:15, 16.
2. Amu jé Yésus a nga zu si va?
Zambe a nga futi ényiñe Mone wé abume be éndune ngone bejuif, ba loene na Marie. Nde ésaa Yésus a nji be môt a binam. (Luc 1:30-35) Yésus a nga so si va na (1) a zu bia ye’ele benya mejôô mfa’a ya Zambe (2) a zu bia liti aval avé bi ne bo nkômbane Zambe, ja’a bi tele minju’été a (3) a zu ve ényiñe jé, é mbe teke bijô “ane ntañ.”—Lañe Matthieu 20:28.
3. Amu jé bia yi ntañ?
Ntañ ô ne tañe ba ya’ane na, be kôté môte be a te ka’a awu. (Nkôlan 21:29, 30) Atata’a, Zambe a nji yi na môt a ke nnôm, nge na a wu. Avale avé bia yeme de? Zambe a nga jô Adam na, nge a bo “abé,” aye wu. Nde nge Adam a nji bo abé, a nji ke ye wu. (Metata’a 2:16, 17; 5:5) Avale Kalate Zambe ajô, abé “e nga zu” si nyô a zene ya be Adam. Nde ñhe, Adam a nga kôé mvoñe jé ése abé, a awu. Bia yi ntañ na ô kôté bia fonos ya awu Adam a nga kôé bia.—Lañe Beromain 5:12; 6:23.
Besam 49:7-9.
Za a mbe ngule ya ya’ane ntañ a kôté bia éto ôloo ya awu? Éyoñe môt a wu, a ya’ane tañe ja yiane mfa’a ya abé a nga bo. Amu bia bese bi ne bebo mam abé, teke môt éziñ a ne ngule ya ya’an tañ éte, asu môt mfe.—Lañe4. Amu jé Yésus a nga wu?
Yésus a nji be ane bia, a mbe teke nsem. Nde ñhe, é nji sili na a wu amu abé dé. A nji bo abé môs éziñ. Ve Yésus a nga wu, asu minseme mi bôte befe. Zambe a nga liti beta nye’an wé asu môt a binam, éyoñ a nga lôme mone wé na, a zu wu asu dangan. Yésus fe, a nga liti nye’an wé asu dangan, éyoñ a nga bo ésaa wé mewôk, a ve ényiñe jé asu minseme miangan.—Lañe Jean 3:16; Beromain 5:18, 19.
Yene’e vidéo a ne nlô ajô na Amu jé Yésus a nga wu?
5. Jé Yésus a bo éyoñe ji?
Éyoñe Yésus a mbe si, a nga saé minkôkon, a wômôlô mimbim, a volô fe ba bese be mbe be bili avale minju’ése. Nalé ate a nga liti aval aye bo melu ma zu asu bôte be ne mewôk. (Matthieu 15: 30, 31; Jean 5:28) Mvuse y’été, nde Yésus a nga wu, ane Zambe a nga bulane ve nye, ényiñe nsisim a mbe a bili atata’a. (1 Pierre 3: 18) Ataté éyoñe te, Yésus a nga yange mbo nnôm Zambe, akekui éyoñe Yéhôva a nga ve nye ngule ya jôé si se. (Behébreu 10:12, 13) Éyoñ ji, Yésus a jôé e yôp, a beyé’é bé ba kañete mbamba foé ate, e si se.—Lañe Daniel 7:13, 14; Matthieu 24:14.
Ana’ana, Yésus a mbeme belane éto njôô jé, na a va minjuk mise, a bôte b’abo mie. Bôte bese be bili mbunan be Yésus, a bo nye mewôk, b’aye nyiñ e Paradis e si va.—Lañe Besam 37:9-11.