AYÉ’É 6
Ndi nlem fé bi ne bi mfa’a ya bewu?
1. Mbamba foé mbé a ne asu bewu?
Éyoñe Yésus a nga kui e Béthanie, bebé Jérusalem, a nga zu koone na mvôé jé Lazare é wuya mvuse melu menyin. Yésus ba bekale be Lazare, Marie ba Marthe be nga ke avus. Nsamba bôt ô nga zu koone be. Ye ô ne ve’ele tebe été Marthe ba Marie, asu na ô wô’ôtan aval avak be nga wôk éyoñe Yésus a nga wômôlô Lazare?—Lañe Jean 11:21-24, 38-44.
Marthe a nga too a yeme mbamba foé mfa’a ya bewu. A mbe a too ndi na, Yéhôva aye wômôlô bewu mesoñe na be beta zu nyiñ e si va.—Lañe Job 14:14, 15.
2. Bewu be tele été évé?
Môt a binam a ne nkôman a metek. (Metata’a 3:19) Bi nji bo minsisim mi a nyiñe menyôle me tyia. Bi ne nyôle minsôn, ajô te éyoñe bi wuya, teke jôm éziñ e menyôle mangan j’ake ôsu a nyiñe. Éyoñe bia wu, boo wongane fe a wu, a asimesane dangan fe da wu. Jôme te nje, Lazare a nji kañete jôm éziñe mfa’a ya melu a mbe e soñ été. Amu bewu be ne te ke yeme jôm éziñ.—Lañe Besam 146:4; Ecclésiaste 9:5, 6, 10.
Jérémie 7:31.
Ye Zambe a di’i bôte nduan kom, éyoñe be wuya? Kalate Zambe a ye’ele na, bewu be nji yeme jôm éziñ. Jôme te nje, ñye’elane wo jô na, bôte b’aye dik ébé nduane, ô ne minsos. Ñye’elane te wo bo na, Zambe a be’e ayeme ya mam a nji bo. Ôsimesane ya tibili bôt ébé nduan été, wo bo Nye angôndô ya abé.—LañeYene’e vidéo a ne nlô ajô na Nne bewu ba ke ke vé?
3. Ye bewu be ne ngule ya laane a bia?
Bewu be nji bi ngule ya kobô nge wôk. (Besam 115:17) Ve mbia beéngele b’éziñ, be wô’ô nyoñe tyiñe nkobô bôte bangan be maneya wu, asu na bi buni na bewu bete mbe ba kobô a bia. (2 Pierre 2:4) Yéhôva a vini na, bi laane a bewu.—Lañe Deutéronome 18:10, 11.
4. Za aye wômô?
Bizu’u bi bôte be ne mesoñ b’aye beta nyiñ e si va. To’o bôte b’éziñe be nji yeme Zambe, a be nga bo mbia be mam b’aye wômô.—Lañe Besam 37:29; Mam Minlôman 24:15, MN.
Ba b’aye wômô, b’aye bi ma’a ya yé’é benya mejôô mfa’a ya Zambe. A b’aye liti mbunane wop be Yésus, éyoñe b’aye bo nye mewôk. (Nlitan 20:11-13) Ba b’aye bo mbamba be mam, b’aye nyiñe nnôm éto meva’été e si va.—Lañe Jean 5:28, 29.
5. Ñwômane soñ wo ye’ele bia jé mfa’a Zambe?
Zambe a nga yemete bia ndi nlem ya ñwômane soñ, éyoñe a nga lôme mone wé na, a zu wu asu dangan. Ajô te, ñwômane soñ wo liti bia beta nye’an Yéhôva, a mveane zesé wé. Za wo dañe kômbô yen e ba bese b’aye wômô mesoñ?—Lañe Jean 3:16; Beromain 6:23.