AYÉ’É 7
Éjôé Zambe é ne jé?
1. Éjôé Zambe é ne jé?
Amu jé Yésus a ne Njô ayiane?—MARC 1:40-42.
Éjôé Zambe é ne ngum aval éjôé é tele yôp été. J’aye fole bijôé bise ya si, a bo na nkômbane Zambe ô boban, e yôp a si. Foé ya Éjôé Zambe é ne mbamba foé. Môt a binam a bili nkômbane ya tabe mbamba éjôé si, Éjôé Zambe j’aye jalé nkômbane te. Éjôé Zambe j’aye bo na, bôte bese be ne si, be bo jôme jia.—Lañe Daniel 2:44; Matthieu 6:9, 10; 24:14.
Éjôé j’ayiane bi njôô. Jôme te nje Yéhôva a nga telé mone wé Yésus Krist ane Njôô ya Éjôé jé.—Lañe Nlitan 11:15.
Yene’e vidéo a ne nlô ajô na Éjôé Zambe é ne jé?
2. Amu jé Yésus a ne Njô ayiane?
Mone Zambe a ne Njô a yiane amu a ne tetele, a mbamba nlem a mfa’a ya mam me ne zôsô. (Matthieu 11:28-30) A bili fe ngule ya volô bôt, amu aye jôé si se a too yôp. Éyoñ a wômôya, ane a nga ke yôp, a tabe Yéhôva mbo nnôme, a yange’e. (Behébreu 10:12, 13) Mvuse ya valé, Zambe a nga ve nye ngule ya taté na, a jôé.—Lañe Daniel 7:13, 14.
3. Yésus ba beza b’aye jôé?
Mone angôs bôt, ba loene na “mbamba be bôte,” ba be Yésus b’aye jôé be too yôp été. (Daniel 7:27) Bôte Yésus a nga taté top, be mbe bezôsô minlômane mié. Yéhôva a ke ôsu a top mbamba be bôt, befam a binga a zu kui den. Ane Yésus, ba wômô a nyôl é ne nsisim.—Lañe Jean 14:1-3; 1 Becorinthien 15:42-44.
Bôte tañe ya b’aye ke yôp? Yésus a nga loene be na, “mone nsamba mintômba.” (Luc 12:32) Bese be ne bôte 144 000. B’aye jôé si nyi a Yésus.—Lañe Nlitan 14:1.
4. Jé é nga boban éyoñe Yésus a nga taté éjôé?
Éjôé Zambe é nga taté na ja jôé mbu 1914. * Jame ôsu Yésus a nga bo, éyoñ a nga nyoñ éto Njô é mbe na, a nga wua Satan a beéngele bé si. Ane Satan a nga bi beta ayaa, a taté na aso abui minjuk e si. (Nlitan 12:7-10, 12) Ataté éyoñ te, minjuk môt a binam a tôbane mie, mi ne ve nenenen. Bita, mfum mbane ya zaé, akon, mimfô’ôsane mi si, biôme bite bise bi ne ngap ya “ndem” ja liti na, Éjôé Zambe é mbeme bi ntume ya mam mese ya si.—Lañe Luc 21:7, 10, 11, 31.
5. Jé Éjôé Zambe ja bo den?
Éjôé Zambe éngenan é kô’an beta nsamba bôt a so meyoñe mese na, be tabe nlatan. Jame te d’aboban a zene ya nkañetane mbamba foé. Bizu’u bi bôte be ne mewôk b’aye tabe Éjôé Yésus si. Éjôé Zambe j’aye ba’ale be, éyoñe j’aye zu tyam mbia nta’ane mame nyi. Nde ñhe, bôte bese ba kômbô bu’uban mvaé ya Éjôé Zambe, ba yiane yé’é bo Yésus mewôk.—Lañe Nlitan 7:9, 14, 16, 17.
Éjôé Zambe j’aye belane mimbu 1 000, asu na é jalé nsôñane Zambe ya atata’a. Si se j’aye bo Paradis. Mvuse y’été, Yésus aye bulan ésaa wé Éjôé. (1 Becorinthien 15:24-26) Ye ô bili môt ô ne kômbô kañete mam ya Éjôé Zambe?—Lañe Besam 37:10, 11, 29.
^ É.N. 6 Nge wo kômbô tu’a yeme aval avé Kalate Zambe a kuli ajô ya mbu 1914, fombô’ô mefep 217-220 ya Jé Kalate Zambe a ne ye’ele bia?
