AYÉ’É 8
Amu jé Zambe a jô’é na abé a minjuk mi kui?
1. Abé é nga taté aya?
Abé é nga taté si éyoñe Satan a nga laane minsos mi ôsu. Atata’a, Satan a mbe mbamba éngele a ne zôsô, ane ba bese bevok. Ve “a nji ke ôsu a wulu avale benya mejôô ma jô.” (Jean 8:44, MN) A nga yi na ékaña’a Zambe é ke be nye. Satan a nga duk minga ôsu Ève, a dutu nye na a bo nkômbane wé a lôté nkômbane Zambe. Adam a nga tôñe zene melo minga wé a nga tup. Zen Adam a nga tyii, é nga so minjuk a awu.—Lañe Metata’a 3:1-6, 19.
Satan a nga taté na, a ngane ngule Zambe a bili na a jôé môt a binam, éyoñ a nga tindi Ève na a bo Zambe melo. Abui bôt é nga top na, ba bo avale da. Avale te nde Satan a nga bo “njô bôt ya si nyô.”—Lañe Jean 14:30; 1 Jean 5:19.
2. Ye jôm éziñ é mbe abé e biôme bise Zambe a nga té?
Biôme bise Zambe a nga té bi nga too mbia abeñ. Beéngele a bôte Zambe a nga té, be nga too ngule ya bo nye angôndô ya mewôk. (Deutéronome 32:4, 5) Éyoñe Zambe a nga té bia, a nga ve bia éto fili na bi bi ngule ya top: nge na bi bo mvaé nge abé. Éto fili te, j’ave bia zene ya liti Zambe nye’ane wongan.—Lañe Jacques 1:13-15; 1 Jean 5:3.
3. Amu jé Zambe a nga jô’é na minjuk mi ke ôsu azu kui den?
Nane Adam ba Ève be nga bo nye melo, Yéhôva a nga jô’é na bôte be kange éjôé jé. Amu jé? Amu ayi a liti na, nge môt a kômbô ve mengule mese na a jôé bôte bevok te ke télé Zambe ôsu, Ecclésiaste 7:29; 8:9) Mvuse mimbu 6 000 y’ényiñe bôt e si va, ndem é yénéya: bijôé bi bôte bi nji ke kui na bi va bita, ékotekot, akon, mewôé me bôt.—Lañe Jérémie 10:23; Beromain 9:17.
ase ngule ya bo na môt a binam a bu’uban. (Éjôé Zambe, a ji bôte ja selan. Éjôé Zambe é ne mfi be bôte ba wulu avale ja jô, ve éjôé bôt é nji bo nalé. (Ésaïe 48:17, 18) Ana’ana, Zambe aye mane tyame bijôé bi bôte bise. Fo’o ve bôte ba top na ba tabe Éjôé Zambe si, mbe b’aye nyiñe si.—Ésaïe 11:9; Lañe Daniel 2:44.
Yene’e vidéo a ne nlô ajô na Amu jé Yéhôva a kamane ki na bi tôbane minjuk?
4. Njibane Zambe wo volô bia na bi bo jé?
Satan a jô na, bôte ba kañ Zambe amu na ba sôñe jôm éziñ e yat. Ye wo kômbô liti na a laane minsos? Ôwé! Ô ne de bo. Njiban Zambe wo volô bia na bi liti na bia kômbô tabe Éjôé jé si, sake éjôé môte mfe. Aval ényiñe bia nyiñe, ja liti ngame bia top.—Lañe Job 1:8-12; Minkana 27:11.
5. Aval avé bi ne top ngame Yéhôva?
Bi ne top ngame Zambe éyoñ bia tu’a yé’é nya ekaña’a, a bo fe mam bia yé’é. (Jean 4:23) Bi ne tebe Satan ngame yat, nge bia tube pôlitik, a bita, aval ane Yésus a mbe a bo’o éyoñ a mbe e si va.—Lañe Jean 17:14.
Satan a belan ngule jé na, mbia bemam, a mimboane mia ndamane nyôle jangan, me yéné abeñ. Bi ne bi ékpwe’ela nge étibila’a, bi so’ok be bemvôé bangan a bivuvumane biangan, éyoñe bia sa’ale avale mam te. (1 Pierre 4:3, 4) Nde, ye bi aye fulane nsamba a bôte ba nye’e Zambe? Ye bi aye tôñe metiñe mé me ne zôsôô a njalane a nye’an? Satan a nga jô na, mone a môt a vo’o ke bo Zambe mewôk éyoñe a tele meve’ele été. Nlitané na, a nga laane minsos.—Lañe 1 Becorinthien 6:9, 10; 15:33.
Nye’ane Zambe asu bone be bôt, wo ve bia ngaka’a na, abé a minjuk mi aye man. Nyô a liti a mimboane mié na, a buni nalé nnye aye nyiñe nnôm éto e si va.—Lañe Jean 3:16.