Proverbios 19:1-29
19 Maas maʼalob juntúul máak óotsil chúukaʼan u yóol u beet baʼax maʼalob+ke juntúul j-maʼ naʼat chéen tuus ku beetik.+
2 Juntúul máak maʼ u yojel mix baʼaleʼ maʼ maʼalob yaniliʼ,+le máax chéen ku jáajan beetik wa baʼaxoʼ ku kʼebantal.
3 U j-maʼ naʼatil máak kʼaskúuntik u beel,pero u puksiʼikʼaleʼ ku pʼuʼujul tu contra Jéeoba.
4 Le máaxoʼob ayikʼaloʼoboʼ yaʼab u amigoʼob,pero juntúul máax óotsileʼ yaan u xúumpʼattaʼal tak tumen máax jach u amigo.+
5 Juntúul maʼ maʼalob testigoeʼ maʼ ken u jech u castigartaʼal,+le máax chéen tuus ku beetik cada ken u jap u chiʼoʼ maʼ kun púutsʼul.+
6 Yaʼab máakoʼob ku yilkoʼob u lúubloʼob utsil tiʼ le máax ku yeʼesik u yutsiloʼ,tuláakal máak ku biskuba yéetel le máax ku síik baʼaloʼoboʼ.
7 Wa juntúul máax óotsil pʼektaʼan tumen tuláakal u sukuʼunoʼobeʼ,+¿maʼ wa túun maas jeʼel u pʼektaʼal tumen u amigoʼobeʼ?+
Letiʼeʼ ku bin tu paachoʼob utiaʼal u kʼáatik wa baʼax tiʼob, pero mix máak núukiktiʼ.
8 Jeʼel máaxak maʼalob bix u tuukuleʼ* u yaabiltmuba.+
Jeʼel máaxak ku kanáantik le naʼat bey junpʼéel tesoroeʼ yaan u bin utsil tiʼ.+
9 Juntúul maʼ maʼalob testigoeʼ maʼ ken u jech u castigartaʼal,le máax chéen tuus ku beetik cada ken u jap u chiʼoʼ yaan u kíimil.+
10 Wa juntúul j-maʼ naʼat maʼ maʼalob ka kuxlak ich ayikʼalileʼ,¡maas maʼ maʼalob ka gobernarnak juntúul esclavo yóokʼol príncipeʼobiʼ!+
11 Le naʼatoʼ ku beetik maʼ u jáan pʼuʼujul máak,+jatsʼuts u yilaʼal maʼ u beetik u cuentail le baʼax ku beetaʼaltiʼoʼ.+
12 U pʼuʼujul juntúul reyeʼ bey u yáakam juntúul leóneʼ,*+pero u yutsileʼ bey jeʼex le pʼuuljaʼ ku yantal tu yóokʼol le xíiwoʼoboʼ.
13 Juntúul paal minaʼan u naʼateʼ ku beetik u muʼyaj u papá,+juntúul atantsil chéen baʼateʼel* ku beetkeʼ bey junpʼéel techo tuʼux maʼatech u xuʼulul u yokol jaʼeʼ.+
14 Le naj yéetel le ayikʼaliloʼ letiʼe herencia ku pʼatik le taatatsiloʼoboʼ,pero juntúul atantsil yaan u naʼateʼ tiʼ Jéeoba u taal.+
15 Le maʼakʼóoliloʼ ku beetik u tʼúubul u wenel máak,juntúul máak maʼakʼóoleʼ yaan u muʼyajtik wiʼij.+
16 Le máax ku kanáantik u beetik baʼax ku yaʼalik le leyoʼ ku kanáantik u kuxtal,+le máax maʼ tu kanáantik u beeleʼ yaan u kíimil.+
17 Le máax ku yeʼesik u yutsil tiʼ juntúul óotsileʼ bey yaan baʼax ku tsʼáaik tiʼ Jéeoba u majáanteʼ,+letiʼ túuneʼ yaan u boʼotiktiʼ le baʼax ku beetkoʼ.+
18 Aʼal u nuʼuk tiʼ a paal mientras jeʼel u páajtaleʼ,+wa maʼeʼ tiʼ teech kun antal u culpail wa ku* kíimil.+
19 Le máax séeb u pʼuʼujuloʼ unaj u castigartaʼal,wa ka salvartik juntéeneʼ mantatsʼ yaan u kʼaʼabéettal a beetik.+
20 Uʼuy le consejooʼ yéetel kʼam le nuʼuktajoʼ+beyoʼ kéen máanak kʼiineʼ yaan u yantal a naʼat.+
21 Yaʼab baʼaxoʼob ku chʼaʼtuklik máak tu puksiʼikʼal,pero le baʼax u tukultmaj Jéeobaoʼ letiʼe baʼax kun béeytaloʼ.+
22 U jatsʼutsil juntúul máakeʼ letiʼe u yeʼesik nojoch yaabilajoʼ,+maas maʼalob juntúul máak óotsil ke juntúul máak chéen tuus ku beetik.
23 U respetartaʼal Jéeobaeʼ ku bisik máak tiʼ kuxtal,+le máax beetik beyoʼ yaan u jeʼelel tubeel, mix baʼal kun úuchultiʼ.+
24 Le maʼakʼóoloʼ ku jupik u kʼab ichil u tazail u yoʼoch,pero tumen jach maʼakʼóoleʼ maʼ tu bisik le janal tak tu chiʼoʼ.+
25 Jatsʼ le máax ku burlaroʼ,+ beyoʼ yaan u yantal u naʼat le máax maʼ jach yaan u naʼatoʼ,+tsol u nuʼuk tiʼ le máax yaan u naʼatoʼ, letiʼ túuneʼ yaan u maas kaanbal.+
26 Le máax ku maltratartik u papá yéetel ku beetik u bin u maamaeʼsuʼtsil yéetel kʼaas baʼax ku beetik.+
27 In paal, wa ku xuʼulul a wuʼuyik le nuʼuktaj ku tsʼaʼabaltechoʼ,yaan u xuʼulul a bin teʼ bej tuʼux jeʼel a maas kaanbaloʼ.
28 Juntúul testigo mix baʼal u biilaleʼ ku burlarkuba tiʼ le justiciaoʼ,+juntúul kʼasaʼan máakeʼ ku disfrutartik u beetik u kʼasaʼanil jeʼex u disfrutartik junpʼéel janaleʼ.+
29 Le máaxoʼob ku burlaroʼoboʼ yaan u juzgartaʼaloʼob,+le jaatsʼoʼ utiaʼal u puʼuch* le j-maʼ naʼatoʼoboʼ.+
Notas
^ Ich hebreoeʼ ku yaʼalaʼal kaʼach «ku yantal u puksiʼikʼaleʼ».
^ Wa «juntúul táankelem león tsʼoʼok u chowaktal u tsoʼotsel u pooleʼ».
^ Wa «kʼeeyaj».
^ Wa «maʼ a tsʼíiboltik u».
^ Tuláakʼ tuʼuxeʼ ku yaʼalaʼal «paach».