Proverbios 18:1-24
18 Jeʼel máaxak ku náachkuntkubaeʼ yaan u beetik chéen baʼax ku tsʼíiboltik,yaan u yeʼesik u pʼekmaj le naʼatoʼ.
2 Juntúul j-maʼ naʼateʼ maʼ uts tu tʼaan u kanik mix baʼaliʼ,letiʼeʼ maas uts tu tʼaan u yaʼalik baʼax yaan tu puksiʼikʼal.+
3 Juntúul máax ku beetik u kʼasaʼanileʼ ku kaxtik u pʼektaʼal,u beetaʼal baʼaloʼob suʼtsiltakeʼ ku taasik suʼtsilil.+
4 Le tʼaanoʼob ku jóokʼol tu chiʼ máakoʼ beyoʼob taamkach jaʼeʼ,+u sayabil le naʼatoʼ bey junpʼéel río ku yáalkab u jaʼileʼ.
5 Maʼ maʼalob u tsʼáaikuba máak tu favor juntúul kʼasaʼan máakiʼ,+maʼ maʼalob xan u pʼáatal maʼ u beetaʼal justicia tiʼ juntúul utsul máakiʼ.+
6 Le baʼax ku yaʼalik le j-maʼ naʼatoʼ ku beetik u yantal baʼateltʼaan,+u chiʼ beetik u taaktal u jaʼatsʼal.+
7 Le j-maʼ naʼatoʼ u chiʼ beetik u bin kʼaasil tiʼ,+u chiʼeʼ bey junpʼéel trampa utiaʼal u kuxtaleʼ.
8 Le baʼax ku yaʼalik le máax ku líiʼsaj tʼaanoʼ bey kiʼikiʼ janaleʼ,*+túutsʼlukʼtbil u beetaʼal utiaʼal u bin tu nakʼ máak.+
9 Jeʼel máaxak maʼakʼóol utiaʼal meyajeʼu amigo le máax ku yookoloʼ.+
10 U kʼaabaʼ Jéeobaeʼ bey junpʼéel nuxiʼ torreeʼ,+tiʼ ku bin áalkabil le utsul máak utiaʼal ka kanáantaʼakoʼ.*+
11 Le baʼaloʼob yaan tiʼ juntúul ayikʼal máakoʼ bey junpʼéel kaaj kaʼanal u pakʼiloʼobeʼ,tu tuukuleʼ le ayikʼaliloʼ bey junpʼéel nuxiʼ pakʼ tuʼux ku balikubaeʼ.+
12 Máax ku taaskuba nojbaʼalileʼ ku bin kʼaasil tiʼ,+máax kabal u yóoleʼ* ku nojbaʼalkúuntaʼal.+
13 Jeʼel máaxak ku núukik junpʼéel baʼal táanil tiʼ u chʼenxikintikeʼ,minaʼan u naʼat yéetel ku pʼáatal ich suʼtsilil.+
14 Le kiʼimak óolaloʼ jeʼel u yáantik máak u aguantart junpʼéel kʼojaʼanileʼ,+pero le yaj óolaloʼ ku pechʼ óoltik máak.+
15 U puksiʼikʼal le máax yaan u naʼatoʼ ku yilik u maas kaanbal,+u xikin le máaxoʼob yaan u naʼatoʼoboʼ ku kaxtikoʼob bix jeʼel u maas kaanbaloʼobeʼ.
16 Le baʼax ku síik máakoʼ letiʼe baʼax jeʼekʼabtik bej tiʼoʼ,+letiʼe baʼax beetik u yantal tu táan le máaxoʼob yaan autoridad tiʼoboʼ.
17 Tiʼ junpʼéel juicioeʼ le máax ku yáax tʼaanoʼ bey jach jaaj baʼax ku yaʼalikeʼ,+pero kéen kʼuchuk le máax tak u pooloʼ ku yilaʼal wa jach jaaj le baʼax tu yaʼaloʼ.+
18 U kaxtaʼal u nuʼuktaj Dioseʼ ku beetik u xuʼulul le baʼateloʼ+yéetel ku yutskíintik le problema yaan ichil* máakoʼob yaan páajtalil tiʼoboʼ.
19 U calmartaʼal juntúul amigo ofendertaʼaneʼ maas istikyaj ke u chʼaʼabal junpʼéel kaaj kaʼanal u pakʼiloʼob,+yaan baʼateloʼob xaneʼ istikyaj u resolvertaʼal jeʼex istikyajil u jeʼekʼabtaʼal u joonajil junpʼéel palacioeʼ.+
20 Le tʼaanoʼob ku jóokʼol tu chiʼ máakoʼ beyoʼob jeʼex le janal ku chupik u nakʼoʼ,+máakeʼ yaan u naʼajtal yéetel le baʼaxoʼob ku jóokʼol tu chiʼoʼ.
21 Le aakʼoʼ yaantiʼ u páajtalil u beetik u kíimil máak wa u beetik u kuxtal máak,+le máaxoʼob uts tu tʼaan u meyajtiʼoboʼ yaan u kʼamkoʼob u consecuenciail le baʼax ku yaʼalikoʼoboʼ.+
22 Le máax tsʼoʼok u kaxtik juntúul maʼalob atantsileʼ tsʼoʼok u kaxtik junpʼéel baʼal maʼalob,+yéetel ku kʼamik u yutsil Jéeoba.+
23 Juntúul máax óotsileʼ ku kʼáat óolal kéen tʼaanak,pero juntúul ayikʼaleʼ chich u tʼaan.
24 Yaan máaxoʼob jeʼel tak u beetkoʼob loob tiʼ u amigoʼobeʼ,+pero yaan juntúul amigo maas nojoch u yaabilaj ke jach u sukuʼun máak.+
Notas
^ Wa «beyoʼob baʼaloʼob ku jojoljaantaʼaloʼobeʼ».
^ Ich hebreoeʼ ku yaʼalaʼal kaʼach «utiaʼal u tsʼaʼabal tiʼ junpʼéel kaʼanal lugaroʼ». U kʼáat u yaʼaleʼ tuʼux maʼ tu páajtal u beetaʼal loob tiʼ.
^ Wa «humildeeʼ».
^ Ich hebreoeʼ ku yaʼalaʼal kaʼach «ku jatsik».
