Salmo 77:1-20
Ba dirijente: Ho melodia Jedutum.* Asaf+ nia knananuk.
77 Haʼu sei bolu Maromak ho lian makaʼas;Haʼu sei halerik ba Maromak, no nia sei rona haʼu.+
2 Iha loron neʼebé haʼu hetan susar, haʼu buka Jeová.+
Iha kalan haʼu la para loke haʼu-nia liman ba nia.*
Haʼu labele sente kmaan.
3 Kuandu haʼu hanoin-hetan Maromak, haʼu halerik;+Haʼu sente laran-susar no haʼu-nia kbiit lakon.+ (Sela)
4 Ita kaer metin haʼu-nia matan-kulit atu loke nafatin;Haʼu sente laran-taridu no labele koʼalia.
5 Haʼu hanoin fali ba tempu uluk nian,+Hanoin fali tinan sira neʼebé liu ona.
6 Durante kalan haʼu hanoin-hetan haʼu-nia knananuk;*+Haʼu hanoin kleʼan iha haʼu-nia laran;+Haʼu buka-hatene ho didiʼak.
7 Jeová sei soe tiha ami ba nafatin ka lae?+
Nia sei nunka hatudu fali ninia laran-diʼak ba ami ka lae?+
8 Ninia domin neʼebé laran-metin lakon ona ba nafatin ka lae?
Ninia promesa sei la sai loos ba nafatin ka lae?
9 Maromak haluha ona atu hatudu laran-diʼak ka lae?+Ninia hirus halo nia la hatudu tan laran-sadiʼa ka lae? (Sela)
10 Haʼu dehan beibeik ona: “Neʼe mak buat neʼebé halo haʼu neon-susar:*+
Maromak neʼebé Aas Liu Hotu la apoia tan* ami”.
11 Haʼu sei hanoin-hetan Jah nia serbisu;Haʼu sei hanoin-hetan hahalok furak neʼebé Ita halo husi tempu uluk kedas.
12 Haʼu sei hanoin kleʼan kona-ba buat hotu neʼebé Ita halo onaNo hanoin kleʼan kona-ba Ita-nia hahalok sira.+
13 Oh Maromak, Ita-nia dalan sira mak santu.
Oh Maromak, maromak ida-neʼebé mak boot hanesan Ita?+
14 Ita mak Maromak neʼebé loos, neʼebé hatudu hahalok kmanek sira.+
Ita hatudu sai ona Ita-nia kbiit ba povu.+
15 Ho Ita-nia kbiit* mak Ita salva* ona Ita-nia povu,+Jacob no José nia oan-mane sira. (Sela)
16 Bee haree ona Ita, oh Maromak;Bee haree ona Ita no la sai hakmatek.+
No bee kleʼan sai siʼak.
17 Kalohan sira fakar tun bee.
Kalohan iha lalehan hamosu rai-tarutu,No Ita-nia rai-lakan mosu iha fatin hotu hanesan rama-oan sira.+
18 Lian husi Ita-nia rai-tarutu+ mak hanesan kuda-karreta nia roda sira;Rai-lakan nia nabilan fó naroman ba mundu tomak;+Rai nakdedar no nakdoko.+
19 Ita-nia dalan mak liuhusi tasi,+Ita-nia dalan mak liuhusi bee barak;Maibé ema la haree Ita-nia ain-fatin sira.
20 Ita dirije Ita-nia povu hanesan dirije bibi-lubun,+No Moisés ho Arão mak tau matan sira.*+
Nota-rodapé
^ Orj., “haʼu loke liman ba nia no haʼu-nia liman la matek”.
^ Ka “múzika husi instrumentu neʼebé iha talin”.
^ Ka “hanetik ninia liman-loos ba”.
^ Ka “neʼebé sona haʼu”.
^ Orj., “liman”.
^ Orj., “sosa fali”.
^ Orj., “Liuhusi Moisés ho Arão nia liman”.
