Salmo 115:1-18
115 Oh Jeová, ami la merese atu simu buat ida,*Maibé Ita-nia naran deʼit mak merese simu glória,+Tanba Ita-nia domin boot* no laran-metin.+
2 Tanbasá mak nasaun sira tenke dehan:
“Sira-nia Maromak iha neʼebé?”+
3 Ami-nia Maromak iha lalehan;Nia halo buat naran deʼit neʼebé nia hakarak.
4 Sira-nia estátua* sira halo husi osan-mutin no osan-mean,Ema nia liman mak halo.+
5 Estátua sira-neʼe iha ibun, maibé labele koʼalia;+Sira iha matan, maibé labele haree;
6 Sira iha tilun, maibé labele rona;Sira iha inus, maibé labele horon;
7 Sira iha liman, maibé labele kaer;Sira iha ain, maibé labele laʼo;+Sira-nia kakorok labele hasai lian.+
8 Ema neʼebé halo estátua sira-neʼe sei sai hanesan sira,+Nuneʼe mós ho ema hotu neʼebé tau fiar ba estátua sira-neʼe.+
9 Oh Izraél, tau fiar ba Jeová,+Nia mak imi-nia ajuda-naʼin no imi-nia eskudu.+
10 Oh Arão nia umakain,+ tau fiar ba Jeová,Nia mak imi-nia ajuda-naʼin no imi-nia eskudu.
11 Oh imi neʼebé hamtaʼuk Jeová, tau fiar ba Jeová,+Nia mak imi-nia ajuda-naʼin no imi-nia eskudu.+
12 Jeová hanoin-hetan ita no nia sei haraik bensaun ba ita;Nia sei haraik bensaun ba umakain Izraél;+Nia sei haraik bensaun ba umakain Arão.
13 Jeová sei haraik bensaun ba ema neʼebé hamtaʼuk nia,Ba ema-boot no mós ema kiʼik.*
14 Jeová sei halo imi sai barak liután,Imi no imi-nia oan sira.+
15 Haʼu hein katak Jeová sei haraik bensaun ba imi,+Nia mak Kriadór ba lalehan no rai.+
16 Kona-ba lalehan, neʼe mak Jeová nian,+Maibé nia fó ona rai ba ema.+
17 Ema neʼebé mate ona labele fó hahiʼi ba Jah;+Nuneʼe mós ho ema sira neʼebé iha rate laran.*+
18 Maibé ita sei fó hahiʼi ba JahHusi agora no ba nafatin.
Fó hahiʼi ba Jah!*
Nota-rodapé
^ Ka “ami la iha buat ida”.
^ Ka “Ba ema importante no ladún importante”.
^ Orj., “tama ba fatin nonook nian”.
^ Ka “Aleluia”. “Ia” ka “Jah” mak naran badak ba Jeová.
