Salmo 104:1-35
104 Haʼu sei hahiʼi Jeová.+
Oh Jeová, haʼu-nia Maromak, Ita mak boot tebes.+
Ita tau dignidade no kmanek nuʼudar Ita-nia hatais.+
2 Ita hatais naroman+ hanesan ema hatais roupa;Ita tau lalehan hanesan ema dada hena tenda nian.+
3 Maromak tau ai-lolon hodi harii kuartu sira iha kalohan leten,*+Nia halo kalohan nuʼudar ninia kuda-karreta,+Nia book an bá-mai iha anin nia liras leten.+
4 Nia halo nia anju sira nuʼudar espíritu,*No ninia atan sira nuʼudar ahi neʼebé han mohu buat hotu.+
5 Nia harii metin ona mundu iha ninia hun sira-nia leten;+Mundu neʼe sei la muda husi ninia fatin* tinan ba tinan ba nafatin.+
6 Ita taka rai ho bee neʼebé kleʼan hanesan taka ho hena.+
Bee taka foho sira-nia tutun.
7 Bee halai tanba Ita-nia liafuan korrije;+No bee halai ho taʼuk bainhira rona lian husi Ita-nia rai-tarutu,
8 Sira halai ba fatin neʼebé Ita deside ona ba sira,Nuneʼe foho sira saʼe+ no rai-tetuk sira tun.
9 Ita tau baliza hodi bee labele suli liu,+Hodi nuneʼe bee sei nunka taka fali rai tomak.
10 Maromak haruka bee suli iha mota* sira;Sira suli entre foho sira.
11 Sira fó-hemu ba animál fuik hotu iha rai-luan;No kuda-burru fuik hemu toʼo la hamrook tan.
12 Manu sira halo sira-nia knuuk iha ai besik bee neʼe;Manu sira kanta iha ai-tahan sira-nia leet.
13 Maromak rega bee ba foho sira husi ninia kuartu sira iha leten.+
Ho rezultadu husi Ita-nia serbisu mak rai sai kontente.+
14 Nia halo duʼut moris atu karau sira han,Nia mós halo ai-horis sira moris husi rai nuʼudar ai-han,Nia halo nuneʼe ba ema nia presiza,+
15 No fó tua-uvas neʼebé halo ema nia laran haksolok,+Mina neʼebé halo ema nia oin nabilan,No paun neʼebé halo ema nia laran forte.+
16 Jeová nia ai-hun sira haksolok tanba iha bee barak,Ai-sedru sira iha Líbanu neʼebé nia kuda,
17 Iha neʼebá manu sira halo knuuk.
No manu-segoña nia knuuk+ mak iha ai-juníperu leten.
18 Foho aas sira mak ba bibi-timur fuik sira;+Fatuk boot sira mak fatin protesaun ba koellu-hiraks sira.+
19 Nia halo fulan atu marka tempu neʼebé hili tiha ona;No loro-matan hatene bainhira mak nia tenke tun.+
20 Nia halo rai nakukun, no kalan toʼo mai,+Bainhira animál fuik hotu iha ai-laran laʼo bá-mai.
21 Leaun-aman sira hasai lian hodi buka hahán+No buka sira-nia ai-han husi Maromak.+
22 Bainhira loro-matan saʼe,Sira fila fali no toba iha sira-nia fatin.
23 Ema bá halo ninia serbisu,No nia serbisu toʼo kalan.
24 Oh Jeová, Ita-nia serbisu sira barak tebes!+
Ita halo buat sira-neʼe hotu ho matenek.+
Rai nakonu ho buat neʼebé Ita halo ona.
25 Tasi neʼebé boot no luan,Nakonu ho kriatura neʼebé moris toʼo sura labele, kiʼik no boot.+
26 Ró sira halai iha neʼebá,No animál boot*+ neʼebé Ita kria halimar iha laran.
27 Sira hotu hein ItaAtu fó sira-nia ai-han tuir tempu.+
28 Sira halibur buat neʼebé Ita fó ba sira.+
Bainhira Ita loke Ita-nia liman, sira simu buat diʼak barak.+
29 Bainhira Ita subar Ita-nia oin, sira neon-susar.
Se Ita hasai tiha sira-nia iis,* sira mate no fila fali ba rai-rahun.+
30 Maibé bainhira Ita haruka Ita-nia espíritu, Ita kria sira,+No Ita hafoun rai.
31 Jeová nia glória sei iha ba nafatin.
Jeová sei haksolok ho ninia serbisu sira.+
32 Nia hateke ba mundu, no neʼe nakdoko;Nia kona foho sira, no sira hasai suar.+
33 Haʼu sei kanta ba Jeová+ iha haʼu-nia moris tomak;Haʼu sei kanta knananuk hahiʼi nian* ba haʼu-nia Maromak durante haʼu moris hela.+
34 Haʼu hein katak haʼu-nia hanoin sira halo nia kontente.*
Haʼu sei haksolok tanba Jeová.
35 Ema sala-naʼin sira sei lakon husi rai,No ema aat sira sei la iha tan.+
Haʼu sei hahiʼi Jeová. Fó hahiʼi ba Jah!*
Nota-rodapé
^ Orj., “iha bee laran”.
^ Haree “Ruah” iha Glosáriu.
^ Ka “sei la nakdoko”.
^ Haree “Ruah” iha Glosáriu.
^ Ka “halo múzika”.
^ Ka karik “Haʼu hein katak haʼu sei kontente hodi hanoin kleʼan kona-ba nia”.
^ Ka “Aleluia”. “Ia” ka “Jah” mak naran badak ba Jeová.
