PERGUNTA 5
Bíblia fó sai mensajen saida?
“Haʼu sei halo ó no feto neʼe odi malu, nuneʼe mós ho ó-nia bei-oan no ninia bei-oan. Nia sei harahun ó-nia ulun, no ó sei hakanek ninia ain-tuban.”
“Liuhusi ó-nia bei-oan mak nasaun sira hotu iha mundu sei hetan bensaun tanba ó rona ba haʼu-nia liafuan.”
“Halo Ita-nia Ukun toʼo mai rai. Halo Ita-nia hakarak sai loos iha rai, hanesan iha lalehan.”
“Lakleur tan, Maromak neʼebé fó dame sei harahun Satanás iha imi-nia ain okos.”
“Bainhira Maromak halo ona buat hotu hakruʼuk ba ninia Oan-Mane, tuirmai Oan-Mane rasik mós sei hakruʼuk ba Maromak neʼebé halo buat hotu hakruʼuk ba nia, nuneʼe Maromak sei sai Ukun-Naʼin ba buat hotu.”
“Maromak hatoʼo promesa sira ba Abraão no ninia bei-oan . . . , neʼe mak Kristu. Liután neʼe, se imi Kristu nian, imi mak Abraão nia bei-oan duni.”
“Agora ita-nia Naʼi no ninia Kristu mak ukun mundu tomak, no Nia sei ukun nuʼudar liurai tinan ba tinan ba nafatin.”
“Entaun, samea boot neʼe soe tun tiha ba rai. Nia mak samea uluk nian, neʼebé hanaran Diabu no Satanás, neʼebé lohi ema iha mundu tomak. Nia soe tun tiha ba rai hamutuk ho ninia anju sira.”
“Nia kaer tiha samea boot neʼe, samea uluk nian, neʼe mak Diabu no Satanás, no kesi samea neʼe ba tinan 1.000.”
