“Entrega ó-nia laran-susar ba Jeová, no nia sei apoia ó. Nia sei nunka husik ema laran-loos atu monu.”

Salmo 55:22

“Ema badinas nia planu sei hetan duni susesu, maibé ema hotu neʼebé ansi sei sai kiak duni.”

Provérbios 21:5

“Keta taʼuk, tanba haʼu hamutuk ho ó. Keta laran-taridu, tanba haʼu mak ó-nia Maromak. Haʼu sei hametin ó, sin, haʼu sei ajuda ó, haʼu sei kaer metin ó ho haʼu-nia liman-loos justisa nian.”

Isaias 41:10

“Imi ida-neʼebé mak hodi hanoin resin bele hanaruk ninia moris ba tempu uitoan tan?”

Mateus 6:27

“Keta hanoin resin kona-ba loron aban, tanba loron aban iha ninia susar rasik. Loron ida-idak iha ninia problema rasik.”

Mateus 6:34

 “Buka-hatene loloos buat sira neʼebé importante liu.”

Filipe 1:10

“Keta hanoin resin kona-ba buat ida, maibé iha situasaun hotu husu ajuda husi Maromak liuhusi orasaun no harohan no mós fó agradese, no Maromak nia dame neʼebé aas liu ema nia hanoin hotu sei proteje imi-nia laran no imi-nia kbiit atu hanoin liuhusi Kristu Jesus.”

Filipe 4:6, 7